берекелі алтын күз

Берекелі алтын күз

Күз... Сарғайған жапырақтардың тал басында желге шыдас бермей жерге түскен сәті, көз алдыңда бүкіл әлем қоңырқай түске боялып, бейне бір салып қойған сурет секілді күйге енсе, аспанның шелегі тесіліп қалғандай әр күн сайын тамшылар тамып, жаңбыр жауса, шіркін, міне, бұл күз ғой. Осы күз мезгілінің ерекшелігімен таныстырып, балаларды табиғатты аялауға үйрету мақсатында біздің балабақшамызда «Күз тамаша» атты ертеңгілік ұйымдастырылды. «Берекелі алтын күз» әнімен әсем киінген балаларға залға кіріп, қонақтардың көңіл күйін көтеру үшін қолбұлғап амандасты. Күз мезгіліне арналған өздерінің тақпақтарын айтып, өлеңнен шашу шашты. «Тауық пен әтеш» ойынын ойнады. Ойынның мақсаты: екі баладан ортаға шығып, музыка әуені аяқталғанша тауық – қызыл бұршақ, ал әтеш –ақ бұршақ дәнін жинау керек. Қайсысы көп жинаса соның жеңіске жеткені болады. Мерекелік ертеңгілік мұнымен аяқталған жоқ, балалар көкөністер қойылымын қойып, би биледі. Күз ханшайымы да қонаққа келіп, балалардың өнерлеріне тамсанды. Одан әрі балалар «Сиқырлы орамал» ойынын ойнады.

Қане, шеңбер құрайық,

Билеп-билеп алайық.

Шыр етіп айналып,

Теріс қарап отырайық.

Балалар теріс қарап тұрғанда күз ханшайымы ортаға орамал жабылған себетті қойды. Ал балалар енді бұрылып қарайық дегенде,

Күз ханшайымы: Орамалды ашайық,

Астында не, қарайық?

Бұл не?

-Себет қой!

Себеттің бетін жапырақтар жауып тұрады.

Екінші рет ойналғанда, себеттің ішінде алмалар болды. Бұл күздің сыйы, байлығы деп алмаларды балаларға үлестіреі. Балаларда күз ханшайымына алғыстарын айтады. Мерекелік ертеңгілік «Жапырақтар» әнімен аяқталды. Күзге айтарымыз, берер сыйы жылдан жылға көп болсын. Елімізде тыныштық, береке болсын!

Абайдельдина Айнұр Жалгасбековна

Қостанай қаласы

№61 балабақшасы тәрбиешісі