Сабақтың тақырыбы:

«Білімім – Отаныма»

Күні

02. 09. 2024ж

Сынып жетекшісі:

Сыныбы:

Қатысушылар саны:

Қатыспағандар саны:

Сабақтың мақсаты:

Оқушыларға білімнің адам үшін аса қасиетті екенін түсіндіру, ұстаздарды құрметтеуге, білім ұясына қамқор болуға, білім алуға құштар болуға тәрбиелеу

Көрнекіліктер

Интерактивті тақта, жапсырма қағаздар, фотоссуреттер

Сабақтың кезеңі/ уақыт

Мұғалім әрекеті

Оқушы әрекеті

Ресурстар

Ұйымдастыру кезеңі

(7 мин)

Сынып тазалығы, оқушыларды партаға отырғызу.

"Үш Т" ережесі

1. Тәртіп

2. Тазалық

3. Тыныштық

Әнұран (гимн)

Құрметті ата аналар, және оқушылар бүгінгі сынып сағатына қош келдіңіздер, сіздерден белсенділік күтемін.

Жазғы демалысты қалай өткіздіңіздер?

«Шаттық шеңбері»

Алдағы оқу жылына тілектеріңді білдіріңдер (Бір-біріне қарап күлімдеп, жылы жүзбен тілек айтады)

Оқушылар мұғаліммен амандасады, түгенделеді, мұғалімнің нұсқауымен қатар түзе өз орындарына отырады.

Оқушылар шаттық шеңберін құрып, бір-біріне жылы тілектерін білдіреді.

Интерактивті тақта, музыка

Сабақ басы (13 мин)

Жүздеріңнен көрем шаттық арайын,
Болсын солай әрбір күнің, әр айың.

Мерекеңіз құтты болсын ата-ана,
Мерекеңіз құтты болсын ағайын!

Білім күнімен құттықтау

"Open the box" сұрақ-жауап

1. Ең алғаш білім жүйесінің қалыптасуына үлес қосқан, қазақ даласына алғаш мектеп ашқан кім?
   Ы. Алтынсарин

2. Алғашқы Қазақ мектебі қашан ашылды? Торғай қаласында 1864 жылы 8 қаңтарда мектептің салтанатты ашылуы өтті. (Қазақ даласында оны «Қара шаңырақ», «Алғашқы қарлығаш» деп атады)

3. Қазақстан Республикасының Тәуелсіздік күні?

16 желтоқсан

4. Қазақстанның астанасы болған қалалар?

Орынбор, Қызылорда, Алматы, Астана

5. Қазақстанның мемлекеттік тілі?

Қазақ тілі

6. Қазақ әліпбиінің негізін қалаушы? А.Байтұрсынұлы

7. Қазақстанның мемлекеттік рәміздері? Ту, елтаңба, әнұран

Қорапты алған оқушылар қорап ішіндегі сұрақтарға жауап береді.

Интерактивті тақта

3 мин

10 мин

Ортасы (20 мин)

"Білім бізге не үшін керек?"

Абайдың 32-інші қара сөзі (бейнеролик)

Мұғалім бейнеролик мазмұны бойынша өз ойын айтып, оқушылармен байланыс орнатады.

"4 үшбұрыш" әдісі

Оқушыларға әдісті түсіндіріп, бағыт көрсетеді.

Сабақ уақытындағы және мектептегі қауіпсіздік ережесі мен тәртібі

1. Оқушылардың сыртқы келбеті.

• Бекітілген үлгідегі мектеп формасын киюге: 5-8 сыныптар: форма (шалбар), көк түсті пиджак, ақ түсті блузка.

• Косметиканы қатты жағып және сәндік бұйымдарын шамадан тыс тақпауға ұсыныс жасалады.

• Мектепте, тазалықты сақтау мақсатында барлық оқушылар, екінші жеңіл аяқ киім киіп жүруі керек.

• Спорттық киімді дене шынықтыру сабағында ғана кию керек, басқа сабақта кию орынсыз.

• Мектепте себепсіз сыртқы киіммен жүруге болмайды.

• Салтанатты жиналыстарға және жалпымектептік шараларға оқушылар мерекелік киім киіп келуге тиіс.

• Мерекелік кештерге, концерт және дискотекаларға оқушылар қалаған киімдерін киіп келеді.

2. Жалпы тәртіп ережелері.

• Оқушылар мектепке мектеп формасын киіп, таза күйінде сабақ басталар алдында 10 минут қалғанда кешікпей келулері керек.

• Мектепке кіргеннен кейін оқушылар сыртқы киімдерін және аяқ киімдерін шешіп екінші аяқ киімдерін киеді, шаштарын әдемілеп, киімдерін дұрыстап, сыныпқа кіріп оқу құралдарын дайындап мұғалімді күтіп отырады.

• Өрт қауіпсіздігі, Жол ережелерін оқып, біліп және сол Ережелерді сақтауға міндетті.

• Оқушылар бір- бірімен достық, әдептілік, қайырымдылық қарым- қатынаста болу керек. Жаман әдеттерден аулақ болуы тиіс.

• Оқушылар, үлкен адамдарды сыйлауға, кішіге ізет көрсетуге оларға керек болғанда көмектесуге; мектептің, өзінің және басқаның мүлігін сақтап, ұқыптылықпен қарауға: мұғалімдердің және мектептің басқа жұмыскерлердің талаптарын орындауға міндетті.

• Оқушылар бір-бірін атымен атап, үлкен адамдардың тегін атап «сіз» деп және бөтен адамдарға да «сіз» деп сөйлеседі.

• Оқушылар үлкен адамдарға жол беріп; кішкентай оқушыларды алдымен жіберулеріп және де ұлдар қыздарға жол берулері керек.

• Бір-бірімен сөйлескенде бұзақы, бейбастақ сөздерді қолданбай, тіл мәдениетін сақтап сөйлесуі керек. Күш қолдану адамның ар-намысын қорлайды, сондықтан мектепте төбелесуге қатаң түрде тыйым салынады.

• Оқушыларға: сабақ кезінде мұғалімнің немесе оқу меңгерушісінің рұқсатынсыз мектептен және оның маңайынан, өз бетінше спорттық, мәдени және сыныптан тыс шаралардан кетуге болмайды; мектепте және оның маңайына жарылғыш, жанғыш, сұйық заттарды, пиротехникалық бұйымдарды, газ баллондарын, шылым мен спирттік ішімдіктерді, есеңгірететін және уландыратын заттарды әкеліп пайдалануға қатаң тыйым салынады.

• Мектепте: оқушылардың өміріне және денсаулығына қауіпті болғандықтан, терезенің алдына мінуге, шкафтардың үстіне шығуға, баспалдақтың таянышымен сырғанақ тебуге, басқа оқушыларды итеруге; мектептегі шаруашылық бөлмелерінің есігін ашып-кіруге; электрлік шкафтарды ашуға ҚАТАҢ ТЫЙЫМ САЛЫНАДЫ;

3. Сабақ кезінде.

Мұғалім сыныпқа кіргенде оқушылар орындарынан тұрулары керек. Олар амандасқаннан соң және мұғалімнің рұқсатынан кейін орындарына отырады. Осылай оқушылар сабақ кезінде сыныпқа кіріп келген әрбір кісімен амандасып қарсы алулары керек. Мұғалім немесе басқа адам сыныптан шыққаннан кейін де оқушылар орындарынан тұрулары керек.

Сабақ кезінде мұғалім сабақтағы тәртіп ережесін өзі орнатады.

Сабақ үстінде шулауға, өзі басқа нәрсеге алаңдап және де жолдастарын да сөзге тартып, ойынмен алаңдатуға болмайды.

Егер оқушы бірдеңе айтқысы, сұрақ қойғысы келсе, ол қолын көтеріп, мұғалім рұқсат берген соң сөйлеуі керек. Мұғалім басқа да тәртіп ережелерін қоя алады.

Сабақ аяқталған туралы қоңырау мұғалім үшін соғылады. Ол сабақ аяқталуының дәл уақытын белгілеп оқушыларға оның аяқталғаны туралы хабарлайды.

Егер оқушы мектептегі сабақты қалдырса, ол сынып жетекшісіне медициналық анықтаманы немесе ата-анасынан қысқаша хат әкелуі керек. Сабақты дәлелді себепсіз қалдыруға немесе сабаққа кешігіп келуге рұқсат етілмейді.

4. Үзілісте және сабақ аяқталғаннан соң.

Үзіліс кезінде оқушылар: өздерінің жұмыс орнын қалпына келтіріп қоюға; сыныптан шығуға; кезекші мұғалімдердің және де басқа жұмыскерлердің талаптарына бағынуға міндетті.

Үзілісте: баспалдақтармен жүгіруге, терезе ойығы, шыны витрина немесе басқа да ойнауға арналмаған жерлерде жақын, бір-бірін итеріп, заттарды лақтыруға және күш көрсетіп жаман, былапыт сөздерді айтып қол сермеп, басқа қылықтар жасап шулауға, басқаларға демалуға, жұмыс істеуге кедергі жасауға болмайды.

Асханада болғанда оқушылар: ыстық және сұйық тамақ алып жатқан кезде жан-жағына назар аударып абай болулары керек; асханадан алған немесе үйлерінен алып келген тамақты асхананың ішінде ғана жеулері керек; мұғалімдердің немесе асхана жұмыскерлерінің талаптарына бағынады: тамақты кезекпен алады: тамақтанғаннан соң үстелдің үстін жинайды.

5. Мектеп маңайындағы тәртіп.

Мектеп маңайы мектептің бөлігі болып есептеледі (мектеп учаскесі).

Мектеп учаскесінде оқушылар: оның алыңының шегінен шықпай; жалпы тәртіп ережелерін сақтап жүрулері керек.

Оқушылар білімнің өз өмірлеріне қалай әсер ететін жайында айтып, қара сөзді негізге ала отырып білім алудың қажеттіліктеріне тоқталып өтеді.

4 үшбұрышты жапсырма қағаздан пирамида құрайды. Әрбір үшбұрышта білімнің жеке өмірдегі маңыздылығын сипаттайды ( 1-2 сөзбен).

Оқушылар ережелерді мұқият тыңдап, "Сабақ уақытындағы және мектептегі қауіпсіздік ережесі мен тәртібі" жазылған парақты күнделіктің бірінші бетіне жапсырады.

Бейнеролик

2 мин

Талдау 5 мин

5 мин

Соңы

Білімдіден шыққан сөз

Талаптыға болсын кез.

Нұрын, сырын көруге,

Көкірегінде болсын көз.

-деген Абай атамыздың бір шумақ өлеңі өскелең ұрпаққа бата мен бағыт-бағдар секілді. Себебі, балалар осы мектепте қаншама білімді ұстаздар сендерге білім береді. Олардың берген білімін талаптылықпен үйрену керек екенбіз.

Нұрын, сырын көруге,

Көкірегінде болсын көз - деген жолдарға келер болсақ білімнің пайдасы мен сырын ұғыну үшін көзіміз ашық, көкірегіміз ояу болып, ғылым-білімді махаббатпен ізденуіміз қажет. Себебі, Абай атамыз "қашан бір бала ғылым-білімді махаббатпенен көксерлік болса, сонда ғана оның аты адам болады" деген екен.

Құрметті оқушылар алдағы жаңа оқу жылына баршаңызға сәттілік тілеймін!

Қорытынды.

Интерактивті тақта