Ақмешіт ауылының жалпы орта білім беретін мектебі КММ

3- сынып апталығының өткізілуі бойынша есеп

2024 жылы 18-22 қараша күндері мектебімізде 3-сынып апталығы өткізілді. Апталық оқушылар жұмысын ұйымдастырудың заманауи жолдарына арналды.

Апталықтың мақсаты: Жаңа әдіс-тәсілдерді пайдалана отырып, оқушыларға терең де тиянақты білім беру; Оқушылардың білімге деген қажеттілікті саналы түрде түсінуіне жол ашу; Әр баланың қабілетін таныта отырып, одан әрі дамуына жағдай туғызу.

Апталық жоспарын құра отыра, алдына келесі міндеттер қойды:

 - оқушының оқуға деген оң мотивациясын қалыптастыру;

 - сабақ және сыныптан тыс шараларды қызықты өткізу формаларын қолдана отыра, барлық балаларды оқу және тәрбие үдерісіне тарту.

Өткізу принциптері: әрбір бала апталықтың барлық шараларына белсене қатысушы болып табылуы керек.

Апталық кезінде өткізілетін ашық сабақтар мен іс-шаралардың жоспары құрылып, бекітілді.

3-сынып апталығы 18 қараша күні апталықтың ашылуын өткізуден басталды. Ашылуна барлық бастауыш сынып оқушылары қатысты. Апталықтың жоспарымен таныстырылып, оқушыларды бірлесе жұмыс істеуге талпындыру мақсатында «Күн шуағы» ойыны ойнатылды.

Апталықтың екінші күні, 19 қараша, «Жүйріктен жүйрік озар жарысқанда» атты сыныптан тыс сайыс сабақ өткізілді. Сайыс үш кезеңнен тұрды. Бірінші кезеңде «Ойлайық та, ойнайық» атты викториналық сұрақтар қойылды. Оқушылар үяшықты таңдай отыра, батырманы бірінші болып басқан оқушы сол сұрақтың жауабын айтып және көрсетілген ұпайға ие болды. Екінші кезеңде «Иә», «Жоқ» ойыны. Бұл кезеңде кездейсоқ шеңбердігі сұрақтар оқылып, оқушылар сұрақтың дұрыс, бұрыстығын айта отырып ұпай жинады. Ал, үшінші кезеңге ең көп ұпай жинаған оқушы ғана өтіп, «Жүзден жүйрік» тақырыбында тест сұрақтарын орындады. Бұл ойында жеңімпаз болға Алтыбай Айдар.

20-қараша күні «Әлемнің 7 кереметі», оқушыларға мағұлымат берілді. Интербелсенді тақтадан бейнефильм көрсетілді. Түсіндіру жұмыстары жүргізілді. Адам қолынан шыққан ең керемет туындылар ретінде саналатын көне архитектуралық ескерткіштер жайында мағлұмат берілді.

21-қараша күні «Әуенді тап» музыкалық ойын болды. Бұл ойында оқушылар Күй, балалар әндері және хит әндердің бірін таңдай отыра сол ұяшықтағы әнді тапты. Финалға өткендер Аналар туралы, мультфильм және тикток әндерінен әуендер тауып жеңіске жетті.

22-қараша күні қазақ тілі сабағы бойынша «Түбір мен қосымша» тақырыбында ашық сабақ өтті. Сабақта жаңа әдіс-тәсілдер пайдаланылды. Интернет арқылы тапсырмалар орындалып, сілтеме арқылы тест тапсырмаларын орындап, бірден тексеріліп қорытындысы айтылды. Оқушылар сабаққа белсене қатысты.

Апталықтың жабылуына орай «Біле жүрейік» қызықты сұрақтар қойылды. Апталық барысында ойындар арасында жеңіске жеткен оқушылар марапатталды. Апталық өте қызықты өтті. Жалпы оқушылар белсене қатысты.

3-cынып жетекшісі: / / Куракпаева Г.А.