Бейбітшілік пен келісім сарайы Пирамида

Тақырыбы: Бейбітшілік пен келісім сарайы Пирамида

Мақсаты:

1. Оқушыларға Бейбітшілік пен келісім сарайы Пирамиданы таныстыру.

2. Оқушыларды эстетикалық талғамын дамыта отырып, шеберлікке, әсемдікке, адамгершілікке, ұқыптылыққа тәрбиелеу.

3. Олардың шығармашылық қасиеттерін дамыту.

Сабақ түрі: аралас сабақ

Әдісі: сұрақ-жауап,түсіндірмелі,сарамандық

Көрнекілігі: Бейбітшілік пен келісім сарайы Пирамиданың суреті бар анықтамалық парақшалар, оқулық.

Сабақтың барысы:

І. Ұйымдастыру бөлімі

Оқушылармен сәлемдесу, тізім бойынша тексеру

ІІ. Үй тапсырмасын тексеру

1. Астана қаласының символы.

2. Бәйтеректің негізін қалаушы.

3. Бәйтеректің биіктігі.

4. Бәйтерекке негіз болған аңыздар.

ІІІ. Жаңа сабақты түсіндіру

Бейбітшілік пен келісім сарайы – архитектуралық құрылыс кешені, сәулет өнерінің бірегей туындысы. Ол Астанақаласының қолдан жасалған жота үстінде орналасқан.

Сипаттамасы

Пирамида іспетті етіп тұрғызылған сарай 2006 жылы 2 қыркүйекте салтанатты түрде ашылды. Оның табан қабырғасының ұзындығы 62 м; ауданы 25,5 мың м². Ғимарат ағылшын архитекторы Н.Фостердің жобасымен салынған. Болат пен тастан тұрғызылған сарай өзара рухани түсінушіліктің жаһандық орталығына айналды. Ғимарат экстерьері пирамида түрінде болса, сарайдың орталық күмбезді залы Нью-Йорк қаласындағы БҰҰ Қауіпсіздік кеңесінің холлы тәрізді етіп салынған.

Бейбітшілік пен келісім сарайында Қазақстан халықтары ассамблеясы, ұлтаралық және дінаралық келісім орталығы, мұражай, университет, 1,5 мың орынды опера залы, кең орталық атриум мен қысқы бақ орналасқан. Сарай ғимаратының құрылысы құбылмалы ауа райын ескере отырып салынған; оның кіре берісі жер астында орналасқан.

«Біз сәулетші» ойыны.

Оқушыларға таратпалар таратылады, әр оқушы Астанадағы ұнайтын ғимараттардың жоба суреттерін салып, өз ойларын жазу керек.

Сұрақ- жауап кезеңі.
1.Сәулет өнері дегеніміз не?
2.Сәулет өнері қай өнерге жатады?
3.Астананың әсем ғимараттарын ата.
4.Әлемнің жеті кереметін ата.
5.Қазақстанның көне ескерткіштерін ата.

ІV.Жаңа сабақты бекіту

1. Пирамида туралы не білесіңдер?

2. Пирамиданың шығу тарихы

3. Астана қаласының сәулет өнері туралы айтып беріңдер

4. Бейбітшілік және келісім сарайында неше қабат бар

V.Сабақты қорытындылау, бағалау. 
VІ.Үйге тапсырма: