"Біз не үйрендік?"

Оқу қызметі

Тәрбиешінің қызметі

Балалардың қызметі

Мотивациялық -қозғаушылық

-Балалар бүгін бізде ерекше оқу қызметі. Қараңдаршы,біздерге көптеген тәрбиеші апайлар қонаққа келіп отыр, кәне бәріміз қонақтармен амандасып алайық!
-Сәлеметсіздер ме!
-Здаствуйте!
-Good morning!

Қимылды ойын: «Жануарлар қимылына еліктеу»
«Қоян» - екі аяқпен орнында оңға, солға бұрыла секіру;
«Қасқыр» - шеңбер бойымен топтасып жүгіру;
«Аю» - аяқ сыртымен жүру;
«Түлкі» - баяу , тоқтап басын оңға, солға бұрып жүгіру;

-Жарайсыңдар балалар! Орнымызға жайғасайық!
-Балалар жылдың қай мезгілі?
-Күзде неше ай бар?
-Күздің қандай ерекше құбыластарын білеміз?
-Балалар біз өткен оқу қызметімізде қандай ертегімен таныстық?
- Бауырсақ ертегісіндегі кейіпкерлерді кім атап бере алады?

Балалар келген қонақтармен амандасады

балалар қимылды ойын ойнайды

Күз

3ай

Қыркүйек,қазан,қараша
жапырақтар сарғаяды
- «Бауырсақ» ертегісі

Ұйымдастырушылық-ізденістік

• Балалар, бәріміз мына экранға қарайықшы!
  Нелерді көріп тұрсыңдар? Дұрыс айтасыңдар, бұл үйшік ертегісінің кейіпкерлері. Бүгінгі біздің оқу қызметіміздің тақырыбы: «Үйшік» ертегісі (орыс халық ертегісі) Мен сіздерге ертегі кейіпкерлеріне байланысты жұмбақ жасырғым келіп тұр!
  Жұмбақ жасыру
  Жеміс-жидек жегенім,
  Балды жақсы көремін! (Аю)
  
  Өзі ширақ,өзі қу,
  Жүрген жері айқай шу! (Түлкі)

Далада жүр шапқылап,
Керемет бір сақ құлақ! (қоян)

Мысықтан қорқады,
Түнде жортады! (тышқан)

-Жарайсыңдар балалар, олай болса, мен сіздерге «Үйшік» ертегісін оқып берейін.Мұқият тыңдайық!
Балаларға ергегіні оқып беру.
«Үйшік» ертегісі

-Бұл орманда болған оқиға еді.Ашық алаңқайда кіп-кішкентай ескі үйшік тұрған.Бірде оның қасынан жүгіріп өтіп бара жатқан тышқан көреді.Тышқан тоқтап:

-Сүп-сүйкімді,кіп-кішкентай бұл үйшікте кім бар?-деп сұрайды.

Ешкім жауап,қайтармайды. Тышқан бос үйшікке кіріп,осында тұрып жатады.

Біраз уақыттан кейін үйшіктің маңына секіріп бақа келеді.

-Сүп-сүйкімді,кіп-кішкетай бұл үйшікте кім бар?

-Мен тықырлауық тышқанмын!Ал сен кімсің?

-Мен бақылдауық бақамын.-Кел бірге тұрайық.

Бақа «бақ-бақ!»деп бақылдап,үйшікке секіріп кіреді.Тышқан екеуі тіл табысып,бірге тұрады.

Енді үйшік қасына ытқып-ытқып қоян жетеді.

-Сүп-сүйкімді,кіп-кішкентай бұл үйшікте кім бар?-деп сұрайды.

-Мен тықырлауық тышқанмын!

-Мен бақылдауық бақамын.Ал сен кімсің?

-Мен қорқақ қоянмын! -Кел бірге тұрайық

Қоян да үйшікке кіреді.Осылай үшеуі бірге өмір сүре бастайды.

Алыстан бұл үйшікті түлкі көреді.Ақырын басып жақын келіп,терезесін қағады да:

-Сүп-сүйкімді,кіп-кішкентай бұл үйшікте кім бар?-деп сұрайды.

-Мен тықырлауық тышқанмын! -Мен бақылдауық бақамын.

-Мен қорқақ қоянмын!Ал сен кімсің? -Мен қу түлкімін!

-Кел бірге тұрайық

Үйшіктен түлкіге орын табылады.Достар енді төртеу болды.Үйшікке тілі салақтап,айналасына алақ-жұлақ қарап қасқыр жетеді.Ол есікті қағып қырылдаған дауысымен:
-Сүп-сүйкімді,кіп-кішкентай бұл үйшікте кім бар?-деп сұрайды

-Мен тықырлауық тышқанмын! -Мен бақылдауық бақамын.

-Мен қорқақ қоянмын! -Мен қу түлкімін!

Ал сен кімсің?

-Мен сұр қасқырмын! -Кел бірге тұрайық.

Қасқыр қысыла-қымтырыла ішке кіреді.Әйтсе де кіп кішкентай үйшікке бесеуі де сыйып кетеді,Барлығы қосылып ән айтады.Тату-тәтті өмір сүреді.

Бір күні жидек теріп жүрген аю үйшік тұрғындарының салған әнін естиді.Ол үйшікке жақын келіп,бар дауысымен:

-Сүп-сүйкімді,кіп-кішкентай бұл үйшікте кім бар?-деп сұрайды

-Мен тықырлауық

тышқанмын! -Мен бақылдауық бақамын.

-Мен қорқақ қоянмын! -Мен қу түлкімін!

-Мен сұр қасқырмын!

Ал сен кімсің?

-Мен қорбанбай аюмын!

-Кел бірге тұрайық.

Аю әрі-бері тырбаңдап үйшікке кірмекші болады.Бірақ оның басы енгенімен,денесі сыймайды.

Амалы таусылған аю:

-Ендеше мен үйшіктің шатырына шығып тұрайын-дейді.

-Жоқ,сен дәусің!Сені кішкентай үйшігіміз көтере алмайды.Қиратасың-ғой,-деп шырылдайды іштегілер.-Қорықпаңдар ,түк те болмайды,-деп аю олардың сөздеріне құлақ аспайды.

Кіп-кішкентай үйшіктің тұрғындары амалсыздан келіседі.Аю қорбаңдап үйшіктің төбесіне шығады.Сол-ақ екен,ескі үйшік сықырлап,шашылып қалады.Тықырлауық тышқан,бақылдауық бақа,қорқақ қоян,қу түлкі,сұр қасқыр-барлығы аман –есен үйшіктен шығып үлгереді.

Аюға олар ренжімейді.Қайта барлығы бірігіп,бөренелерді тасып,тақтайларды сүргілеп,су жаңа үйшік тұрғызуға кірісіп кетеді.Осылайша,достар өздеріне әп-әдемі,жап-жаңа үйшік соғып алыпты.
- Балалар ертігі түсінікті ме? Ендеше, сергіп алайық!

Сергіту сәті

Ормандағы аю,ұялардан бал іздейді.

Мойындарын оңға бұрды,мойындарын солға бұрды.

Орман ішін аралады,ағаштарды шайқап көрді.

Оңға бір,солға бір,ағаштарды байқап көрді.Аяқтарын көтеріп ап-қуанғаннан билей берді.

Оңға бір,солға бір қуанғаннан билей берді,
-Жарайсыңдар балалар,енді мен сіздерге «Үйшік» ертегісін үстел үсті театры арқылы сахналап беремін!
- Осымен балалар «Үйшік» ертегісі тамаша достықпен аяқталады екен!
-Балалар, кім жануарлар туралы тақпақ біледі?

Балалар ертегіні мұқият тыңдады

Балалар жұмбақтың шешуін табады

Ертегіні мұқият тыңдайды!

Балалар тәрбиешімен бірге сіргіту қимылдарын жасайды

Балалар жануарлар туралы тақпақтарын айтады.

Рефлексиялық-түзетушілік

Сабақты қортындылау

-Балалар біз бүгін қандай ертегі тыңдадық?

-Ертегіде қандай кейіпкерлер болды?

- Үйшікке ең алдымен не келеді?

-Тағы нелер келеді?

-Үйді кім құлатады?
-Соңында барлығы бірігіп не істейді?

-Жарайсыңдар балалар, бүгінгі ұйымдастырылған оқу қызметі сіздерге ұнады ма?

-Балалар бүгін сабаққа өте жақсы қатыстыңдар!
-Олай болса балалар енді келген қонақтармен қоштасайық.

-Сау болыңыздар!
-До свидания!-

-Good bye!

-Үйшік

-Тышқан, бақа қоян, түлкі, қасқыр, аю

- Тышқан.

Балалар қонақтармен қоштасады