«Болашаққа бағдар – Рухани Жаңғыру» Саналы азамат «Дені саудың – жаны сау»

Қостанай қаласы әкімдігінің Қостанай қаласы әкімдігінің білім бөлімінің №13 бөбекжай-бақшасының тәрбиешісі Омарова Қымбат Спабекқызы

«Дені саудың – жаны сау»

Дені сау баланың ақыл - ойы айқын, өз - өзіне сенімді, жан - жағына қуанышпен шаттана қарайтындай болуы шарт. Бала денсаулығының мықты болып, қозғалыс, дене құрылысының дұрыс жетілуі мектепке дейінгі кезеңде қалыптасады. Балалардың денсаулығын нығайтуда, спортқа әуестендіріп, күн тәртібі ережелерін сақтай білуге, жаңа инновациялық жолдар арқылы шынықтыру, салауаттылыққа  тәрбиелеу тәрбиешілердің негізгі мақсаты. Сондықтан , бала ағзасының қызметін жетілдіру, қабілетін арттыру тәрбиешілердің ең басты міндеті болып табылады. Балабақшаға таңертең бала келген уақыттан бастап - ақ күн тәртібі бойынша сауықтыру шаралары, таңғы жаттығу, қимылдық ойындар, сергіту сәттері, серуен кезіндегі спорттық ойындар мен жаттығулар, спорттық мерекелер, ойын – сауықтар өткізіп тұрамыз. 

Жан - жақты  жетілген және денсаулығы жақсы баланы өсіріп тәрбиелеу әрбір ата-ана мен балабақшаның міндеті. Шыныққан бала аз ауырады, тәбеті мен ұйқысы жақсы, бітімі үйлесімді, әрі сымбатты  келеді және ауа - райының  кез келген жағдайында жеткілікті дәрежеде  серуендей алады.

Жаз уақытында жаңа инновациялық техналогиялар бойынша балаларды күнделікті шынықтыру шараларын пайдаланамыз.

-Балаларға жалаң аяқ суға салынған алаша бойымен жүріп өту.

-Жалаңаяқ жүру

- Қиыршық тастар үстімен жүріп өту.

-Денені ылғалды сүлгімен  ысқылап сүрту.

Балабақшада емдік – сауықтыру жұмыстары   әртүрлі шаралар арқылы өткізіледі:

 -фитотерапия

-кислород коктелдер

-нүкте массажы

-табиғи факторлармен шынықтыру.

Жылдың барлық мезгілдерінде балалардың денсаулығына рационалды тамақтануына ерекше көңіл бөлінуде. Балабақшада баланың денсаулығын нығайтуға барлық жағдай жасалынған.

Баланың дене, танымдық дамуына жағдай жасау, балаларды өзіне - өзі қызмет етуге, жақындарына көмектесуге үйрету, баланың бейімі, қызығушылығын дамытуға, тілдік – қатынастық дамуына жан – жақты жағдай жасауға ата - анада міндетті. Сөз соңында Елбасымыз Н.Назарбаевтың «Қазіргі заман талабына сай, жан – жақты жетілген, бойында ұлттық сана мен ұлттық психология қалыптасқан, парасаты бар ұрпақ тәрбиелеу, өсіру, білім беру бүгінгі таңда отбасының балабақшасының, барша елдің, халықтың міндеті» екенін еске саламын.