Білімнің бастауы -балабақшада

Білімнің бастауы – балабақшада (Ертеңгілік)

Міндеті : 1 қыркүйек - Білім күні мерекесінің маңызын түсіндіру, сезіндіру. Сахна мәдениетіне баулу. Көңілді орта қалыптастыру.

Жүргізуші: Қош келдіңіздер, құрметті ата - аналар, балалар, барша қонақтар! Бүгін - 1 қыркүйек - білім күні. Мерекелеріңіз құтты болсын!

Жүргізуші: Балабақшамыздағы нағыз ерке достарымыз апайларымен бірге келе
жатыр, қарсы алайық! (кіші тобы балалары ортаға шығады)
«Балапан » кіші топ тәрбиешісі:Жақанова Назым
«Айгөлек » кіші топ тәрбиешісі: Әшірбай Шырын
«Құлыншақ » ортаңғы топ тәрбиешісі:Дабықова Салима

«Ботақан » ересек топ тәрбиешісі:Төлешқызы Айнұр

«Қарлығаш» мектепалды топ тәрбиешісі:Аяпова Баян

«Балдәурен » мектепалды топ тәрбиешісі:Мамутова Айнұр

Жүргізуші: Биіктерге бастайтын асқаралы
Әр жүректің сүйікті, асқақ әні
Мерекеде бәріміз бір дауыспен
Шырқайық еліміздің әнұранын!
ҚР  Мемлекеттік әнұраны

Жүргізуші: Бүгінгі білім күні мерекесімен құттықтау сөзді «Сыр- Берекесі» бөбекжай балабақшасының менгерушісі: Роза Сабырханқызына беріледі.

Жүргізуші: 

Жаңа білім күніңмен!
Білім күні – мереке,
Ән салсамда әдемі.
Туған тілім – береке,
Сөз арнасам кәделі!

Хор : «Ұстаз ана» «Балдәурен » тобы

Жүргізуші: 

Өмірдің бейбіт бағы бұл,
Асудан асып асқарлы
Мінекей биыл тағы бір
Жаңа оқу жылы басталды.
Ортада білім туралы өлеңдерімен «Құлыншақ»  тобының бүлдіршіндерін қарсы алыңыздар!

(Көңілді музыкамен Түлкі мен Қоян бір - бірімен сумен атылатын пистолетпен атысып (немесе майда түрлі - түсті доптармен) ойнап келеді)
- Түлкі: О! Мұнда балалар көп екен! Жақсы болды!
- Қоян: Келіңдер балалар, қызы - ы - ық ойын ойнайық!
- Түлкі: Неге сонша сықиып киініп алғансыңдар? 

– Қоян:Бүгін – білім күні ғой! Үлкен мереке!  Біз енді ойынды азайтамыз, көбірек оқитын боламыз.
- Түлкі: Солай деңдер?! Ал көп оқып миды ашытып керегі не?

Жүргізуші: 

Риза етіп баршаны
Әсем әнге саламыз
Таудан биік талабы
Біз - сүйкімді баламыз!

«Қарлығаш»   тобының бүлдіршіні Жүкен Фатиманы «Балабақшам» әнімен ортаға шақырамыз!
Жүргізуші: 

Бұл - екінші үйіміз,
Бір туғанбыз бәріміз.
Біз - осы үйдің гүліміз
Біз - осы үйдің сәніміз.
«Ботақан» тобының тақпақтарын қарсы алыңыздар.

Жүргізуші:

- Ал балалар!
Ойнайық та күлейік.
Кәне енді бұрылып
Би билеуге тұрайық.
- Түлкі: Керемет! Онда біз басқа да Қоян достарымызды
шақырып сендерге мереке құрметіне би билеп берейік, шашуымыз болсын!

«Балдәурен» тобының «Кітаптар » биін тамашалаңыздар!
Жүргізуші: Биіктерге бастайтын асқаралы
Әр жүректің сүйікті, асқақ әні
Мерекеде бәріміз бір дауыспен
Шырқайық еліміздің әндерін!
Ойын: Кім жылдам?

Шарты: Оқу қуралдарын бөлек, ойыншықтарды бөлек жинау,

Жүргізуші: Жарайсыңдар! Өнерлерің өрге жүзсін! Бүлдіршіндеріміздің өнер, білім үйреткен, сүйікті балабақшаға арнаған кезекті бір әніне кезек берейік.

«Ботақан»   тобының бүлдіршіндері Айсана,Айым «Қуыршағым» әнімен ортаға шақырамыз!
Жүргізуші: Егемен елдің төсінде,
Шуағын шашқан арай күн
Азамат болып өсеміз
Қызыға әлем қарайтын.
«Қарлығаш» тобының тақпақтарын қарсы алыңыздар.

Көрініс

Жүргізуші:

Жаңа киім үстімде,
Мақтанғымда келеді.
Білім тойы үстінде,
Шаттанғымда келеді! Дегендей бүгінгі мектеп алды даярлық тобына келетін балалардың жүздері бал - бұл жайнап тұр.

Хор : «Тәрбиеші»

Жүргізуші:

Жаңа оқу жылын қоңыраудың сыңғырымен бастау - жылдар бойы жалғасын тауып келе жатқан қалыптасқан дәстүр. Ендеше биылғы 2024 - 2025 оқу жылының қоңырауын қағуды кішкентай бүлдіршініміз............... ұсынамыз!
Алғашқы қоңырау соғу салтанаты
Жүргізуші:

Шырылдаған тыным алмай
Қоңыраудың үні қандай!
Мақсатына жете ме адам
Оқу оқып, білім алмай?!

Ғылымның көп тас қамалы
Ғалымдық та асқаралы
Бар білімнің нұр бастауы -
Балабақшадан басталады!
Бүгінгі мерекелік ертеңгілігіміз осымен тамам. Ден қойып тамашалағандарыңыз үшін көп рахмет! Баршаңызды балабақшамыздың білім бағына шақырамыз!

«Сыр Берекесі » бөбекжай балабақшасы

Тақырыбы: Білімнің бастауы – балабақшада!

Тобы: «Ботақан » ересек тобы.

Тәрбиешілері:Төлешқызы Айнұр

Әлімбаева Бақыт

Қызылорла қаласы,2024-2025жыл