Сабақтың тақырыбы: Біз не істейміз?

Сабақтың мақсаты: * Балаларды өздері жақсы көретін ойыншықтары арқылы тыңдай, ұға білуге үйрету;

* Балалардың сөзді байланыстырып, еркін сөйлей білу мүмкіндігін дамыту;

* Күнделікті іс-әрекеттерін дұрыс, ұқыпты оырндауға тәрбиелеу.

Әдіс-тәсілдері: әңгімелесу, түсіндіру, сұрақ-жауап, жаттықтыру, көрсету, дидактикалық ойын.

Көрнекіліктер: қуыршақ, бесік, доп.

Сабақтың барысы:

Ұйымдастыру кезеңі:

• Балалар бізге кімдер келді?

• Тәтелер келді.

• Дұрыс айтасыңдар, қонақтар. Балалар орындарынан тұрып қонақтармен амандасайықшы.

• Жарайсыңдар, балалар. Келіп орындарына отыра қойыңдар. Кәне, балалар көздеріннің нұрымен көрсетіндерші, біздер қонақтар келгенін қалай ұнатамыз?

Есік тарсылдайды.

• Балалар, бізге тағы қонақ келіп тұрған сияқты.

Балалар амандасады.

• Қонағымыз қай жақтан келіп тұр екен? Балалар, кәне қонағымыздан бізге қайдан келгенін сұрайықшы.

Балалар сұрайды.

• Ол «Ақбота» балабақшасынан келген екен. Ендеше оның атын сұрайық. Қуыршақ құлағыма сыбырлайды.

• Оның аты Асқар екен. Асқармен амандасайық.

• Сәлеметсің бе, Асқар.

• Балалар, Асқармен бірге ойынайықшы. Мына допты бір-бірімізге домалатып ойнайық.

• Ал енді, балалар, Асқармен бірге серунге шығайық. Қарандаршы ауа райы қандай екен? Суық па, жылы ма?

• Жоқ.

• Әлде жаңбыр жауып тұр ма?

• Иә.

• Далаға шыққанда біз не киеміз?

• Жылы шапке, жылы пальто, куртка, аяғымызға етік.

• Ал қолымызға не киеміз?

• Қолғап.

• Дұрыс айтасыңдар қолғап.

• Балалар, жүріңдер енді топтың ішіне кірейік. Балалар, даладан келгендіктен киімімізді шешіп, іліп қояйық. Содан соң не істеуіміз керек?

• Қолымызды сабынмен жуамыз.

• Ендеше қолымызды сабынмен жуамыз да, сүлгімен құрғатамыз.

Міне Асқар да қолын жуып жатыр.

• Енді, балалар, үстелге түскі асқа жайғасайық.

Балалар үстелге жайғасады.

• Балалар, біз үстелдің үстінде қалай отырамыз?

• Түзу.

• Жақсы.

• Дұрыс. Біз үстелдің үстінде түзу, ұқыпты отыруымыз керек. Ал, ас ішер алдында біз не деп айтамыз?

• Ас дәмді болсын!

Балалар өздерін үстел басында қалай ұстайтындарын Асқарға көрсетеді.

• Балалар, Асқардың ұйқысы келген сияқты. Кәне біз де ұйықтайық.

• Балалар, Асқар киімін шешуге қиналып тұр. Кәне оған көмектесейікші.

• Асқардың аяқ киімін, шалбарын, күртесін шешеміз. Содан соң төсегіне жатқызамыз.

• Балалар, мамаларын сендерге ұйықтар алдында өлең айтып бере ме?

• Иә.

• Ендеше біз қазір Асқарды әлди-әлди өлеңін айтып ұйықтатайық.

Әлди-әлди ақ бөпем,

Ақ бесікке жат бөпем.

Жылама бөпем, жылама,

Жілік шағып берейін

Байқұтанның құйрығын,

Жіпке тағып берейін.