Сабақтың тақырыбы: Бисер мен шым кестені үйлестіре тігуді үйрену

Сабақтың мақсаты:

Білімділік мақсаты: Оқушыларға бисер мен кесте туралы туралы мағлұмат беріп, білімдерін жүйелеу, бұрынғы өткен сабақтарды жүйелеу.

Дамытушылық мақсаты: Оқушылардың жұмысты орындаудағы қауіпсіздік ережелерін сақтауды, ептілігі мен алған білімдерін өз бетінше қолдана білуге дамыту.

Тәрбиелік мақсаты: Оқушылардың эстетикалық талғамын арттыруға, жұмысты тиянақтылықпен орындау деңгейін арттыруға баулу.

Сабақтың әдісі: түсіндірмелі, сұрақ-жауап

Сабақтың түрі: аралас

Көрнекіліктер: дайын бұйымдар, слайдтар, плакаттар

Қажетті құрал-жабдықтар: түрлі-түсті бисер мен мулине жіптері, қайшы, ине, кергіш, бір түсті мата.

Сабақтың барысы:

І Ұйымдастыру кезеңі:

Оқушылермен сәлемдесу, түгендеу, топқа бөлу

ІІ Үй тапсырмасын тексеру

«Конверт» ойыны Оқушыларға хат таратылады.

1-топқа

1. Бисер деген не?

2. Бисер неден жасалады?

3. Бисер қай елде пайда болды?

4. Бисерден қандай бұйымдар жасауға болады?

2-топқа

1. Кесте дегеніміз не?

2. Кестелеу дегеніміз не?

3. Шым кесте дегеніміз не?

4. Шым кестеден қандай бұйымдар жасауға болады?

Топтық жұмыс

1-топқа Кесте түрлері

2-топқа Бисердің түрлері

Ассоциация құрып, бір оқушы түсіндіреді.

Шым кесте стеклярус

И зонить кестесі Кесте түрлері айқас кесте теңге Бисердің түрлері рубка

Шынжырлы кесте моншақ

Топтар бірін-бірі қалай жауап бергендерін айтып бағалайды.

Қызығушылықтарын ояту

Кесте мен бисерден жасалған бұйымдарға слайд көрсету.

ІІІ Жаңа сабақ

Бисер өнері - өте ертеде кеңінен тарап, танылып келе жатқан халық шаруашылығының және әшекей бұйымдар дайындаудың бір түрі. Бисермен жай суреттерден бастап, күрделі суреттерге дейін жұмыс жасауға болады. Бисермен жұмыс жасау өнері өте нәзіктікті, әдемілікті, шыдамдылықты, шеберлікті талап етеді. Қазіргі кезде бисермен жасалған бұйымдар жастар және әйелдер киімдерінде, сөмкелерінде көп әшекейленеді.

Ал, кесте өнері – қазақ халқының қолөнерінің ерекше түрінің бірі. Қолмен кестелеп тігу өте көне заманнан бері келе жатқан қолданбалы өнер түрі. Мыңдаған жылдар бойы қалыптасқан ұлттық кесте өнеріміздің күні бүгінге дейін қасиетін жоғалтпай жақсы сақталған. Кесте бізбен және жай инемен әшекейленіп тігу барлық халықтарға тән өнер. Ол киімдерді әшекейлеу нәтижесінде кісінің көңіл-күйін көтереді,

Енді біз бүгінгі сабағымызда бисер мен кестені үйлестіре картина тоқимыз.

ІV Сарамандық жұмыс

Жұмысты бастамас бұрын біз техникалық қауіпсіздік ережесін қайшымен жұмыс кезінде және инемен жұмыс кезінде сақталатын ережелерді еске бір түсіріп өтейік.

Жұмысты бастар алдында біздің ұранымыз «Талаппен бастап, талғаммен аяқтау».

1-топ бисердің тігілу жолдарын үйрену, оларға бисердің тоқылу техникасының нұсқау картасы ұсынылады және видео көрсетіледі, ал 2-топ шым кестенің тігілу жолдарын үйренеді.

Тігетін суретіміз «Көбелек» суреті

Дайын мата бетіндегі негізгі суретке, яғни көбелектің бейнесіне бисерді матаға бекіте отырып, жұмысты бастауға болады. Тігілген моншақтар дұрыс тігілуі тиіс. Сондай-ақ 3-4 моншақтан кейін матаға бекітуге болмайды. Егер моншақ саны көп болып кетсе, матаның бетінде моншақ салбырап босап қалады.

Ал мата бетіндегі қосалқы гүл мен жапырақ бейнелерін шым кестемен толтыру керек. Кесте мулине жіптерімен әшекейленуі керек. Жіптердің ара қашықтықтары біркелкі тігіліп отырса, жіптер мата бетінде босап қалмайды. Сонда жұмысымыз әдемі, әрі жинақы көрінеді.

«Көбелек» суреті

Бисер тігудің нұсқаулық картасы

Сергіту сәті

«Иә, жоқ» ойыны

V Қорытынды

Бүгінгі сабақ ұнады ма?

Сабақ несімен ұнады?

Біз бүгінгі сабақта не үйрендік?

VІ Бағалау

Сабақ соңында оқушылардың сабаққа қатысуына, жасаған жұмыстарына мадақтау сөздерін айту.

VІІ Үйге тапсырма: Бастаған жұмыстарын аяқтап келу

Қызылорда облысы

Жаңақорған ауданының білім бөлімінің

балалар өнер мектебінің мұғалімі

Бимурзаева Патима