Балаларға арналған шаттық шеңбері

Шаттық шеңберлері

. Достарды біз қолдаймыз

Қиын шақта қорғаймыз,

Біздің топта ұл-қыздар,

Тату-тәтті ойнаймыз!

Жарқырап күн де ашылды,

Айналаға нұр шашылды.

Қайырлы күн! Біз көңілді баламыз!

Қайырлы күн! Біз сүйкімді баламыз!

Армысың шапағатты Күн-Ана!

Армысың қайырымды Аспан-Ана!

Армысың мейірімді Жер-Ана!

Құт дарыт, бар әлемді жарылқа!

Аспан түрді түндігін

Жерге сәуле жайылды.

Неткен ашық күн бүгін,

Қайырлы таң, қайырлы!

Отан деген-атамекен,

Отан деген-туған жер.

Отан-ана,

Отан-үлкен,

Қазақстан-туған ел!

Бала, бала, баламыз,

Бақшамызға барамыз.

Күні бойы қызыққа,

Батамыз да қаламыз.

Жайлауымдай жазықпын.

Өзенімдей өршілмін

Гүлдерімдей нәзікпін.

Қуат алған өзіңнен,

Туған елдің ұлымын.

Бақытты етіп өсірген,

Отанымның гүлімін.

Ризамын саған,

«Өзін-өзі тану әлемі».

Ризамын саған,

Дәптерім менің әдемі.

Ризамыз саған,

«Өзін-өзі тану әлемі».

Сүйеміз біз,

Қоршаған бар әлемді.

Таза бала мұнтаздай

Сүйсінеді қараған.

Ұқыпты деп бұл қандай

Жақсы көрем бар адам.

Ұқыпты осындай

Болайықшы досым-ай.

Өзім жақсы баламын,

Апа тілін аламын.

Мейлі қайда жұмсасын,

Бәріне де барамын.

Алдымыздан кезіккен

Көп танысты көреміз,

Бәріне де ізетпен

Біздер сәлем береміз.