Болашақ бүгінен басталады

Болашақ бүгіннен басталады

«Егер шеберліктің шыңына жете білсеңіздер-мамандықтың бәрі жақсы» - деп жолдауда айтылғандай болашағымыз жарқын болу үшін әр окушы өз мамандығын мектеп қабырғасында жүргенде – ақ бағдарлауы керек. Бүгінгі таңда қоғамның басты талаптарының бірі әр азаматтың өмірде өз орнын тауып, еңбекке адал, саналы қатынасуы болып табылады. Аршаты орта мектебінде оқушыларды мамандыққа баулу кәсіптік бағдар беру мақсатында түрлі кездесу кештері, тақырыптық сауалнамалар, дөңгелек үстелдер өткізіліп отырады. Осындай шаралардың бірі студенттермен кездесу кеші. Өз басым кездесу кешінен алар көп деп ойлаймын. Кездесуде студенттерге оқушылар өз көкейлерінде жүрген сауалдарын қойып , әр түрлі мамандықтың маңызы мен мәні туралы түсінік алады. Мамандықтың ерекшелігі,оның қоғамда алатын орны туралы түсініктер беріледі. Мен бала кезімнен қаланың қарбалас өмірінен гөрі, таза ауада жылқымен бәйге шауып, көкпар ойнайтын ауылдың өмірін ұнатамын.

Кәсіп - адамның қабілеттілігі мен бейімділігіне қарай бір іспен айналысуы. Үш жасымнан бастап құлын мініп, әкемнің қасында ат баптап жүріп, мені осы сала қызықтыратынын, атқа мінсем кеудемді қуаныш сезімі кернейтінін түсінгендей болдым. Мен өскенде туған жерге тумды тіксем деймін. Жылқы асырап, қазақтың көне кәсібін жандандырсам деп армандаймын. Атқа міну мәдениеті бізде дамығандығын, осы саланы дамыту керектігін Елбасымыз өзінің «Ұлы даланың жеті қыры» атты мақаласында да атап көрсетті. Меніңше кез келген салада жетістікке жету үшін өз ісіңді сүйіспеншілікпен адал атқарып, ерінбей еңбек ету. Аршаты орта мектебінің ұстаздар қауымы әрбір оқушының жеке қабілеттері мен ерекшеліктерін, мүмкіндіктерін, шеберлігін, қызығушылығын ескеріп бағыт-бағдар беруден жалыққан емес. Қазіргі таңда мемлекетіміздің жасап жатқан жақсылықтары –жастардың болашағы үшін екенін түсінуіміз керек. Ендеше келешектің иесі бүгінгі ұрпақ тек білім алып қана қоймай, келешектің көкжиегіне қол жеткізетін мамандықтарды таңдай білуіміз керек.

«Аршаты орта мектебі»

9-сынып оқушысы

Нығметолдинов Бекнұр Әділжанұлы