Әдебиеттік оқу «Өнер» ортақ тақырыбы бойынша жиынтық бағалау БЖБ №5

Сыныбы 3 «» Күні 12.02.2025

Оқушының аты-жөні __________________________________________________

Орындау уақыты 20 минут 1- нұсқа

1-тапсырма Мәтінді мұқият тыңда. Тапсырмаларды орында

Қоңырау соғылды. Шымылдық ашылды. Сахнаға әнші Әміре шықты. Басында оюлы тақия, үстінде жеңіл шапан, қолында домбыра. Өзге шығушылардан оның киімі де, түрі де, жүріс-тұрысы да өзгеше еді. Ол әуелі халыққа ізет көрсетіп, басын иді. Шеті түпсіз көрінген кең залға қарады. Домбырасын күйлеп алды да, «Қанапия» әнін айтты.

Зал тым-тырыс болды. Әміре кісіге емес, әнге айналды. Ән салса ол өзін-өзі ұмытады, әннің әуеніне беріледі. Оның ерекше күшті, ашық даусы Еуропа тыңдаушыларын қатты таңдандырды. Әннің аяғын созып барып, домбыраны желпіндіре бітіргенде, тілдің керектігі болмады. Ән аяқталғанда, сүйсініп отырғандар қайран қалысты. Ән тым тез біткендей.

Ұйып тыңдаған халық әнші орнынан тұрып, бас игенде ғана ду қол шапалақтады. Залдан «бис…бис…» деген дауыстар жамырай естіліп жатты.

• Мәтіннің мазмұны бойынша ашық сұрақ құрастыр және жауап бер.

Сұрақ ...................................................................................................................

Жауап ...................................................................................................................

• Сұрақтардың көмегімен мәтінге жоспар құр. Кестеге жаз.

2-тапсырма

Көркем сөздерді қолданып, жоспар бойынша мәтіннің мазмұнын айт.

Әдебиеттік оқу «Өнер» ортақ тақырыбы бойынша жиынтық бағалау БЖБ №5

Сыныбы 3 «» Күні 12.02.2025

Оқушының аты-жөні __________________________________________________

Орындау уақыты 20 минутv 2- нұсқа

1-тапсырма Мәтінді мұқият тыңда. Тапсырмаларды орында

Әке-шешеден ерте айырылған Әбілхан тіршіліктің ауыртпалығын тартты. Қой соңында күндер өтті. Жұрттың баласы хат танығанда, мұның қолынан келетіні — тас бетіне, құмға сурет салу, тас пен ағаштан мүсін жасау. Ол машықтанып жүрген ісіне қарап ұстадан қолдау естіді. Білсем, үйренсем деген құштарлық арта түсті.

Ақыры ол аты шыққан шежіре қарт Сағымбекке барды. Шежіренің ақылымен Жаркентке келді. Бір сыныптық білімі жоқ суретшінің өмір жолы осылай басталды. Ата-баба айналысып көрмеген өнерге жол табу оңай болған жоқ. 1929 жылы атақты суретші Николай Хлудов өнерге талпынған бірінші қазақ жігітін қуана қарсы алды. Бос уақытында көркемсурет өнерінің әліппелік заңдарын үйретті.

Сол бала Әбілханның қазақтың сурет өнерінің ең басында тұрып, атақты суретші Әбілхан Қастеев атанарын ешкім білмеді. Құмға сурет салудан басталған балалық талап үлкен өнерге осылайша жол салды.

• Мәтіннің мазмұны бойынша ашық сұрақ құрастыр және жауап бер.

Сұрақ ...................................................................................................................

Жауап ...................................................................................................................

Сұрақтардың көмегімен мәтінге жоспар құр. Кестеге жаз.

2-тапсырма

Көркем сөздерді қолданып, жоспар бойынша мәтіннің мазмұнын айт.

3.1.2.1* шығарманың мазмұнын бірлесе құрастырған жоспар бойынша немесе өз сөзімен толық, таңдауына қарай мазмұндау,

3.1.5.1 өз ойы мен сезімін көркем-бейнелі сөздерді қолдана отырып жеткізу

3,2.2.1 қолдануға (практикалық), бағалауға негізделген сұрақтар қою және жауап беру