Балаларға арналған шаттық шеңбері

Шаттық шеңберлері

.Айтқан тілді аламын,

Жұмсағанға барамын.

Мен елгезек баламын,

Үлкен тілін аламын.

Кім үлкенді тыңдаса,

Кім үлкенді сыйласа,

Үлкен болған кезінде

Сыйлы болмақ өзі де.

Жатқа білер дос атын,

Дос бар бізді тосатын.

Балабақша-біздің үй

Басымызды қосатын.

Біз бақшаға келгенде,

Ақ пейілмен қарсы алған.

өлең айтып үйретіп,

Би билеткен, ән салған.

Риза әже, атай да,

Риза ағай, апай да.

Рақмет деп айтамыз,

Тәрбиеші апайға.

Дос болайық, бәріміз,

Жарасып тұр әніміз.

Тыныштықты сақтаймыз,

Атсын күліп таңымыз.

.Жабырқауды білмейміз,

Жалқаулықты сүймейміз,

Біз талантты жас ұлан,

Үлгі аламыз жақсыдан.

Достар бірге жүреміз,

Бірге ойнаймыз, күлеміз.

Бірге балық аулаймыз,

Міне, біздер қандаймыз!

Орман, көлге, шыңға біз.

Саяхатқа шығамыз.

Бөлінбейді іргеміз,

Әрқашанда біргеміз!

Әрқашан тілектес,

Досыңа көмектес.

Біздің топта балалар

Тату-тәтті ойнайды.

Дос көңілі әрқашан

Тек жақсылық ойлайды.