Муканова Л.И.,

№31 «Күншуақ» мектепке

дейіңгі ұйымының

музыка жетекшісі.

Ақтөбе қаласы

«Балаға музыка арқылы патриоттық тәрбие беру»

Еліміздің болашағы – жас ұрпақты тәрбиелеуде бесік-отбасы, ата-ана тәрбиесі болса, екінші бесік-білім беру мекемесі. Мектепке дейіңгі кезеңдегі тәрбие- адам қалыптасуының алғашқы баспалдағы. Заман талабына лайық тәрбие мен білім беру жұмысын кешенді ұйымдастыру жаңа технологияларды, идеялар мен шығармашылық, инновациялық жаңашылдықты қажет етеді.мектепке дейіңгі ұйымда берілетін тәрбие – барлық тәрбиеніңбастамасы, әрі жан-жақты тәрбие мен дамыту ісінің түпкі негізін қалайтын орын.

Музыка дегеніміз – бұл керемет,ештеңемен де ауыстырылмайтынбілім беру құралы. Физилогиялық кемістігі жоқ балалардың барлығы дыбыстарды ести алады.Сондықтан оларға музыканы түсінуге, сезінуге үйретуге болады.

Балалардың азаматтық тұлғасы мен отаншылдық асқақ сезімдері білім мен тәрбие барысында қалыптасады. Яғни, жас ұрпақты отансүйгіштікке тәрбиелеу маңызды да жауапты істердің бері. Ел тізгінің берік ұстай білетін ұрпақ тәрбиелеу әр отбасының және мектепке дейіңгі ұйымның негізгі міндеттерінің бірі.

«Күншуақ» мектепке дейіңгі ұйымда балаларға патриоттық тәрбие беруден көптеген жұмыстар жүргіземіз. Балаларға патриоттық тәрбие күнделікті ұйымдастырылған оқу-іс әрекеті, ертеңгіліктер, іс-шаралар арқылы беріліп отырады. Нәтижесінде озін, ағайын-туысын, достарын, рәміздерін құрметтейтін, тілін білетін елін, жерін сүйетін, жауапкершілікті сезінетін тұлға қалыптасады. Бұл тұрғыда «Тәуелсіздік ел тірегі білімді ұрпақ», «Достық мерекесі», «Тұңғыш Елбасы», «Желтоқсан желі-ызғары», «Жеңіс күні», «Астана- бас қала», «Ата заңым ардақты», «Ана тілің- арын бұл», «Бірлігіміз жарасқан- елміз», «Мен Қазақстан азаматымын», тақырыбында мерекелік ертеңгіліктер мен іс шаралар шеберлікпен ұйымдастырылды.

Ата-анамен бірлесе жүргізілген «Екі жұлдыз» патриоттық ән байқауы, «Отбасылық шаңырақ» сайысы, «Балалар құқық туралы не білесіңдер?» сайысы, «Тапқыр отбасы» тақырыбындағы іс-шаралар жоспарлы түрде өткізілді.

Кішкентай балаларымыз Елтаңба мен Туымызды біліп, Әнұранымызды жатқа шырқап тұрса әуенін құлағына құйып өссе, сөз жоқ, олардың Отаншыл, еліне қамқор, батыл да қайратты, қайырымды болып өсетіні даусыз. Балалардың шығармашылық жұмыстары да өз нәтижесін беруде. Мектепке дейіңгі ұйымда патриоттық тәрбиені оқу тәрбие жұмысымен ұштастыра жүргізудің тиімділігін өз тәжірибемде көріп келемін.

В.А. Сухомлинский «Музыкалық тәрбие – музыкантты тәрбиелеу емес, ең алдымен адамды тәрбиелеу»-деп тегін айтпаған.Біз балалардың қабілетін дамыта отырып, өзіндікдамуға даяр, өзін таныта алатын және өзі үшін де,қоғам үшін де бар мүмкіндігін пайдаланатын шығармашыл, құзіретті тұлғаны тәрбиелеуге жұмыстанудамыз.