«Бақта ма, бақашада ма?»

Міндеті:Балаларға жемістер мен көкөністерді орынды пайдалана білуге үйрету. Күзгі еңбек түрлерімен таныстыру арқылы еңбексүйгіштікке тәрбиелеу.Олардың аталуы, құрамындағы кездесетін дәрумендері, оның адам денсаулығына маңызы жөніндегі білімдерін тереңдету арқылы есте сақтау қабілеттерін дамыту.Жемістер және көкөністер туралы мағұлмат беру. Адам ағзасына қажеттілігін ұғындыру.

Қазір жылдың қай мезгілі?
Күз мезгілінде қандай өзгерістер болады?

Неліктен күзді жомарт күз деп атаймыз?

Себебі күзде барлық жемістер мен көкөністер, дәнді дақылдар піседі. Күз мезгілі өзімен бірге құт – береке, ырыс алып келеді.
Мен сендерге жұмбақ жасырамын. Дайынсыңдар ма?

Әрі қызыл, әрі тәтті,
Татқан жанды таңырқатты. (Алма)

Бақшада өседі көп өнімдерін береді (Көкөніс) (Сөйлеуді дамыту,көркем әдебиет, коммуникативтік дағдылар)

-Қияр, сәбіз, қызылша, картоп, пияз, қызанақ-көкөністер. Алма,алмұрт, жүзім, мандарин- жемістер. -көкөністер қайда өседі екен? -Жемістер қайда өседі? Балалар жауап береді. Балалар суреттерге қарап айтып беруге тырысады. Себетте қандай көкөністер мен жемістер бар екенін балалар атап айтады. Балалар жауап беруге-Көкөністердің құрамында қажетті дәрумендер өте көп. Күнделікті өмірде көп пайдалананылатын көкөністердің бірі-қияр мен қызанақ. Қиярдың түсі қандай? -Қиярдың түсі жасыл болады. Пішіні сопақша түкті болып келеді. -Қызанақ –қызыл түсті көкөніс. Қызанақтың пішіні дөңгелек. Олар бақшада өседі. -Алма, алмұрт олар жемістер. Алманың түсі қызыл, пішіні дөңгелек. Жемістер бақта өседі.Жемістер мен көкеністерді таптамай жұлмай күтіп баптап ұстау қажет(Қоршаған ортамен танысу,сөйлеуді дамыту,коммуникативтік-әлеуметтік дағдылар)

Салыстыру ойыны

Аз және көп жемістер мен көкеністерді салыстыру.(Математика негіздері)

Шығармашылық жұмыс

1 ші топ жапсыру

2 ші топ сурет салу

3 ші топ құрастыру

4 ші топ мүсіндеу

(Жапсыру,сурет салу,құрастыру,мүсіндеу,шығармашылық дағдылар)

Биік-биік ағашта(Қолдарын жоғары созады),

Алма өсті көп болып.(Маңдайын алақанымен көлегейлеп,жоғары қарайды).

Шелек, себет алдық та,(Екі білегіне шелек, себетті ілгендей қимыл жасайды).

Баққа бардық топ болып.(Бір орнында жүреді).

Алма баққа барамыз,(Бір орнында жүреді, қолдары белдерінде)

Алма теріп аламыз,(Қолдарын жоғары созып, алманы  жұлғандай қимыл жасайды).

Ең үлкен алманы(құлаштарын сермеп, алманың үлкендігін көрсетеді).

Анамызға сыйлаймыз.(алманы ұсынып жатқан қимылды  жасайды).

(Қимылды ойын,дене шынықтыру,физикалық қасиеттері)

Көгөністер әнін қосу (Музыка,шығармашылық дағдылар)