Берекелі күз

Берекелі күз

Тілегім аман болсын ел іргесі,

Берекелі, Алтын күз қайта келді ,

Молшылықтың жаршысы бола білді,

Алтын күз-ырыс, береке, бірлік ала келді - дегендей күз мезгілі берекемен молшылықтың, ырыспен берекенің бастауы.

Осындай тамаша күз мезгілінің ерекшелігін «Балдырған» балабақшасында да бүлдіршіндердің жас шамасына сай «Гүлер», «Ақбота», «Балауса», «Қарлығаш», «Радуга» және «Айгөлек» топтарында «Алтын күз» атты мерекелік ертеңгілік өткізілді.

Мерекелік ертеңгіліктің негізгі өткізу мақсаты: Балалардың жас шамасына сай күз мезілінің қарапайым түсініктерін , жеміс-жидектердің , ересектердің күзгі еңбек түрлерін , тақырыпқа сай өлең шумақтарын, күзгі жыл мезгілінің айларын меңгерту және әр топ ата-аналарымен тығыз қарым-қатынаста жұмыс жүргізу ұйымдастырылды.

«Алтын күз » мерекелік ертеңгіліктердің барысында күз мезгілінің сұлулығы әр топ бүлдіршіндерінің киінген киім үлгісінен ерекше бірден байқалды. Сонымен қатар топ тәрбиешілерінің әзірлеген ертеңгілік бағдарламалары да жас шамасына сай өте қызықты , ал балалар өте белсенді қатысты. Олар ертеңгілік барысында тақырыпқа сай өлең-тақпақтар, билер, көріністер, ойындар ойнап, жұмбақтардың шешуін тапты.

Ал ата-аналар бүлдіршіндерге киім үлгісін әзірлеп, «Берекелі-Алтын күз» тақырыбында ұйымдастырылған көрмегеде белсене қатысты.

Әр ата-ана өз шеберлігі мен ісмерлігін жасаған тақырыпқа сай туындылардан көрсете білді.

Күз мезгілінде өткізілген шараларға белсене қатысқан әр топ ата-аналарына ризашылығымызды білдіре отырып, отбасыларыңызда молшылық, береке - бірлік болсын , ал әріптестеріме шығармашылық табыс тілеймін !

Шағалалы ауылы

«Балдырған» балабақшасының тәрбиешісі

Какей Гүлбаршын