Білім беру жүйесіндегі жаңа бағыттар

Білім беру жүйесінің масштабы оқу орындарының желісімен, олардың қала аумағындағы оңтайлы орналасу мен білім берудің барлық деңгейіндегі білім алушылар контингентіне қарай сипатталады.

2018 жылы 50 күндізгі жалпы орта білім беретін мектеп, 50 мемлекеттік балбақша, 36 жеке балабақшалар, 10 қосымша білім беру ұйымдары, 1 өндірістік-оқу комбинаты, 1 кешкі (ауысымды) орта білім беретін мектеп жұмыс істейді.

2018 жылы 2 білім беру объектілеріне күрделі жөндеу жұмыстарын жүргізу үшін қаражат бөлінді:

№19 ЖОББМ-нде күрделі жөндеу жұмыстарын жүргізу үшін 262256 мың. теңге бөлінді, жұмыстар жүргізілуде.

№21, 22, 25, 45 мектептерінде күрделі жөндеу жұмыстарын жүргізу үшін жобалық-сметалық құжаттамаға жалпы сомасы 17080 мың теңге қаражат бөлінді.

Бүгінгі күні 3 жаңа объект пайдалануға берілді.

• апатты жағдайдағы №4 ЖОББМ –тің орнына жобалық қуаты 300 орындық жаңа мектеп;

• Деркөл кентіндегі (2-кезең) №48 ЖОББМ - жобалық қуаты 600 орындық мектеп;

• Деркөл кентіндегі №49 ЖОББМ - жобалық қуаты 600 орындық мектеп - №12 ЖОББМ-дағы үш-ауысылымдықты жою үшін және оқушыларды тасымалдау мәселесін шешу.

Орал қаласы Зачаганск кентіндегі "Сарытау" шағын ауданында 900 орындық мектептің құрылысы жүргізілуде. Құрылыс аяқталуы 2018 жылдың қыркүйек айында жоспарлануда.

2017-2018 оқу жылы ұлттық білім беру деректер базасының (ҰББДБ) мәліметтеріне сәйкес, апаттық жағдайында 1 мектебі анықталды:

1. Орал қаласындағы №33 жалпы орта білім беру мектебі – 1935 жылы салынған, жобалық қуаты 280 орындық, 1-11 сыныптарда 403 оқушы оқиды. Техникалық тексеруге сәйкес № 33 ЖОББМ күрделі жөндеуге жатпайды.

Сонымен қатар, 2016-2019 жылдарға арналған Орал қаласының аумағын дамыту жоспарына сәйкес, Орал қаласында 3 мектеп үш ауысымда жұмыс істейді.

• Орал қаласындағы №31 жалпы орта білім беретін мектебі– салынған жылы – 1961 жылы, жобалық қуаты –580 орындық. 1-11 сыныптарда 738 оқушы, және мектепалды даярлық сыныптарында 34 тәрбиеленуші оқиды. Жаңа ғимаратының құрылысы қажет.

• Қаланың орталық бөлігінде Эстетикалық бағыттағы гимназия қиындықтар көруде (қуаты 280 орындық, бейімделген балабақша ғимараты, 553 оқушы оқытылады). Спорт залы, шеберханалары жоқ. Соның салдарынан, қаланың орталық бөлігінде мектеп салу қажет.

• Меловые горки ауылының халық санының көбеюіне байланысты №18 НМ-нің оқушылар құрамы ғимараттың жобалық қуатынан 3 есе артуына әкеліп соқтырды. Мектепте 208 оқушы оқиды. Мектепте спорт залы, еңбек шеберханасы болмауына байланысты Мемлекеттік стандарт нормалары орындалмауына әкеліп отыр. Негізгі ғимаратқа қосымша ғимарат құрылысы үш ауысымдылық мәселесін шешеді.

2017-2018 оқу жылы Орал қаласының №10 ЖОББМ-де 0-11сынып оқушылар саны 2835 құрайды. Сонымен қатар осы шағын аудан аумағында №47 ЖОББМ бар, оқушылардың жалпы саны 2226. Қазіргі таңда Сарытау ауылында 900 орындық мектеп құрылысы жүргізілуде. Демек, шамамен 1000 бала жаңа салынып жатырған мектепке ауыстырылады. Алайда, Зашаған ш/а құрылыс кешендерінің қарқынды жүргізілуіне байланысты №47 және 10 мектептеріне қысым азаймайды, себебі, бұл мектептерде сонымен қатар Птицефабрика, БҚАТУ, «Арман» ш/а балалары оқиды. 1200 орындық жаңа мектеп құрылысы қажет.

БҚАТУ ауданындағы 600 орындық мектеп құрылысы жоғарыда аталған мектеп оқушыларының тасымалдау мәселесін шешеді және балалардық қауіпсіздігін қамтамасыз етеді, себебі, бүгінгі күні балалардың Орал-Атырау тас жолын кесіп өтуге тура келуде.

Жұлдыз ш/а көп қабатты үйлер құрылысының дамуына байланысты 0-11 сынып оқушылар саны – 1278 оқушы №37 ЖОББМ-не қысым көбеюде. Қазіргі таңда мектепке Жұлдыз ш/а-нан шамамен 500 бала тасымалданады. Болашақта «Жұлдыз» ықшам ауданындағы 600 орындық мектеп құрылысын салу мәселесін шешуге тура келеді, бұл балаларды тасымалдау мәселесін шешеді, сондай-ақ осы шағын ауданда мектепке дейінгі білім беруді қамтуға мүмкіндік береді.

Соңғы жылдары Зачаган кентінің елді мекендері мен шағын аудандарында қарқынды тұрғын үй құрылысы болғандықтан өсу үрдісі бар. Осы шағын ауданның халық саны тұрақты өсу қарқынын сақтайды. «Болашақ» және «Балауса» шағын аудандарында жақын маңайда мектеп болмауына байланысты 900 орындық мектептің құрылысы қажет.

Қазақстан Республикасының президенты Н.Н.Назарбаевтың 2017 жылғы 31 қаңтардағы "Қазақстанның Үшінші жаңғыруы: жаһандық бәсекеге қабілеттілік" жолдауы жүзеге асыру бойынша «Ақылды қала» бағдарлама саясында үлкен жұмыстар жүргізілуде. Қаланың 48 мектептері кең жолақты ғаламторға қосылды, бұл үшін жалпы сомасы 49125 мың тенге бөлінді; 48 мектептері онлайн режимде «Imektep» және «Itest» ресурстарымен BILIMLAND порталында және 2(18,29) екі мектеп оқу процесінде қолданылатын әртүрлі видеоматериалдармен, көрнекіліктер бар оффлайн режимінде жұмыс істейді, 2018 жылы осы мақсатта 9320 мың теңге қаражат бөлінді; 48 мектептерінде техникалық инфрақұрылымын құру үшін (интерактивті тақта, проектор, компьютер) әр мектепке 5 комплектіден 2018 жылы жалпы сомасы 119040 мың теңге бөлінді; 48 мектебі «KUNDELIK» электрондық журналының пилоттық жобасында жұмыс істейді; 46 мектептері WI-FI жүйесіне қосылды; Орал қаласының білім беру бөлімінің ресми веб сайты (bilim-oral.gov.kz) арқылы бөлім басшының блогына тікелей сұрақ жолдауға болады, қаланың 29 мектептерінде «Робототехника» үйірмелері ұйымдастырылған; 5 мектептеріне (2, 32, 33, 13 және 22) «нөлдік төзімділік» шеңберінде турникеттер орнатылды. Барлық білім беру ұйымдарында мектеп оқушыларының, мектепке дейінгі балалар мен қосымша білім беру ұйымдарының, сондай-ақ осы ұйымдардың қызметкерлерінің терроризмге қарсы қауіпсіздігін нығайту жөніндегі шараларды қамтамасыз ету үшін бейнебақылау жүйесі орнатылды.

Кезектің қалыптасу және жұмыс істеу үрдісін автоматтандыру және балалардың мектепке дейінгі ұйымдарына жолдама беру үшін жалпы 15 000 мың теңге қаражат бөлінді. Осы жобаны іске асыру үшін «CUSTОМ SOLUTIONS CENTER» компаниясы авторлық жобасын ұсынып, қазіргі таңда осы бағдарламаға қажетті мәліметтер енгізілді. Бүгінгі таңда балабақша кезегін немесе жолдама алу үшін http://garden. bilim-oral.gov.kz өту қажет.

№4 ЖОББМ-нде, №42 «Ақ ниет» мектеп - гимназиясында және Оқушылар сарайында факультативтік ІТ-кластар ашылды.

Қала бойынша 13700 халықты қаланың 28 мектептерінің информатика пәнінің 37 мұғалімдері цифрлық сауаттылық дағдыларына оқыту жұмыстарын жүргізді.

Орал қаласы әкімінің 2009 жылғы 12 қаңтардағы №7 шешіміне сәйкес аз қамтылған, көп балалы отбасылардың мектеп жасындағы 1-11 сынып және мектапалды даярлық сыныптары оқушылары мен жетім, ата-ана қамқорынсыз қалған балалар үшін бір оқушыға шаққанда 150 теңге есебінен жалпыға міндетті оқу қорына бөлінген қаржы шегінде тегін ыстық тамақ беру, 2009 жылғы 10 желтоқсандағы №3160 және 2012 жылғы 8 қарашадағы №2862 қаулылары негізінде 1-4 сынып оқушыларын 100 теңге есебінен ыстық тамақпен қамту ұйымдастырылған . Бүгінгі таңда 1-4 сынып оқушыларының 20256-ы ыстық тамақпен қамтамасыз етілген.

ҚР «Білім туралы» Заңын орындау мақсатында №10,12,18,20,22,30,32,37 ЖОББМ-де мектеп автобусымен тасымалдау жүзеге асырылады.

Мектепке дейінгі ұйымдар желісі 113 бірлікті құрайды, соның ішінде 50 мектепке дейінгі ұйымдар, 1 мектеп-балабақша, 26 жалпы білім беру мектептерінің шағын орталықтары, 36 жеке мектепке дейінгі ұйымдар, 1 мектеп-бала-бақша. Мектепке дейінгі тәрбие мен оқытумен 15075 бала қамтылған. 1 жастан 6 жасқа дейінгі балалардың жалпы саны 26413, 3 жастан 6 жасқа дейінгі барлық балалардың саны 11225, бала бақшаға баратын бала саны 11168 баланы құрайды. Балалардың мектепке дейінгі тәрбие мен оқытумен қамтылуы 1-6 жастар аралығында – 57,8 %, 3-6 жастар аралығында – 99,5 % құрайды.

Соңғы 9 жылдықта 22 балабақша жанадан ашылды.

Жалпы, қала бойынша мектепке дейінгі білім саласында балаларды мектепке дейінгі тәрбиемен қамтылуының оң үрдісі байқалады, ол баланың 1-ші сыныпқа дайындалуына және жалпы білім беру мектебінің бастауыш буынында тез бейімделуіне ықпал етеді.

Соңғы жылдары мектепке дейінгі оқытуға және тәрбиелеуге қаржы бөлу 50% өсті және 6 балабақша жөнделді. Сонымен қатар 10 балабақшаға күрделі жөндеу жүргізу қажет етеді, ол пайыздық көрсеткіште 30% құрайды.

№ 22 «Колобок» МдҰ- на жалпы сомасы 109084 мың теңгеге, № 42 «Алтын сақа» МдҰ – 12822 мың теңгеге, № 43 «Өркен» МдҰ- 23336 мың теңгеге, № 8 «Сказка» МдҰ-да жалпы сомасы 218371 мың теңгеге күрделі жөндеу жұмыстары жүргізілді. Жалпы сомасы 7760 мың теңгеге № 5 «Сәуле» МдҰ және № 13 «Золотой ключик» МдҰ күрделі жұмыстарын өткізу үшін ЖСҚ жасақталды.

№24 "Солнышко" бөбекжайында күрделі жөндеу жұмыстарын өткізу мақсатында 169120 мың тенге, бөлінді, жұмыстар жүргізілуде.

Мемлекеттік-жекешілік шеңбері аясында Білім беру бөлімімен Сарытау ауылында 290 орындық және Балауса ш/а 360 оырндық бала бақша құрылысына өтінім берілді, алайда әлеуетті инвесторлардың болмауына байланысты конкурс болған жоқ.

Қосымша білім беру ұйымдарының желісі 10 (№1,2,3,5 музыкалық мектептер, 1 Өнер мектебі, 1 Сурет мектебі, Мектептен тыс жұмыс орталығы, Желаев ауылындағы мектептен тыс жұмыс орталығы, Атамекен балалар-жасөспірімдер туризмі және экология орталығы, Оқушылар сарайы) мектептен тыс ұйымдарынан тұрады.

Жалпы сомасы 58813 мың теңгеге Желаев ауылындағы мектептен тыс жұмыс орталығына күрделі жөндеу жұмыстары жүргізілді.

Жалпы сомасы 9092 мың теңгеге Атамекен лагеріндегі бассейнін жөндеу жұмыстарына және №1 Балалар өнер мектебінің шатырын жөндеуге 2467 мың теңге қаражат бөлінді.

Білім беру бөлімі құқық бұзушылықты, қараусыз және қадағалаусыз қалуының алдын алу мақсатында, 2018 жылы жазғы демалысты ұйымдастыру бойынша жоспарлы жұмыстар өткізілуде.

«Атамекен» қалалық балалар-жасөспірімдер туризм және экология орталығында 1500 бала демалыстарын өткізуде, оның ішінде 230 дарынды балалар, 606 –аз қамтылған, көп балалы отбасы балалары, жетім, ата-анасының қамқорлығынсыз қалған балалар, 664 – ақылы негізде. Бөлінген сома 19539,8 мың теңгені құрайды.

45 мектептердің жанындағы лагерьлерде тамақтанумен 5680 балаларға демалыстарын өткізуде, бөлінген қаражат сомасы 9600 мың теңге. 50 мектептерде тамақтанусыз 14080 баланы қамтитын профильдік лагері ашылды.

1700 бала қамтитын "Мирас", "Рахат" лагерлерінің жұмысы ұйымдастырылды, бөлінген сома 7965,2 мың.теңге. Дәстүрлі түрде 100-ден астам бала қамтыған №6,17,26 мектептерінің жанында палаталық лагерлердің жұмысы ұйымдастырылды, бөлінген сомасы 6440 мың.теңге. №12 ЖОББМ және Круглоозерный ЖОББМ-нде 130-дан астам оқушы еңбек лагерлерінде жұмылдырылды.

2011 жылдан бастап "Қайсар" патриоттық-интеллектуалдық лагері жұмыс істейді, онда болашағын Отанды қорғауға арнағысы келетін жасөспірімдер демалуда. 2018 жылы осы демалыс түрімен 230 оқушы қамтылды, бөлінген сома 2837 мың. теңге.

2018 жылы жазғы демалыспен және жұмыспен 81% немесе 33224 оқушы қамтылып отыр. Жалпы бөлінген қаражат сомасы 46382 мың теңге.