Бала болашағы-бөбекжайдан басталады

«Ғарышкер» бөбекжайында отбасылық және қоғамдық тәрбиесінің бірлігі мен сабақтастығының қамтамасыз ету және мектепке дейінгі ұйымдарға бармайтын балалардың жеке басының жан-жақты дамуын қолдау мақсатында консультациялық пункт өз жұмысын жүргізіп келеді. Оның міндеттері-ата-аналарға серіктестік орнату, мектеп жасына дейінгі балаларға жеке, педагогикалық және психологиялық көмек көрсету және ата-аналар қоғамының педагогикалық білім арттыру мақсатында іс-шаралар ұйымдастыру. 2024-2025 жылға жылдық жоспар жасақталып, мамандардың жұмыс кестесі бекітілді. Ата-аналардың өтініштері қабылданып, кесте сәйкес келулері түсіндірілді.

Ата-аналарға бала тәрбиесі үшін маңызды «Денсаулық, күн тәртібі», «Тазалық-денсаулық кепілі», «Баланың денсаулығы біздің қолымызда», «Баланың үйдегі әрекетін ұйымдастыру» т.б. тақырыптарда топтық және жеке кеңестер берілді.

Өз эмоцияларын басқара білу-мектепке дейінгі жастағы балалардың ең басты жетістігі. Бөбекжайымыздың педагог-психолог маманы Н.Бердібек "Күлкімен өткен әрбір күн жарық» баланың эмоционалдық жағдайын ескеру мақсатында жеке және топтық ойындар өткізді.

Консультативтік пункттер жағдайындағы МДҰ-ға ата-аналар көбіне толғандыратын сұрақтарға «Балалардың бөбекжайға бейімделуі», «Балалардың қабілеттігін анықтау жолдары», «Бала ағзасын шынықтыру» тақырыптарында мамандар кеңестер беріледі. Ата-аналар мен балалардың бөбекжайға деген көзқарасын анықтау мақсатында тестілер мен сауалнамалар жүргізілді.

"Ғарышкер" бөбекжайы әдіскері

Ы.Айбергенова