Атаны - үйдің айбыны дейді.

Әжені - үйдің ажары дейді.

Әкені - үйдің тіреуі дейді.

Ананы - үйдің ұйытқысы дейді.

Баланы - үйдің базары дейді.

Бала ата-әженің, әке,анасының қуанышы.

Балалар, естеріңде болса Айнұр деген қызбен болған оқиғаны білеміз. Ол қандай әңгіме еді? (Балалардың жауабы). Дұрыс. Енді біз оны рөлге бөліп ойнап көрейік.

Мейірім.

Айнұр ауылда болған. Атасы мен әжесімен қоштасатын уақыт жетті.

Атасы :

• Балам, қайда жүрсең де аман бол. Еліңді сүй, қорға.-деді.

Айнұр:

• Ата, әже, әке, ана, бәріміз бірге тұрайық.-деді.

Әжесі:

• Әкең жұмыста, ата - әженің ауылда. Олай болмайды.- деді Айнұрды кеудесіне құшақтап.

Айнұр:

• Онда мен кетпеймін, ата - женің қасында қаламын. Кім қарайды оларға? - деп жылайды.

Анасы:

• Ендігі жылы келеміз,-деді.

Айнұр:

• Жоқ. Мен осы жерде қаламын.

Айнұрмен әке-шешесі қоштасып, Айнұрдың бұл қылығына таң қалды.

Ал атасы мен әжесінің қуаныштарында шек жоқ. Айнұрдың атасы мен әжесіне кішкентай бүйрегінің бұрып тұрғанына әбден риза болды.

Рөлде ойнағандар:

Анасы – Рамина (қолына сөмке)

Атасы – Рахат (тақия, зелетке)

Әжесі – Қымбат (орамал)

Айнұр - Сабина

*Айнұр атасы мен әжесінің қасында неге қалғысы келді?

*Атасы мен әжесі неге немересіне риза болды?

* Сендер Айнұрдың орнында болсаңдар не істер едіңдер?

Дәйек сөз:

Елде жақсы сөз бар:"Ата-анаңа құрметпен қара, әдеппен сөйле".

Ата-анаң туғаннан өсіп, азамат болғанша қамқор болады. Сендерде оларға қамқор болуларың керек. Әрдайым көмектесіп, сыйлауға үйренулерің керек. Не сұрасаң да, айтсаң да әдеппен айту керек.

Сергіту сәті: Атамның алып күрегін,

Ауланың қарын күредім.

Әжеме мен құдықтан,

Су әкеліп беремін.

Еденді де жуамын,

Міне мен қандаймын.

Саусақ ойыны:

Қане, қане кім келді?

Біз, біз,біз.

Апа, апа, бұл сіз бе?

Иә, иә, иә!

Әке, әке, әке, бұл сіз бе?

Иә, иә, иә!

Ағатайым, бұл сіз бе?

Иә, иә, иә!

Қарындасым, бұл сіз бе?

Иә, иә, иә!

Біз тату жанұя!

Иә, иә, иә!

Ойын: "Ғажайып гүл".

Тақтада гүл орналасқан. Әр бала гүлдің жапырақтарын алып, артындағы суретке қарап не бейнеленген екенің айтады. Сұраққа жауап береді.

* Сен әжеңді қалай сыйлайсың?

* Сен атаңа қандай құрмет көрсетесің?

* Апаңмен тату тұрасың ба?

* Ағаңмен қандай ойындар ойнайсың?

* Әкең жаңа ойыншық сатып әперген кезде не деп айтасың?

Тыныштық сәті:Денелеріңді түзу ұстап, бастарыңды жоғары көтеріп,

ыңғайланып отырыңдар. Ауаны терең жұтып, еркін тыныс алыңдар. Көздеріңді жұмыңдар. Сендер үйде отырсыңдар, кей біреулерің ойнап жүрсіңдер. Үйдің қоңырауы шалынды. Сендер жүгіріп есікті аштыңдар. Қарасаңдар ата әжелерің келіпті. Сендерге жақсы деген сыйлықтар әкеліпті. Сендер қуанып, шаттанып жүріп, ата - әжелеріңнің беттерінен сүйіп, рахмет айттыңдар.

Енді көздеріңді ашыңдар. Қалай жақсардыңдар ма? (Балалардың жауабы). Нұралы мен Әділхан бізге мынадай сурет әкеліпті. Бұл суретпен олардың өздері таныстырсын. (Газеттерді талдау).

- Біз бүгін отбасында туыстардың, жақын адамдардың бірін-бірі жақсы көретіні, сыйласып, тату болатыны туралы білдік. Отбасы мүшелері бір-біріне түсіністікпен, сүйіспеншілікпен қараса, барлығы бақытты болып, отбасында татулық орнайды.

Жүректен жүрекке: Өлең сөзін қайталау:

Әкем, шешем және мен,

Бір шаңырақта тұрамыз.

Сыйластықпен, махаббатпен,

Татулықты құраймыз.

Осы отырған қонақтарымызға да татулық, достық тілейміз деп, мына гүлдерді сіздерге арнаймыз.(Гүлдерді суға салу). Қоштасу.

Білу: «Отбасы» деген сөздің мағынасын білу. Отбасы құрамындағы адамдарды сыйлай білу.

Болу: Адамгершілігі мол, үлкен азамат болу. Сөздің мағынасын түсіну.

Жасай білу: Отбасындағы әрбір адамдардың өз орнымен атауға және құрметтей білу.