Бір қыз тәрбиелегенің – тұтас бір ұлтты тәрбиелегенің

Бір қыз тәрбиелегенің – тұтас бір ұлтты тәрбиелегенің

Күні кеше Елбасымыздың рухани жаңғыру бағдарламасы көрініс тапқан «Ұлттық құндылыққа бағдар: «тәрбие үдерісіндегі инновация, ұлттық қолөнер – тәрбие негізі» тақырыбында Білім инновация лицейінде өткен жақын шет елдердің өкілдері де қатысқан республикалық ауқымды семинардың басты мақсаты халқымыздың ұлттық құндылықтарын дәріптеу, жаңғырту, өскелең ұрпақты ұлттық педагогика негізінде ұлттық қолөнерге, ою ойып, құрақ құрауға, еңбекке, шыдамды, ұстамды, жауапты болуға, ұлттық мұра – ел қазынасын қастерлей білуге арналған іс-шараның бір бөлігі «Асыл әжелер» клуб жұмысымен танысуға арналды. Клуб мүшелері, ардагер ұстаздар, сондай-ақ лицейдегі көптеген сайыстардың жүлдегер әжелері – Қазыбекова Тазагүл, Шахаризада, мен, Насибекова Гулсара және №227 Т.Рысқұлов атындағы мектептің көрнекі еңбек пәні оқытушысы Жүндібаева Шара. Біз 10 – сынып қыздарымен түрлі оюлар қырқып, шаблондар құрастырып, олармен мата қиындыларынан құрақтар қиып, құрап, сыру жұмыс тәжірибемізді ортаға салдық. Сабақты жүргізген Шара қонақтарға да тапсырмалар беріп, ою ойғызды, бұрышына тілек қолтаңбаларын қалдыруды өтінді және сынық мүйіз, қошқар мүйіз, сегіз жапырақ, т.т.с. ұлттық оюлардың мазмұнынан тың мол мағлұматтар берді. Сабақ соңында қыздар мен әжелер құраған құрақтарды қонақтарға сыйға тарту етіп, Шараның таңдай қақтырар «қалдықсыз жұмыс» көрмесімен танысып, суретке түсіріп, бастарын шайқады, сабақтан алған эмоцияларын ашық айтты, солтүстіктен келгендер келінді тек Қызылордандан алатындарын да жасырмады.

Қыз бала тәрбиесі қашанда жауапты да күрделі, әрі күрмеуі көп мәселе. Соңғы уақытта европаға еліктеу етек алып, санамызға сызат түсіріп жүргені белгілі шындық. Осындай бейуақта өткен семинар аз да болса жастардың санасына сілку, ой түсірері анық қой. Халқымыздың бір қыз тәрбиелегенін тұтас бір ұлтты тәрбиелегенің деген қағидасына берік осы оқу орнының педагогикалық ұжымына, Райхан апайға айтар алғысымыз шексіз.

Жалпы білім беретін кешкі мектептің

химия пәні мұғалімі

Сакиева Р.А.

«Ұлағат» колледжінің оқытушысы

Оспанова Р.М.