Батыс Қазақстан облысы әкімдігі білім басқармасының Орал қаласы білім беру бөлімінің «Мектептен тыс жұмыс орталығы» МКҚК

«Шабыт» балалар шығармашылығы орталығы

«Баталы елге бақ қонар»

БАТА БЕРУ САЙЫСЫ

Орал қаласы 2021 жыл

ҚАЗАҚСТАН РЕСПУБЛИКАСЫ ТӘУЕЛСІЗДІГІНІҢ 30 ЖЫЛДЫҚ МЕРЕЙТОЙЫНА АРНАЛҒАН «БАТАЛЫ ЕЛГЕ БАҚ ҚОНАР» АТТЫ БАТА БЕРУ САЙЫСЫНЫҢ
ЕРЕЖЕСІ

Өткізілетін күні: 16 наурыз 2021 жыл

Өткізілетін уақыты: сағ:15.00

Өткізілетін орыны:“Шабыт” балалар шығармашылығы орталығы

Шараның мақсаты:Қазақстан Республикасы Тәуелсіздігінің 30 жылдық мерейтойын атап өту, «Шежіре күні» аясында бата беру дәстүрін қазақ халқының ұлттық құндылықтарының бірі ретінде кейінгі ұрпаққа үлгі ету, халық шығармашылығын насихаттау.Асыл қазына қариялардың бойындағы қасиеттерін дәріптеу арқылы жастарды имандылыққа тәрбиелеу, үлкенге құрмет, кішіге ізет көрсетуді үйрету.

Шараны ұйымдастырушы:

• Орал қаласының ақпараттық-талдау және жастармен жұмыс жөніндегі ресурстық орталығы;

• Орал қаласының Мектептен тыс жұмыс орталығының “Шабыт” балалар шығармашылық орталығы

САЙЫС ШАРТТАРЫ:Қатысушылар үш түрлі бата береді. Оның ішінде екі бата кездейсоқ тәртіпте  қоржыннан асық алу арқылы таңдалады. Ал бір бата өзінің қалауы бойынша беріледі.

САЙЫС КЕЗЕҢДЕРІ:«Баталы елге бақ қонар» атты бата беру сайысы екі (2) кезеңнен тұрады.

I КЕЗЕҢ «Бата- тәрбие бастауы»

Бұл кезеңде қатысушылар өзінің қалауы бойынша бата береді.

IІ КЕЗЕҢ «БАТА БЕРУ БІЛЕСІЗ БЕ?»

Бұл кезеңде қатысушылар кездейсоқ тәртіпте  қоржыннан асық алу арқылы белгіленген тақырыпта бата береді.

«БАТАЛЫ ЕЛГЕ БАҚ ҚОНАР» атты бата беру сайысының
өткізілу тәртібі:

• Сайысқа қатысу реті арнайы жеребе тарту арқылы анықталады;

• Сайысқа Орал қаласының тұрғындары қатыса алады;

• Сайысқа қатысушыларға ұлттық киім кию міндеттеледі;

Қазылар алқасының құрамы - ұйымдастырушылардың шешімі бойынша анықталады.Қазылар алқасының шешімі нақты, талқылауға түспейді.

Жеңімпаздарды марапаттау:Сайысқа қатысушылар арнайы алғыс хат, диплом және арнайы сыйлықтармен марапатталады.

Байланыс үшін:

Батыс Қазақстан облысы әкімдігі білім басқармасының Орал қаласы білім беру бөлімінің «Мектептен тыс жұмыс орталығы» МКҚК

«Шабыт» балалар шығармашылығы орталығы әдіскері

Г.Аймуханова , байланыс телефоны:87752353363