«Біз спортты сүйеміз»

Білім беру саласы: «Денсаулық»
Тақырыбы: «Біз спортты сүйеміз»
Мақсаты: Балалардың қимыл - қозғалыстарын жетілдіру, спортқа деген қызығушылықтарын арттыру, ептілікке, шапшаңдыққа баулу.

Спорт – көркі өмірдің,
Спорт – досың серігің,
Жаттықсаң шымыр боларсың
Шынығып өсіп, толарсың.

Жүргізуші: Құрметті тәрбиешілер және балалар, бүгінгі «Біз спортты сүйеміз» атты сайысқа қош келдіңіздер! Бұл сайысқа «Жұлдыздар» тобының бүлдіршіндері қатысады.
Сайысқа қатысушы командаларды ортаға шақырайық.

Көңілді сайысымыз 2 командадан тұрады.
1 - ші команда «Ақбота» тобы
2 - ші команда «Толағай» тобы

Ал, құрметті халайық!
Жарысты енді көріңдер.
Әділ қазы алқасы,
Әділ баға беріңдер!

Сайысты бастамас бұрын, сайысымызға әділ баға беретін әділқазылар алқасымен таныстырайық.
1. Балабақшамыздың меңгерушісі: Роза Муханқызы
2. Балабақшамыздың әдіскер: Бағила Житекқызы

3. Балабақшамыздың медбикесі: Замира Сәрсенқызы

Сайысымыз 5 кезеңнен тұрады:
І - кезең: Таныстыру
Шарты: әр команда өз ұрандарымен таныстырады.
«Ақбота» тобы – «Шынықсаң – шымыр боларсың»
«Толағай» тобы – «Дені саудың, жаны сау»

ІІ – кезең: «Көңілді секіртпелер»
Шарты: топ мүшелері секіртпемен белгілі межеге дейін жетіп, жалаушаны алып кері жүгіріп келіп, эстафетаны келесі ойыншыға береді.
ІІІ - кезең: «Кім жылдам?»
Шарты: допты екі аяқ ортасына ұстап, кедергілер арасынан жылан тәрізді айналып өтіп, эстафетаны келесі ойыншыға береді.
Әсерлі сәт: Залға Сайқымазақ келеді, балалармен амандасады. Балаларды музыкалық – ырғақты би билеуге шақырады.
ІV - кезең: «Кім епті?»
Шарты: кішкентай доптарды себетке салу

V - кезең: «Арқан тартыс» ұлттық ойыны
Шарты: екі топ арқан тартысады.
Жүргізуші:

Көрсетті міне өз өнерін балалар,
Сайыстың да соңы жетіп таянар
Дені сау, мықты, епті, ақылды
Спорт сүйгіш боп өсіңдер, балалар!
Мінеки балалар, бүгінгі сайысымыздың соңына да келдік.
- Сендерге ойындар ұнады ма?
- Алдағы уақытта спортпен шұғылданып, ертеңгісін жаттығулар жасап жүресіңдер ме?
Жарайсыңдар, балалар! Ендеше бүгінгі сайысқа қатысушы бүлдіршіндерімізді марапаттайық.
Барлық қатысушыға мадақтау қағазын тапсыру.

«Тексерілді»

«Ерке-Наз» балабақшасы

МКҚК әдіскері

_______Б.Ж.Муханова

« __» _________2019ж

Ашық ұйымдастырылған оқу қызметі

Тақырыбы: «Бағдаршам біздің досымыз»

Өткізген: Танатова.А

2019 оқу жылы