Бітіруші курс студенттерінің мазасыздық ерекшеліктері

Әл-Фараби атындағы Қазақ ұлттық Университеті — Қазақстанның ең ірі әрі әйгілі жоғары оқу орындарының бірі. Университет Қазақстандағы және Орталық Азиядағы жетекші білім беру және ғылыми орталық болып табылады . Университеттің ғылыми-зерттеу жұмыстары да жоғары бағаланады, және онда көптеген ғылыми орталықтар мен зертханалар жұмыс істейді.

ҚазҰУ-да көптеген факультеттер, соның ішінде әлеуметтік ғылымдар, инженерлік ғылымдар, гуманитарлық ғылымдар, бизнес және экономика сияқты көптеген бағыттар бойынша білім беріледі. Осы факультеттер ішінде « Жалпы және қолданбалы психалогия » кафедрасында оқу кезінде мені қызықтырған мазасыздық мәселе, әсіресе өзіме таныс студенттер арасындағы мазасыздық проблемасы қарқын алып кележатқанын байқадым .

Бітіруші курс студенттері – бұл білім беру жүйесінде ерекше кезеңді өткеріп жатқан жастар. Олар болашақ мамандықтарын таңдауда, мансап жолдарын жоспарлауда, сондай-ақ оқу үрдісін аяқтауда үлкен жауапкершілікті сезінеді. Бұл кезеңде мазасыздық деңгейі көбейіп, психологиялық жүктеме артады. Студенттердің мазасыздық ерекшеліктерін түсіну, олардың оқу процесіндегі өнімділігін және психологиялық денсаулығын сақтау үшін маңызды.

Мазасыздық – бұл адамның жағымсыз эмоциялық күйі, онда алаңдаушылық, қорқыныш, нервоздық сезімдері басым болады.

Өзім бітіруші курс студенті ретінде өзімнен, группаластарым, құрбы-құрдастарымнан мазасыздықтын мынандай түрлері жиі байқаймын: Бәсекелестік орта: Студенттер жиі бір-бірімен бәсекелеседі, бұл қысым мен стресс туғызады. Ақпарат ағыны: Заманауи технологиялардың дамуы нәтижесінде ақпараттың шамадан тыс көптігі де мазасыздықты арттыра алады. Кәсіби болашаққа алаңдаушылық: Оқу барысында студенттер болашақ мансаптары мен жұмыспен қамтылуына қатысты ойларымен мазасызданады.Әлеуметтік байланыстар: Әлеуметтік желілер мен таныстар арасындағы қарым-қатынастар да әсер етуі мүмкін. Көптеген студенттер желідегі қысым мен салыстырудан туындайтын мазасыздықты сезінеді.Студенттік өмірдің өзгерістері: Жаңа ортаға бейімделу, жаңа достар табу және академиялық талаптарды орындау – бәрі де стресс тудыруы мүмкін.

Жас буын ретінде айтарым мазасыздық секілді психалогиялық проблемаларды кеңінен қарастырып емдеуге және алдын-алуға әрекет жасасақ жаны сау адамдар көбейетін еді . Халық арасында « Психалогиялық денсаулық» ұғымын кенінен қарастырып , популизацияға түскен жағдайда Қазақстанның эканомикалық , әлеуметтік дамуы артушы еді . Бәсекеге түсе алатын жастар саны артып еліміздің даму сатысы жаңа белестерге көтеріледі деп санаймын .

Қорытындылай келе бітіруші курс студенттерінің мазасыздық ерекшеліктері олардың оқу процесіне, әлеуметтік өміріне және жалпы психологиялық денсаулығына теріс әсер етеді. Осы мәселелерді шешу үшін психологиялық қолдау көрсету, уақытты тиімді басқару және денсаулықты сақтау сияқты шаралар қабылдау қажет. Бұл студенттердің болашағына сенімді қадам басуына көмектеседі. Өзімде университет бітірушы студен ретінде осы мазасыздық күйлері менің басымнанда өтетіндіктен группаластарыма , студенттерге көмектесу мақсатында осы тақырыпқа зерттеу жасаймын .

Нұрғазина Ақгүл

4 курс студенті

Оқытушы: Болтаева А.М

психология ғылымдарының кандидаты

Әл-Фараби атындағы ҚазҰУ