Ата-аналарға арналған тренинг: «Бала тілін дамытамыз»

Тақырыбы: Бала тілін дамытудың тиімді жолдары.
Мақсаты:

• Баланың сөйлеу дағдысын дамытуда ата-ананың белсенді рөлін арттыру;

• Отбасындағы тілдік ортаның маңызын түсіндіру;

• Ата-аналарға қарапайым әрі тиімді сөйлеу ойындарын үйрету.

Тренинг барысы

1. Танысу жаттығуы: «Сөйлеммен танысайық»

Мақсаты: Қатысушыларды жақындастыру, жағымды қарым-қатынас орнату.
Өткізілуі: Әр ата-ана өз есімін, баласының есімін атап, былай дейді:

«Мен – Айгүл, анасы Нұрбектің. Нұрбек – өте тілалғыш әрі әңгімешіл бала».
Бұл жаттығу арқылы ата-аналар баласының сөйлеу қабілетіне назар аударады.

2. Жаттығу: «Менің балам сөйлеуді үйреніп жатыр»

Мақсаты: Тіл дамуына жағдай жасайтын ата-ана әрекеттерін көрсету.
Шарты: Ата-аналарға баласының сөйлеу барысындағы бір қиын сәтті елестету ұсынылады. Мысалы: бала сөзді дұрыс айтпайды немесе сөйлем құра алмайды. Осы сәтте ата-ана қалай көмек көрсетер еді? Әр қатысушы өз тәсілін айтып береді.

3. «Сөйлемді аяқта» әдістемесі

Мақсаты: Баламен тілдік қарым-қатынасты дамыту, сөйлеу белсенділігін арттыру.
Сөйлемдер:

• «Мен баламмен сөйлескенде өзімді... сезінемін.»

• «Баламның ең жақсы айтатын сөзі – ...»

• «Кешке баламмен бірге ... туралы сөйлесеміз.»

• «Тіл дамыту үшін біз үйде ... жасаймыз.»

• «Балама тіл үйренуге көмектесетін сүйікті ойыны – ...»

4. Қимылды ойын: «Қимылды қайтала»

Мақсаты: Тіл мен қимылды байланыстыра отырып, сөздік қорды дамыту.
Шарты: Жүргізуші белгілі бір қимыл көрсетіп, оны сөзбен атайды (мысалы, «секір», «ұш», «отыру»). Ата-аналар бұл әрекетті қайталап, баламен бірге үйде қалай ойнауға болатынын түсінеді.

5. «Гүлдің ашылуы» тыныштық сәті (музыкамен)

Мақсаты: Ішкі тыныштық, баламен байланысты терең сезіну.

«Көзіңізді жұмыңыз... Жүрегіңізде гүл пайда болды. Бұл – балаңыздың тілі. Ол гүл әлі кішкентай... Сіздің жылы сөзіңіз, ертегіңіз, әніңіз – ол гүлдің суы мен жарығы... Қазір бұл гүл жайнап ашыла бастады... Оның әр күлтесі – айтқан сөзі, құрастырған сөйлемі...»

Осы ойша көріністі ата-аналар гүл суреті арқылы бейнелейді. Гүлдің жапырақтарына баласының сөйлеген алғашқы сөздері, сүйікті тақырыптары жазылады.

6. «Тілек шамы» – Қорытынды

Ата-аналар бір-біріне немесе өз баласына арналған тілектерін айтып, «тілек шамын» қолдарына алып, бір-біріне ұсынады:

«Мен баламның тілі анық, сөзі әсерлі болуын тілеймін».
«Баламмен сөйлесуге әрдайым уақыт табуға тырысамын».

Қорытынды сөз:

Құрметті ата-аналар! Баланың тілі – оның ойының көрінісі. Сөйлеу – қарым-қатынас, таным, сезім. Сол себепті балаңызбен жиі сөйлесіңіздер, ертегі оқыңыздар, бірге ойнаңыздар. Сіздердің махаббаттарыңыз – баланың тіл дамуының басты кілті!

Маңғыстау облысының

Білім басқармасының

Қарақия ауданы бойынша

Білім бөлімінің «Еркемай бөбекжайы»

Жедел басқару құқығындағы

МКҚК әдіскері _________Каирхожаева О.Б

_________________________

«_____»__________2025ж

Ата-аналарға арналған тренинг: «Бала тілін дамытамыз»

Тәрбиеші:Түселбай . М

Бисенбаева. Э

2024-2025ж