Балалардың эмоцияларын тәрбиелеу – болашақ тұлға негізі

Балалардың эмоцияларын тәрбиелеу – болашақ тұлға негізі

Эмоциялар – адамның ішкі дүниесін, көңіл-күйін білдіретін маңызды психологиялық құбылыс. Ерте жастан бастап эмоцияны дұрыс тану мен басқаруға үйренген бала болашақта өзін-өзі реттей алатын, айналасымен жақсы қарым-қатынас орната алатын тұлға болып қалыптасады. Сондықтан мектепке дейінгі ұйымдарда балалардың эмоциялық дамуына ерекше мән беру қажет.

Балалар өз сезімін басқаларға білдіруді ойын, сөйлеу, қимыл арқылы жүзеге асырады. Алайда кейде олар ашу, реніш, қуаныш сияқты сезімдерін дұрыс жеткізе алмай жатады. Бұл кезде педагог пен ата-ананың рөлі өте маңызды. Эмоциялық тәрбие – баланың ішкі сезімін түсініп, оны реттеуге көмектесетін әрекеттер жиынтығы.

Эмоцияны тәрбиелеудің тиімді әдістері:

– Эмоцияны танытатын суреттер, айна арқылы мимикаларды көру;

– «Көңіл-күй смайликтері» арқылы күнделікті көңіл-күйді білдіру;

– Ертегілерді рөлге бөліп ойнау арқылы кейіпкерлердің сезімін түсіну;

– «Бұл қандай сезім?» ойыны арқылы түрлі жағдайларда қандай эмоция туады – соны анықтау;

– Тыныс алу жаттығулары арқылы ашу мен қорқынышты жеңу.

Эмоциялық интеллект дамыған бала – ашық, қайырымды, достық қарым-қатынасқа бейім және мектепке психологиялық тұрғыдан дайын болады.

Балалардың эмоциясын тәрбиелеу – тек балабақшадағы тәрбие емес, ол олардың болашағына жол сілтейтін рухани негіз. Эмоцияны тани алған бала – өзін де, өзгені де түсіне алатын тұлға. Сондықтан ересектер тарапынан мейірім мен қолдау арқылы әр баланың ішкі дүниесін байытып, сезім әлемін тәрбиелеу – басты міндет.

№46 «Балбұлақ» бөбекжайы тәрбиешісі

Ауельбекова Фарида Ерсайыновна