"Балабақша - мейірімділік пен сүйіспеншілік ордасы"

Нурсаланова Назгуль Абдрахмановна

Алматы қаласы

Алатау ауданы

ЖШС "Нұр-Раян-1" балабақшасының тәрбиешісі

«Балабақша- мейірімділік пен сүйіспеншілік ордасы»

Сабақтың мақсаты: Балабақша жайында түсінікті кеңейту, балабақшаға деген құрмет пен махаббат сезімдерін тәрбиелеу; Ұжымдық қарым- қатынас дағдыларын, құрдастарымен достық қатынас жасауды қалыптастыру.

Әдістер: сұхбат, әңгімелесу, ойын, ұжымдық жұмыс, өлең.

Құрал- жабдықтар: «Балабақша» суреті, балалардың фотосуреттері, балабақша туралы бейне көріністер;

Шаттық шеңбері

Қол алысып, кәне біз,

Достасайық бәріміз

Айтарым бар сендерге,

Тез тұрыңдар шеңберге.

Қандай жақсы бір тұру,

Достарменен бір жүру!

Қандай жақсы дос болу!

Тәрбиеші: Балалар, сендер кездескенде бірге ойнап жүргенде бір-біріңе қарап күлімсірейсіңдер?

Оның себебі не?

Балалар: Себебі бір- бірімізді көргенде қуанамыз, ризамыз, сағынамыз, бір- бірімізбен доспыз, жылы лебіздер, тілектер сыйлаймыз.

Балалар: Себебі біз кездескенде шаттанамыз, жақсы көңіл күйімізді бөлісеміз, сүйіспеншілік сыйлаймыз, мейірім білдіреміз, ықылас көрсетеміз, түсіністікке, татулыққа шақырамыз.

Тәрбиеші: Сендерді тағы не қуантуы мүмкін? Қай кезде қуанышқа бөлінесіңдер?

Балалар:

• Анам маған жаңа ойыншық алып берсе

• Мадақтағанда

• Анамның көңілді жүзі, күлімдеген көзі

• Отбасына деген махаббатымыз

• Компьютермен ойнағанда

• Балабақшаға керемет, әдемі машинамен келгенде

• Балбақшаға келгеніме қуанамын , себебі онда мені тәтелер, достарым қарсы алады

• Сабақ оқыған ұнайды, онда біз білімге, оқуға, жазуға үйренеміз

Балалар: - Анам маған күлімсіреп қараса

• Әкем мені еркелетсе

• Атама, әжеме қонаққа барсам

• Достарыммен демалыс паркіне бірге барсам

• Қызықты мультфильм көргенде

Тәрбиеші: Балабақшаның фотосуретін қояды.

Балалар: Бұл біздің «Арман»балабақшамыз .

Тәрбиеші : Балабақша несімен ұнайды?

Балалар:

• балабақша- онда көп достар, балалар бар.

• балабақшада уақытында тамақ ішеміз, тәтті де, дәмді сусындар бар.

• Балабақша- біздің екінші үйіміз

• Бәрі де бар бақшада, ойын бөлме, асхана

• Ақыл- ойға арналған ойындар көп

Балалар: балабақшада көп достар болады, олармен сырласуға, ақылдасып сөйлесуге болады.

Тәрбиеші: Қалай сендер сырласасыңдар, құпия айтасыңдар?

Балалар: Диванның үстіне жайғасып отырып аламыз да, бір-бірлерімізге сырларымызды айтамыз. Өзіміздің қуанышымыз бен бөлісеміз.

Тәрбиеші: Бейнетаспаны көрсетеді.

Балалар: Бұл біздің балабақшадағы өтіліп жатқан сабақтар.

-дене тәрбиесі сабағында денемізді шынықтырамыз, жаттығулар жасаймыз, ойын ойнаймыз.

- логопед бөлмесінде тілімізді жетілдіруге, дыбыстарды дұрыс айтуға, әдемілеп сөйлеуге жаттықтырады.

- психологпен зейінімізді, қиялымызды дамыту үшін ойындар ойнаймыз.

Тәрбиеші: Иә, дұрыс айтасыңдар. Бұл біздің балабақшамыз. Онда көп достарымыз, жолдастарымыз бар.

Тақпақ:

1 бала: Мынау мен.

Балабақша есігін

Үшке тола ашқанбыз.

Балапандай өсіріп,

Мәпелейді бақшамыз./ 3 жастағы фотосуретін іледі./

2 бала: Біздің топтың балалары

Бұл -екінші үйіміз

Бір туғанбыз бәріміз.

Біз – осы үйдің гүліміз,

Біз – осы үйдің сәніміз /топпен түскен фотосуретін іледі/

3 бала: Менің досымның аты Адия.

Бұл- құшағы тым ыстық

Мектебіміз бастапқы!

Мұнда жақын туыстық,

Мұнда тұңғыш дос таптық! / досының фотосуретін қояды/ , сосын оны құшақтайды.

Тәрбиеші : Балалар бір-бірін құшақтайды да, менің досым Алихан деп айту керек.

Енді сендермен «Достық» дәмін жасайық

Онда біз не саламыз?/айта отырып жасайды/

Тоқашты микроволновка пешіне пісіруге қояйық.

Тәрбиеші: Тоқашымыз піскенше , біз сендермен армандайық. / Музыка/ Ризамын.

1,2,3 Көздеріңді жұмыңдар

Астанаға барғанды, әдемі ойыншықпен ойнауды,

Үлкен әдемі ғимаратты балабақша болуын, балабақша айнадан, әдемі, жылтыраған болса деп армандаймын.

Тәрбиеші: Ал, суретші қандай балабақшаны суреттепті? Бұнда бір нәрсе жетіспейді? Қалай ойлайсыңдар? Әлде сендерге осылай ұнай ма?

Балалар:-мен күлімдеп шыққан күннің көзін қосар едім

• мен –бәйтеректі қосып, оған ертедегі самұрық құсын салар едім

• ал мына балабақшада ешкім жоқ, балаларды тұрғызар едім

• балабақша да көп ойыншықтар, компьютер болса

Балалар жетіспегенді қосады- жапсырады.

Тәрбиеші: Балабақша қандай болды? / әдемі, әсем, көңілді, жарық/

Біздің де көңіліміз қандай болды? / қуанышты, мейірімді, жарқын жүзді/

Енді әсем , әдемі балабақша туралы өлең айтып берейік.

Өлең: Балабақша «Арманым»

Жүректен жүрекке шеңбері:

Отаным, саған ризамын,

Біздерге бақша сыйладың!

Тәрбиеші: Балалар, тоқашымызда пісіп те қалыпты, топқа барғасын, бәріміз бірігіп дәмін татып көреміз.