Бірлігіміз жарасқан

Жалпы білім беретін Бұлан орта мектеп-балабақша кешені

Тақырыбы:

«Бірлігіміз жарасқан»

Тәрбиешілер: Адилгереева Г.М.

Ихсанова О.Т.

2016-2017 оқу жылы

«Бекітемін»

Директордың тәрбие ісі жөніндегі орынбасары: А. Ы. Нұрғалиева

Тақырыбы: «Бірлігіміз жарасқан »

Күні: 25.04.2017 жыл.

Мақсаты: Балаларға

Көрнекілігі: Мерекеге сай безендірілген бөлме, плакаттар, шар.

Барысы: Құрметті балалар, сіздерді 1 мамыр-Қазақстан халқы бірлігі күні мерекесімен шын жүректен құттықтаймыз! «Бірлік бар жерде – тірлік бар»- дейді дана халқымыз. Бұл сөз тегіннен-тегін айтылмаса керек. Ұлттар тұтастығы мен халықтар достығының арқасында бүгінде мемлекетіміз дамып келеді.

Қазақ халқы өте қонақжай халық. Келген қонағын қуана-қуана қарсы алады. Ендеше қонақтарымызды қарсы алайық. (Әртүрлі халықтардың киімдерін киген балалар кіріп келеді)

Балалардың тақпақтарына кезек берелік.

Мамырдың бірі, достық күні,

Ән салып, билеген халықтың үні.

Тұтасып, тойлаған ұлттар,

Керемет мереке мамырдың бірі.

Достық –шырағымыз,

Достық-ұранымыз.

Достық-туымыз,

Достық-әніміз.

Дос болып түрлі халықтар,

Жасайтұғын ғасырмын.

Бақыттымын әлемге,

Ұмытылмас асылмын.

Ән: «Дос болайық бәріміз».

Би: «Қазақ» биі.

Сен неткен Отан-анам, ғажап едің,

Әспеттеп көркем тілмен жазар едің,

Болашақ ұрпағыңның бақыты үшін,

Жайнай бер, Ұлы Отаным-қазақ елім.

Кең байтақ көз жетпейтін жерім менің,

Таулы орман, жасыл жайлау, көлім менің.

Бүгінде бар әлемге даңқың жетті,

Тәуелсіз Қазақстаным – елім.

Ән: «Достық».

Би: «Испан» биі.

Біз балдырған кең басқан,

Дос құшағын кеңге ашқан.

Тілегіміз-әділдік,

Ашық болсын кең аспан!

Би: «Орыс» биі.

Ән: «Әрқашан күн сөнбесін».

Жүргізуші: Осымен бүгінгі «Бірлігіміз жарасқан» атты мерекелік ертеңгілігіміз аяқталды. Еліміз өркен жайып, әрбір шаңырақ шаттық пен қуанышқа кенелсін. Сау болыңыздар.