Бақшаға саяхат

Сабақтың тақырыбы : Жемістер

Сабақтың мақсаты

Білімділік : Балаларға жемістер туралы түсінік беру . Жемістер туралы білімдерін бекіту. Денсаулыққа пайдасы туралы мағлұматтар беру.

Түзете – дамытушылық :балалардың ұсақ қол маторикасын дамыту , есте сақтау қабілетін арттыру . Тәрбиелілік : балаларды мейірімділікке , ұқыптылыққа , тазалыққа , әдептілікке тәрбиелеу .

Көрнекілігі: дидактикалық карточкалар, ғажайып қалта, жемістер мен көкөністердің муляжы, себеттер, капитошка шарлары

Сабақтың барысы

Ұйымдастыру кезеңі

Сарғайып жапырақ,

Саудырап түседі

«Күз-жомарт»- дейміз біз,

Жемісін жейміз біз.

Сабақ барысы

Балалар бүгін біз жемістердің түрлерімен танысамыз. Жемістер деп ағашта өсетін өсімдіктерді айтамыз. Олардың әрбірінің өзіне тән дәмдері, түстері, пішіндері болады.

- Алма – бұл жемістің сары, жасыл, қызыл түсі болады. Дәмі – тәтті, қышқыл болады. Пішіні – дөңгелек болады. Алма дәруменге бай. Ол адам ағзасына өте пайдалы.

- Жүзім – бұл жемістің жасыл, қызғылт, қара түсі болады. Дәмі – тәттті болады. Пішіні – кішкене сопақша, дөңгелек болады.

- Алмұрт – сары, жасыл түсті болады. Дәмі – тәтті болады. Пішіні – сопақша болады.

- Шие – қызыл түсті болады. Дәмі – қышқыл, тәтті болады. Пішіні – кіші дөңгелек болады.

Бұлардың барлығын біз жемістер дейміз. Жемістер ағашта өседі. Олар дәруменге бай, пайдасы мол екен.

Тақырыпқа сай сюжетті суреттермен жұмыс

• «Қайда өседі?» ойыны

Ойынның шарты : педагог жемістердің қайда өсетінін айтып отырады. Егер дұрыс жауап болмаса, балалар аяқтарымен жерді соғып, бастарын шайқайды, егер жауап дұрыс болса, қолдарын шапалақтайды .

Ойын мақсаты: балалардың ойлау, есте сақтау қабілетін дамыту.

• Капитошка шарларымен жұмыс жасау

«Ғажайып қалта» ойыны

Ойынның шарты: балалар қалтаның ішіне қолдарын салып жемістерді біртіндеп алады және қандай жеміс екенін айтады . оның түсі мен пішінін және көлемін айтып өтеді .

Ойынның мақсаты : балалардың сенсорлық қабілетін арттыру .

«Жемістер мен көкөністер» ойыны

Ойынның шарты : араласкан жемістер мен көкөністерді балалар бөлек –бөлек себеттерге салу .

Ойынның мақсаты : балалардың есте сақтау қабілетін арттыру .

Тіл ұстарту жаттығулары

Ма –ма-ма қызыл түсті алма

Ім – ім-ім пісіп қапты жүзім

Мұрт-мұрт-мұрт талдан түсті алмұрт

Е – е – е дәмі қышқыл шие

Сергіту сәті:

Алма ағашы өседі (балалар ақырындап орнынан тұрады),

Тіпті биік деседі ( балалар қолдарын көкке созып, аяғының ұшымен тұрады).

Содан кейін гүлдейді (балалар саусақтарының арасын ашып, оңды - солды шайқала бастайды),

Мұны «Жас дос, біл!» - дейді (балалар орындарына отырады).

«Төртінші артық» дидактикалық ойыны

Ойын шарты: Баланың алдына төрт сурет қойылады. Сол төрт суреттің ішінен артық бір суретті табу .

Ойын мақсаты: баланың логикалық ойлауын және сөздік қорын дамыту.

Қорытындылау : балаларды мақтап , мадақтау