Аннотация

Ғылыми жұмыстың өзектілігі: Қожаның тәжірибелері мен сезімдері арқылы балаларды тәрбиелеудегі тиімді әдістер мен стратегияларды анықтауға болады. Бұл жұмыстың нәтижелері педагогикалық практиканы жетілдіруге ықпал етеді. Повесте бейнеленген әлеуметтік және мәдени мәселелер қазіргі қоғамдағы балалардың психологиялық күйімен байланысты. Зерттеу нәтижелері осы аспектілердің маңыздылығын көрсетеді. Бүгінгі қоғамдағы балалар мен жасөспірімдер алдында тұрған қиындықтарды, олардың эмоционалдық және психологиялық денсаулығын зерттеу жұмыстың ғылыми өзектілігін арттырады.

Зерттеудің мақсаты: Қожаның психологияқ өзгеруін қарастырып, соның негізінде қазіргі қоғамдағы балалардың психологиясына әсер ететін факторларды анықтау.

Гипотеза: Повестегі оқиғалар барысында Қожаның өзін-өзі тану процесі, өмірлік тәжірибелері мен қиындықтары оны психологиялық есеюіне ықпал ететіндігін анықтау

Зерттеу кезеңдері:

1-кезең. “Менің атым Қожа ” повесін зерттеу үшін материалдар жинау.

2-кезең. Жиналған материалдардан картотекалық анықтама жасау.

3-кезең. “Менің атым Қожа” повесіндегі кейіпкерлер образына мысал келтіру.

4-кезең. Қожаның психологиялық өзгеруін анықтау

Зерттеудің әдістері: Қожаның әрекетіне психологиялық талдау жасалып,сауалнамалар алынды.

Зерттеу жаңалығы және дербестігі: Қазақ әдебиетіндегі балалар психологиясына қатысты жаңа ой-пікірлер мен тұжырымдар жасау, әсіресе, Қожаның өмірінде кездесетін әлеуметтік қиындықтарды талдау. Повестен үзінді келтіре отырып, Қожаның темпераментін анықтадым.

Жұмыс қорытындысы: Зерттеу нәтижесінде бірнеше нақты мысалдар келтіріліп, тұжырым жасалады. 5-6 сынып оқушыларынан сауалнама алынып, қазіргі оқушылардың психологиялық өзгеруін Қожаның психологиялық жағдайымен салыстыра талдау.