Балалар күні

“ОРДА СУЛТАН” ЖШС “АЛТЫН САҚА” БАЛАБАҚШАСЫ

«Балалардың күлкісі-көркі, сәні әлемің

Тәрбиешілер: Кабдешова А.А.

Кайкешова А.Б.

Баева А.Н.

Атырау қаласы, 2021жыл.

 «Балалардың күлкісі-көркі, сәні әлемнің».

Мақсаты: балалардың жеке қасиеттерін дамыту, өлең, әндерді нақышына келтіре айтуды үйрету. Мерекелік көңіл-күй сыйлау.

Көрнекілігі: құрсау, доп, самокат.

Кейіпкерлер: сайқымазақтар.

Сайқымазақ 1: Армысыңдар балалар, бармысыңдар,
Жаз да келді, жайнаған гүлді шыңдар
Алдыменен алайық амандасып,
Армысыңдар бәрің де, армысыңдар!
Сәлеметсіздер ме, мерекеге жиналған қонақтар, бүлдіршіндер!
Сайқымазақ 2: Ақылды балапан бүгінгі,
Көркейтер күніңді ертеңгі,
Үйренген өнерін көрсетсін
Бүлдіршін балалар белсенді.
Ендігі кезекті орталықтың “Балапан” тобының бүлдіршіндеріне берейік.
Би: “Буратино”.
Сайқымазақ 1: Иә, рас, бала болған бәрі де,
Салған олар балалықтың әнін де.
Бала кезін еске алып отырсақ,
Сол емес пе тіршіліктің мәні де! - ойынын ойнайық бәріміз.
Ойын: «Түсіне қарай топтасу».

Шарты: балалар әуен ойнағанда билейді, әуен тоқтағанда алдында жатқан түрлі-түсті құрсауға өздерінің киімінің түсіне байланысты құрсауға жиналады.

Сайқымазақ 1: Көк жиектен күлімдеп,
Маусымның таңы атты
Тұра қойшы күнім – деп,
Анаң сені оятты –
Даналардың тілегі,
Балалардың тілегі
Ауырмасын ешқашан
Аналардың жүрегі. “Айжұлдыз” тобының орындауында ән.

Ән: “Достық әні”.

Сайқымазақ 2:  Бақшасында бүгін той!
Балаларды қорғау күні біліп қой

Алақай-ау,алақай
Той тойлайық,балақай
Қызырғанша алақан
Кел, бийлейік балақай.

Би: “Недетское время”.

Сайқымазақ 1: Басты қоссақ бәріміз

Біздер елдің сәніміз

Шаттық, бақыт, қуаныш

Елімізге сыйлаймыз.

Ойын: “Кім жылдам?”.

Шартты: балалар екі топқа бөлініп, доппен секіреді.

Сайқымазақ 2: Гүлмен келсін келер күн
Бала-бағы бар елдің
Балалардың күлкісі
Көркі, сәні әлемнің “Айгөлек” тобының биін тамашалайық.

Би: “До-Ре-Ми”.

Сайқымазақ 1: Балалар бақшасында бүгін той!
Балаларды қорғау күні біліп қой
Алақай-ау,алақай
Той тойлайық,балақай
Қызырғанша алақан
Кел, ойнайық балақай.

Ойын: “Кім тез?”.

Шарты: балалар екі топқа бөлінеді. Кедергі арасымен самакатпен өтеді. Қай топ бірінші келеді, сол жеңеді.

Сайқымазақ 2: Басты қоссақ бәріңіз
Сендер елдің сәніңіз
Шаттық, бақыт, қуаныш
Елімізге сыйлайсыз

Ән: “Әрқашан күн сөнбесін”.

Сайқымазақ 1: Балалар, бүгінгі балалар күні құтты болсын! Әр қашан ойнап, күліп жүрейік.

Сайқымазақ 2: Рақмет балалар, бәріміз бірге жақсы көңіл көтердік. Мерекелеріңізбен!!!