Балалық шақ.

Балалық шақ өмір емес, ертегі

Ертегідей әр сәби елеңдейді.

Бала едік көбелекпен жарысқан,

Ойламаған бүгінгісін, ертеңді.

Күндер, күндер, қасиеттім, киелім,

Еркелеген сәби шақты сүйемін.

Елестетсем балалық шақ кезімді

Дүрсілдейді жұдырықтай жүрегім.

Таудай-таудай толқынының төрінде

Еркеледім шуағында, желінде.

Жүздім арман өзеніндей Ертістің,

Ыстық күндер қалды мәңгі есімде.

Аққуындай еркеледім көлінде

Ән аталған жалынға сан бөлене.

Қуаныштың, махаббаттың кәусарын

Қанып іштім сәби шақтың төрінде.

Түйе алмаймын тілдің сыршыл тиегін

Еске алсам балалықтың суретін

Осындай қасиеттің бәріне

Балдәуреннің теңізінде тасыдым.