Бекет Ата рухына арнау

Бекет Ата рухына арнау

( 260 жылдық мерейтойына арнау)

Отпан тауы «От Адамның» мекені,

От боп бір кез атылған жер жүрегі

Табиғатпен ғұламалар тілдескен,

Өтіп кетті дана шалдар кешегі.

Ұран оты Отпан тауда жағылған,

Бес қаруын белдігіне тағынған

Бұл кешегі ереуіл ат белдеуде

Жеткен екен жаугершілік заманнан.

Шежіре дерегіне көз жүгіртсек,

Балуанияз, Балтеке, Асар, Тұрманбет

Батырларым ұлы жеңіске жеткенде,

Отпан тауда Ұран оты жағылып ет.

Ту байлаған сырық бірақ сықырлап,

Адайдың туы айшықты желсіз желбіреп,

Жұлынып қолдан шыққысы келсе керек.

Бекет Ата немересі Асар сонда:

«Жеңуін жеңерміз – ау Иншалла

Бірақ жеңіс арзанға түспес» , - десе керек.

Адайдың қара шаңырақ Мұңалы бар,

Оның да көрінуге құмары бар.

Алдымен ағаларын айтып болсақ,

Адайдың «Бекет» деген ұраны бар.

Отпанның табиғатын суреттеуге,

Айналып тұр мақтауға тіл жетпеуге,

Күмән де жоқ Отпанның ырыс несібесіне,

Қасиеті тасыған киелі тау екеніне.

Адамдардың жанына рух сыйлар,

Қасиетті 362 әулие бар

Ен далада төңірегіне көрік беріп,

Сан ғасырлар тарихтың куәсі боп

Шерғала, Айрақты тауы жатыр керіліп.

Ел аузында Отпан тауы бұл күндері,

Бабалар ұран отын жаққан тауы.

Шоқының сол басынан от көрінсе,

Қапыда жай бұрылған шапқан жауы.

Халықпен бірге кешіп қасіретін,

Қиналғанда көрсеткен қасиетін.

Бекет Ата киелі асқарымыз,

Ұрпақтары тағзым етіп, бас иетін.

Маңғыстаудың кіндігі Отпан тауда,

Тұрғызылып кесенесі Адай Ата

Өркөңілді, кеңпейіл өмір сүрген,

Халықымыздың ұлысы Адай – Ата.

Ниет қабыл, істеріңіз оң болсын,

Біріктірген ынтымақ елдің басын.

Әруағын асыратын Адай Ата рухын

Пірім Бекет тілекші боп қолдасын.

Ортақ болған Маңғыстауға атамыз,

Орнап жатқан сіздің берген батаңыз

Адай Ата қазағыма жол ашар,

Ұрандаған халқымызға сәт сапар!