Болашаққа бағдар: рухани жаңғыру»

«Адамға ең бірінші білім емес,тәрбие берілуі керек.Тәрбиесіз берілген білім – адамның қас жауы,»-деп өз заманының заңғар ойлы данышпаны Әл – фараби тегін айтқан ба?!

Болашаққа бағдар: рухани жаңғыру»-тәрбиенің тал бесігі балабақшадан бастау алады. Елбасымыздың «Болашаққа бағдар: рухани жаңғыру» атты бағдарламасы бүгінгі күні елімізде болашаққа жарқын басудың бір белесіне айналып отыр. Жаңғыру – мемлекет пен қоғамды ішінен жаңартудың яғни,жаңа бағдарлама аясында инновацияны игеру арқылы бүлдіршіндердің санасын мен тәрбиесін өзгерту , жаңа сапа берудің әлемде баламасы жоқ, ерекше бағдарлама. Бұл бағдарлама Ұлттық сипатта, бірақ, жеке тұлғалық деңгейде іске асады. Осыған орай «Рухани жаңғыру»біздің бала бақшада да маңызды орын алып,жұмыстар жүргізілуде. Ұрпақты тәрбиелеу, азаматты өсіру, білім беру педагогтардың бірден бір қызметі болғандықтан, бұл ретте, мектеп ұстаздарымен қатар балабақша тәрбиешілеріне де артылар жүк қомақты. Соның ішінде, балабақшада бүлдіршіндеріне ұлттық тәрбиені игертудің жауапкершілігін түсініп, олардың дүниетанымы мен зердесін кеңейтуге көңіл бөлінеді. Қазіргі замандағы рухани тәрбие негіздері әрине балабақшада қаланады, яғни балалар балабақша табалдырығында меірімділік,қайырымдылық,ізгілікті үйреніп, танысады.

Елбасымыздың мақаласында атап көрсетілгендей, қазіргі жастар өздеріне үлгі тұтар тұлғалардан өнеге ала білуі керек. Осыған орай бұл туралы балабашада ұлы тұлғалармен (Абай Құнанбаев,Ахмет Байтұрсынов т б) таныстырумен қатар ,«Рухани жаңғыру» аясында мемлекеттік мерекелерге арналған ертеңгіліктер, Қазақстан халықтары Тілдер күніне арналған «Тілім менің тірегім», Қазақстан Республикасы күніне байланысты «Жаса,жайна Қазақстан», Тәуелсіздік мерекесіне «Менің елімді сүйемін», Наурыз мерекесіне арналған «Қош келдің, Наурыз!» іс -шараларды көрсетуге болады. Мектепке дейінгі балалар бұл мерекерлерде тақпақтар оқып, ән айтады және ұлттық салт- дәстүрлермен танысады.Ұлттық ойындар ойналады,соның ішінде асық ойындары балаларға қатты ұнайды.Мысалы: «Ханталапай», «Асық ату»,асық ойындары баүлдіршіндеріміздің қол моторикаларының дамуына жақсы ықпал етіп қана қоймайды ұлттық ойынның маңыздылығын ұқтырады. Бұл жерде біздің балабақша балаларда толеранттылықты тәрбиелеу ісі алдыға қойылғанын байқауға болады. Толерантылық тәрбие ұғымының астарында білім алушылардың өз Отанына деген сүйіспеншілігін біртіндеп қалыптастыру, оны қорғауға әрдайым дайын болу ұғымы.

«Рухани жаңғыру»-бұл болашаққа бағдар,яғни өскелең ұрпақтың саналы тәрбие алып ,Отанымыздың бір кірпіші болып қалануына бала бақша табалдырығында ат салысу мектепке дейінгі мекеме педагогтарының алға қойған мақсаты.Осы мақсатты іске асыру үшін тәрбиеленуші бүлдіршіндердің ақыл-ойы мен сана-сезімін дамытып ,жетілдірудеміз.

Мен сөзімді:

Қазақ елі құрметке мәңгі лайық,
Тез өркендеп әлемді таң қылайық.
Рухани жаңғыруды шын түсініп,
Бәрімізде дәл бүгін жаңғырайық -деген өлең шумақтарымен қортындылаймын.

Исмаилова Алма Ораковна

КМҚК «Балапан»бөбекжайы