Балаларды қорғау күніне арналған сценарий

1 маусым – Балаларды қорғау күні

Жүргізуші 1:

Армысыздар, құрметті ұстаздар, аяулы ата-аналар және біздің ең сүйікті кішкентай достарымыз! Бүгінгі жарқын да шаттыққа толы мерекелік кешімізге қош келдіңіздер!

Жүргізуші 2:

Баршаңызды 1 маусым – Халықаралық балаларды қорғау күнімен шын жүректен құттықтаймыз! Бұл – бала күлкісі мен қуанышқа толы ерекше күн!

Жүргізуші 1:

Балалар – біздің болашағымыз, еліміздің ертеңі, жарқын үміті. Олардың шат күлкісі – біздің бақытымыз!

Жүргізуші 2:

Ендеше, осы керемет мерекеге арналған концертімізді бастауға рұқсат етіңіздер!

Жүргізуші 1:

Алғашқы өнер көрсетушіміз – жүрекке жылы әсер сыйлайтын әсем әнмен Жаирбек Асылым!

Ән: «Бала тілегі»

Жүргізуші 1:

Өнер – таусылмас қазына, ал би – соның әсем көрінісі.

Жүргізуші 2:

Келесі кезекте мың бұралған биші Қазбек Аянатты қошеметпен қарсы алайық!

Би

Жүргізуші 1:

Ән – көңілдің ажары, жанның шуағы.

Жүргізуші 2:

Сахнаға Рисимбетова Боринурды шақырамыз!

Ән: «Озат оқушы»

Жүргізуші 1:

Келесі орындаушымыз да сіздерге ерекше көңіл-күй сыйлайды.

Жүргізуші 2:

Сахна төрінде – Сапарбаева Айым! Қарсы алыңыздар!

Ән

Жүргізуші 1:

Би – бұл қозғалыстағы сұлулық, сезімнің әсем тілмен жеткізілуі.

Жүргізуші 2:

Келесі өнер көрсетуші – Жұман Раяна, 2 «И» сынып оқушысы!

Би

Жүргізуші 1:

Ал енді, кішкене сергіп, көңілімізді көтеріп, қызықты ойын ойнап алайық.

Жүргізуші 2:

Сіздердің назарларыңызға – «Допты жеткіз» ойыны!

Жүргізуші 1:

Ойын шарты: балалар екі топқа бөлініп, допты аяқтарының арасына қысып, белгіленген жерге дейін жеткізіп, қайта оралуы керек.

Жүргізуші 2:

Қай топ шапшаңдық пен ептілікті көрсетіп, тапсырманы дұрыс әрі жылдам орындаса – сол топ жеңімпаз атанады!

Жүргізуші 1:

Құрметті балалар, бар күш-жігерлеріңізді көрсетіп, белсенді қатысуларыңызды сұраймыз!

Жүргізуші 2:

Сәттілік тілейміз!

(Ойын өтеді)

Жүргізуші 1:

Көңілді ойынымыз да өз мәресіне жетті. Жарайсыңдар, балалар!

Жүргізуші 2:

Ал енді концертімізді жалғастырамыз.

Жүргізуші 1:

Соңғы нөмірімізді қабыл алыңыздар!

Жүргізуші 2:

Сахнада – Қуаныш Зейін!

Ән: «Мен қазақтың баласы»

Жүргізуші 1:

Құрметті қонақтар, осымен бүгінгі мерекелік кешіміз өз мәресіне жетті.

Жүргізуші 2:

Барша балаларға шаттыққа толы балалық шақ, зор денсаулық және жарқын болашақ тілейміз!

Жүргізуші 1:

Күлкілеріңіз ешқашан таусылмасын, армандарыңыз орындала берсін!

Жүргізуші 2:

Мерекелеріңіз құтты болсын!

Жүргізуші 1:

Сау болыңыздар!

Жүргізуші 2:

Келесі кездескенше аман болыңыздар!