Балабақша- балалардың екінші үйі

Балабақша екінші үйлері

Үздіксіз білім берудің алғашқы сатысы- ол балабақша. Қазақ халқы қай уақытта болмасын ұрпақ тәрбиесін- ұлттың тағдыры, ұлттың болашағы деп білген.

Науалы ауылындағы «Балбөбек» балабақшасының ұжымына және топ тәрбиешілеріне үлкен рахметімізді айта кеткіміз келіп отыр. Тәрбиешілер тиімді әдіс-тәсілдерді қарастырып оны тәжірибе жүзінде қолданып, іске асырып балаларымызға жан-жақты өздерінің білімімен сусындатып жақсы тәрбие беруде.

1 маусым балалар күніне арнап, балаларға сыйлық ретінде өз күштерін салып, ата-аналарды қатыстыра отырып әдемі ойын алаңдарын жасады. Ойын алаңын жасауда әр топтың өздерінің ерекшеліктері байқалады. Оның ішінде атап айтсақ,кіре бергенде ең көзге түсетін ересектер «Балдырған » тобы тәрбиешілері Сейсембинова Нұрбала, Қалиева Эльмира, Өсербаева Лаура, Рузиева Ғалия және тәрбиеші көмекшісі Икласова Қаныша жасаған балаларымыздың денсаулығына керекті табан жаттығуына қажетті (шөппен, құммен, таспен, сумен)жаздық сауықтыру шараларына арналған бұрыш, одан кейін африка жануарлары, көл айдынында қалықтаған киелі құсымыз қос аққу, табиғат аясында демалуға арналған дастархан, балаларды дәлдікке үйрететін тақта осының бәрін тәрбиешілердің іскерлігі мен тапқырлығының арқасы. «Балапан» тобының тәрбиешілері Сағатпекова Жанылхан, Ашимбаева Назира, Салқымбаева Назигүл, тәрбиеші көмекшісі Азизова Гүлмира «Ертегілер әлемі тақырыбын ашса, ал « Жауқазын» тобының тәрбиешілері Райымжанова Гүлайым, Құрмашева Құралай,Дангылбаева Алия, Бекбосынова Асия, тәрбиеші көмекшісі Абылханова Нұргүл «Көліктер әлемін» керемет ойластырып жасаған.

Барлықтарыңыздың дендеріңізге саулық,отбасыларыңызға амандық тілеп , осындай игі істер жалғаса берсін деп, рахметімізді айтамыз.

Науалы ауылының тұрғыны Б. Мындыбаева,А. Ахметкаримова және балабақша ата-аналары.