Бөлім:

Тактикалық дайындық

Педагогтің аты-жөні:

Абдикешов Д.А.

Күні:

Сынып: 10

Қатысушылар саны:

Қатыспағандар саны:

Сабақтың тақырыбы

Бақылаушы сарбаз

Оқу бағдарламасына сәйкес оқыту мақсаттары

1. Бақылау жүргізу орынын таңдай, жабдықтай және бүркемелей алады.

2. Нысананы анықтап, бақылау нəтижесін мәлімдей алады.

3. Жергілікті жердің сызбасын құрып жəне онда нысаналарды белгілей алады.

Сабақтың мақсаты

Барлық оқушылар:

Бақылау жүргізу үшін орын таңдап, жабдықтай және оны бүркемелей алады, бақылау журналына жаза алады

Оқушылардың басым бөлігі:

Бақылау жүргізу үшін орын таңдап, жабдықтай және оны бүркемелей алады, бақылау журналына жаза алады, жергілікті жер схемасын құрып, нысаналарды қатесіз белгілей алады

Кейбір оқушылар:

Жергілікті жер схемасын құрып сызады, нысаналарды қатесіз белгілейді

Сабақтың кезеңі/ уақыт

Педагогтің әрекеті

Оқушының әрекеті

Бағалау

Ресур-р

Басы

3'

Амандасу, түгелдеу, оқушылардың сырт көріністерін, құрал-жабдықтардың дұрыс сәйкестігін тексеру.

Взвод командирінің орынбасары оқушыларды сапқа тұрғызады, оқытушыға сабаққа дайындығы жөнінде баяндама жасайды.

Ортасы

5'

Білу

Бақылаушының міндеттері.

- бақылау жүргізу орнын дұрыс таңдап, жабдықтай және бүркемелей алуы, жергілікті жерде тәуліктің кез келген уақытында немесе жыл мезгілінде бағдар ала білуі, нысана мен нысанаға дейінгі қашықтықты анықтай алуы, бақылау және кері байланыс құралдарын пайдалана білуі;

- қарсыластың қаруы мен әскери техникасының танымдық белгілерін, бақылау журналына көрген-білгендерін дұрыс жазуды және мәліметтерді талдауды, бақылау нәтижесі бойынша командирге нақты мәлімдеуді білуі тиіс.

• Тыңдайды, сұрақтарға жауап беру арқылы диалогқа түседі.

Қ/Б

АӘТД оқулығы

6'

Түсіну

Бақылау орнының бүркемеленуі.

Бақылаудың тиімділігі бақыланатын аймақтың шолу бұрышын және жасырын баруды қамтамасыз ететін, бүркемеленуге және атылған оқтан қорғануға болатын орынды таңдау және жабдықтауға байланысты.

Таңдалған орын қарсыластың күдігін тудырмауы үшін бүркемеленеді. Бақылау үшін сенімді таса жертеса саналады. Бақылау орны орда, арнайы жабдықталған құрылыстар немесе бақылауға қолайлы орындарда жүргізіледі.

Орын таңдағанда бақылаушы барлығын көруі және естуі, бірақ өзі байқалмай қалуы тиіс. Бақылау орнын айқын көзге түсетін орындарды таңдауға, көкжиекте көрініп қалмауы үшін төбе, дөң, оба үстінен жүріп өтуге болмайды.

Бақылаушы ашық жерде киімінің түр-түсі жергілікті жер реңіне сай келетіндей орынды таңдайды. Жергілікті заттардың (ағаш, бағана, бұта, тас және тб.) жанында орналасқанда бақылауды көлеңке жағында жатып жүргізу қажет.

Бақылаушы жергілікті елді мекенде бақылау жүргізу үшін қираған үйлердің қабырғаларына, шатырына, жоғарғы қабатына немесе қирандыларда жасырынуы мүмкін. Қарсыластың артиллериялық қару қолданып, бақылау жүргізуге мүмкіндік беретін жергілікті нысандар мен заттарды қиратуы мүмкін екенін ескерген жөн.

Диалогқа жалғасады.

Қ/Б

АӘТД оқулығы

20'

Қолдану

1. Бақылау жүргізу үшін орын таңдау, жабдықтау және бүркемелеу.

2. Нысананы анықтау және бақылау нәтижесін мәлімдеу

Бақылау журналындағы жазу формасы.

3. Жергілікті жер схемасын құру және нысаналарды белгілеу

Дескриптор

- бақылау жүргізу үшін орын таңдап, жабдықтай және оны бүркемелей алады;

- бақылау журналына жаза алады;

- жергілікті жер схемасын құрып, нысаналарды белгілей алады.

Дескриптор

арқылы бағаланады

АӘТД оқулығы

4'

Жинақтау

1. Бақылаушының міндеттері қандай?

2. Бақылау үшін белгіленетін орын қандай талаптарға сай болуы керек?

3. Бақылаушы қайда орналасады?

4. Бақылаушыда не болу қажет?

6. Бақылау секторындағы жергілікті жерге қандай реттілікпен бақылау жүргізу қажет?

7. Бақылау нәтижелері туралы мәлімдеу қалай жүргізіледі?

- Cұрақтарға жауап береді.

Қ/Б

Аяқталуы

2'

Кері байланыс

Толық жауап беруге тырыс.

- Сабақта жаңадан не білдің?

- Сені не таңғалдырды?

- Сенің ойыңша, нені жасай аласың?

- Нені жасай алмайсың? Неге?

- Нені есте сақтау керек деп ойлайсың?

Үйге тапсырма беру §7

Оқушылар сөйлемді толықтырады.

Бөлімше командирлері жақсы жұмыс жасаған жас сарбаздар мен бөлімшелерді атап өтеді.