Бала тәрбиесіндегі отбасы мен балабақшаның ынтымақтастығы

Бала тәрбиесіндегі отбасы мен балабақшаның ынтымақтастығы

Бала тәрбиесі – қоғамның ең өзекті мәселелерінің бірі. Осы жолда ең бірінші отбасы мен балабақша бірлесе отырып, бала тұлғасының үйлесімді дамуына ықпал етуі тиіс. Себебі бала – отбасының да, қоғамның да болашағы. Сондықтан тәрбие мен білімнің алғашқы баспалдағы саналатын балабақша мен отбасылық тәрбиенің арасындағы өзара байланыс маңызды рөл атқарады.

Бала тәрбиесі – адамзаттың ең маңызды әрі жауапты ісі. Оның алғашқы негізі отбасында қаланса, жалғасы балабақшада жалғасады. Сол себепті отбасымен балабақша арасындағы ынтымақтастық баланың үйлесімді дамуына, тәрбиесіне және әлеуметтенуіне үлкен әсер етеді.

Отбасында балаға алғашқы әлеуметтік тәрбие беріледі: тіл үйренеді, мінез-құлық ережелерін қабылдайды, жақын ортаға бейімделеді. Ал балабақша – баланың жеке тұлға ретінде дамуына, әлеуметтенуіне, шығармашылық және танымдық қабілеттерінің ашылуына әсер ететін орта. Осы екі мекеменің тәрбиелік мақсаттары бір арнада тоғысуы керек.

Отбасы – баланың алғашқы ұстазы. Бала алғашқы мінез-құлық дағдыларын, қарым-қатынас мәдениетін, сүйіспеншілік пен құрметті отбасында сезінеді. Ал балабақша – баланың жан-жақты дамуына, танымдық және шығармашылық қабілеттерінің ашылуына жол ашатын орта. Осы екі ортаның мақсаты бір – балаға дұрыс бағыт беру, оны тұлға ретінде қалыптастыру.

Бала тәрбиесіндегі бұл екі жақтың бірлесе жұмыс істеуі көптеген мәселелердің алдын алуға көмектеседі. Егер ата-ана мен тәрбиеші арасында өзара түсіністік, сенім мен ынтымақтастық болса, бала да өзін қауіпсіз әрі сенімді сезінеді.

Мұнда тәрбиешінің кәсібилігі мен ата-ананың ашықтығы маңызды. Тәрбиеші ата-анамен тығыз байланыста болып, әр баланың ерекшелігін ескере отырып, дамуына бағыт беруі тиіс. Ал ата-аналар балабақшадағы оқу-тәрбие процесіне бейжай қарамай, белсенді қатысып, баланың үйде алған тәрбиесін мекемедегі біліммен ұштастыруы қажет.

Ынтымақтастықты нығайту жолдары:

- ата-аналар жиналысы, ашық есік күндері, тренингтер ұйымдастыру;

- бірлескен мерекелік шаралар өткізу;

- отбасылық шеберлік сабақтары мен байқаулар;

- тәрбиеші мен ата-ананың күнделікті байланысын жолға қою (онлайн, күнделік, кеңес беру).

Қорытындылай келе, бала тәрбиесінде отбасы мен балабақша бір-бірін толықтыратын, ажырамас екі орта, бала тәрбиесінде отбасы мен балабақшаның өзара байланысы – табысты тәрбиенің кілті. Осы ынтымақтастық қаншалықты берік болса, болашақ ұрпақ та соншалықты саналы, тәртіпті әрі рухани бай болып өседі. Егер осы екі жақ ортақ мақсатпен, өзара сеніммен әрекет етсе, онда бала тәрбиесінде жоғары нәтижеге қол жеткізуге болады. Ынтымақтастық – баланың болашағына жасалған берік негіз.