Бүгінгі Атымтайлар мен Ыбырай Алтынсариннің « Атымтай Жомарт» әңгімесіндегі кешегі Атымтайдың ұқсастықтарын дәлелдеу

Бүгінгі Атымтайлар мен Ыбырай Алтынсариннің « Атымтай Жомарт» әңгімесіндегі кешегі Атымтайдың ұқсастықтарын дәлелдеу

Атымтай жомарт салған жол,

Бақыт пен дәулет қонған жол. (Қашаған жырау)

Қазақ  тумысынан жаны жайсаң, кеңпейіл, жомарт халық.  Бойында мұндай қасиеттері бар жанды  Алла Тағала да жақсы көреді. Жомарттық жасау үшін адамның күш-қуаты, байлығы, ақылы болуы керек. Білеміз, байлық пен барлық та аспаннан өз бетінше жаумайды. Көл-көсір табыс тамшылаған маңдай термен, тынымсыз еңбекпен келеді.Ал, Ыбырай Алтынсариннің«Атымтай жомарт» әңгімесінде жазушы халық арасындағы Атымтай жомарт туралы аңыздарға жаңаша мазмұн беріп, өзінше қорытады. Атымтайды ол еңбек адамының үлгісі етіп көрсетеді. Еш нәрсеге мұқтаждығы жоқ болса да, Атымтай ылғи жұмыс істейді. «Күн сайын өз бейнетіммен, тапқан пұлға нан сатып алып жесем, бойыма сол нәр болып тарайды. Еңбекпен табылған дәмнің тәттілігі өзгеше болады», – дейді ол. Осы арқылы Ыбырай еңбектің мәні мен маңызын ардақтап көрсетеді.

Біз әрбiрiмiз қоғамның бір мүшесiмiз, Қазақстан азаматымыз деген адамда қоғамнан не аламын деп емес, қоғамға не бере аламын деген ұстаным болу керек. Сол кезде ғана елiмiз бұдан да жоғары деңгейде болар едi.Ұлттың ұлт болып, мемлекеттің мемлекет болып қалыптасуына жекелеген адамдар тарапынан жасалатын игі істер де көп. Қандай жолмен болса да, мұқтаж жандарға көмек беріп, қиындықтан құтылуға жәрдемдесіп жатса, бұл да болса сауапты істердің бірі емес пе?Елімізде көптеген жомарт жандар ,мұқтаж жандарға көптеп көмек беруде.Мысалыға атап айтсақ, Елбасымыз Нұрсұлтан Әбішұлы Назарбаев нағыз «Атымтай жомарт» жанға лайықты адам .Олай дейтінім, Мемлекеттің қанша күрделі жұмыстарын атқарып жүрсе де жетім-жесір,мүмкіндігі шектеулі жандарға үнемі қолдау көрсетіп келеді.Олардың әлеуметтік жағдайын көтеру үшін жәрдемақыларын көтеріп, баспанамен қамтамасыз етіп келеді. Ол кісі еңбек жолын қарапайым жұмысшы болып бастаған.Сондықтан, қарапайым жұмысшыны да бөліп-жармай тең санайды. Мемлекет қаржысын оңды-солды ысырап етпей ,қолдағы барды қадірлеп , тоғышарлыққа,мансапқорлыққа жол бермей,адал еңбек етуге шақырады .Қазақстанның әрбір азаматтарының тұрмыстары түзу болу үшін үнемі тынымсыз еңбек пен ізденіс үстінде. Елбасымыздың әрбір ісіне сүйсіне қараймыз.

Жалпы қорыта келе,бүгінгінің Атымтайы мен кешегінің Атымтайының мәні өзгермеген.Жомарттық жылдар бойы жалғасып келеді.Дәулетті жандар жұпынылау күй кешіп жүргендерге қол ұшын созып, жәрдем етіп жатады. Ондай жандарға Алланың нұры жаусын дейміз.Қашаған жырау айтып кеткендей, «Атымтай Жомарт» салып кеткен жолмен жүріп,бақыт пен дәулет қонған елге айналуымыз керек!