Біз чемпион боламыз

Мектепалды даярлық 0 «Ә» тобының конспектісі

Тақырыбы: Біз чемпион боламыз. Ч дыбысы мен әрпі

Пән: Сауат ашу

Күні: 17.05.2021

Мақсаты:

1.Ұйымдастырылған кезең. Тәрбиеші балаларды ортаға шеңберге тұрғызады.

Мынау менің жүрегім (барлығы жүрегін ұстайды)

Бәрі осыдан басталған.

Мынау басым ақылды, (екі қолмен басын ұстайды)

Барлық істі атқарған.

Мынау менің оң қолым, (оң қолын көтереді)

Мынау менің сол қолым, (сол қолын көтереді)

Барлық істі атқарған. (қуанышпен айтып көрсетеді)

2. Жаңа сабақ. Əліппе-дəптермен жұмыс .

1-Тапсырма :

Өлеңді тыңда және суретке қара.

Біз-чемпион боламыз

Біз шыныққан баламыз,

Суда жүзеаламыз.

Желбіретіп көк туын,

Чемпиондар боламыз.

Балалар өлең мəтінін түсінеді. Суреттегі балалардың қандай спорт түрімен шұғылданып жүргенін айтады. Чемпион сөзінің мағынасын түсіндіріп, балалардың ойын тыңдайды. Чемпион деп- олимпиада ойындарына қатысып , жеңімпаз атанған спортсмендерді атайды екен .

2-тапсырма. Суреттегі заттарды атайды.

Чек ,че-мо-дан, поч-та сөздерін буынға бөледі. Тәрбиеші сөздердің мағынасын түсіндіреді. Чек –бұл біз дүкеннен зат сатып алғанда қолымызғы берілетін қағаз, келесі чемодан –біз оған киім саламыз, ұзақ жолға шыққанда қолымызға ұстаймыз. Тәрбиеші почта туралы түсінік береді.Чек,чемодан ,почта сөзінде қандай дыбыс бірінші естіледі?

Сергіту сәті: Сергіту сәті.

Біз чемпион боламыз,

Бір, екі, үш, бір, екі, үш.

Торғай боп та ұшамыз,

Чик-чирик, чик-чирик.

Би билеп те аламыз,

Ча-ча-ча, ча-ча-ча.

Орнымызды табамыз,

Қолға қалам аламыз.

3-тапсырма. Ч әрпімен таныс бол. Тәрбиеші бүгінгі танысатын дыбыс Ч дыбысы екенін айтады.

Ч –дыбысы қатаң дауыссыз дыбыс . Ч- дыбысын көк текшемен белгілейміз. Ч дыбысын айтқанда шұғыл, кедергімен қысқа айтылады . Бұл дыбыс орыс тілінен енген сөздерде көп кездеседі .

Тәрбиеші электронды әліппені тыңдауды ұсынады . Электронды әліппе арқылы чемпион ,чукотка , чукча сөздерінің мағынасымен танысады .

4-тапсырма. Ч әрпін ермексаздан жаса. ( Балалар ермексаздан ч әрпін жасауды)

5-тапсырма. Ч әрпі бар сөздердің суретін сал.

6-тапсырма. Дәптермен жұмыс. Алдымен балалар Ч дыбысын ауада жазып көреді ,сосын ч əрпін жазу жолына жазады.

3.ҰОҚ-ның қорытындысы. Балалар өз білім деңгейлерін смайликтер арқылы бағалайды.