Ұйымдастырылған іс-әрекеттің тақырыбы: : «Бұлақ көрсең көзін аш»

Тобы:№6 «Тұлпар» мектепалды қазақ тобы

Міндеті: Әлеуметтік-эмоционалды дағдыларды қалыптастыру.

Жабайы аңдар мекені,қоректенуі және олардың жабайы деп аталуы,бір-бірімен байланысы туралы түсінік беру.Жабайы аңдарды бір-бірінен ажырата білу және олардың аттарын дұрыс айту .Балалардың ойлау қабілеттерін дағдыландыру,байланыстыра сөйлеуін дамыту.Ұжымдасу сезімдерін дамыту. Зейін,қабылдау, ойлау,естіп -есте сақтау және қиялдарын дамыту.Балалардың аңдарға деген сүйіспеншілік сезімдерін арттырып оларға қамқорлықпен қарауға, жабайы аңдар туралы түсініктерін молайту, табиғатты аялай білуге үйрету.

Әдіс-тәсілдері: әңгімелеу,көрсету,түсіндіру,сұрақ-жауап,жұмбақтар жасыру, ой қозғау,ойын.

Алдын-ала жүргізілетін жұмыс: Жұмбақтар жасыру,аңдар туралы әңгімелеу. Мақал-мәтелдер.

Ресурс: Суреттер, альбом, қатты қағаздан қиылған аңдардың суреттері және қиылған қазақ ою суреттері . тау макеті,өзен,ағаштар,барыс суреті.

Сабақтың жүру барысы:

Ұйымдастыру: Салеметсіздер ме,балалар! Бүгін бізге қонақтар келіп отыр екен ,қане амандасайық. Бүгінгі біздің көңіл-күйіміз қандай?

Бүгінгі іс-әрекетімізде тек қана жұмыс жасап қана емес , бір-бірімізге келген қонақтарға жылулық сыйлайық.

Тәрбиеші:Қазір жылдың қай мезгілі?(балалар жауабы)

Қыс мезгілінде неше ай бар?(балалар жауабы)

Қазір қандай ай? (балалар жауабы)

Бір аптада неше күн бар? (балалар жауабы)

Бүгін аптаның нешінші күні? (балалар жауабы)

Жарайсыңдар.

Мен сендерге жұмбақ жасырамын,сендер шешуін табыңдар

Жұмбақ

Қарда сырғанап тау аралап жүреді

Тасқа жатса тоңбайды

Қыстың жайын біледі

Мысыққа Ұқсайды

(бал-р жауабы ): (Барыс)

Тәрбиеші:Жұмбақтың шешуін дұрыс таптыңдар.

Барыс Қазақстанда Тянь-шянь Жоңғар Алатауы тауларында Тарбағатай мен Оңтүстік Алтай өңірінде тіршілік етеді. Барыс-жыртқыш аң. Жабайы жануар.Барыстың түсі көк сұр, үстінде қара дақтары бар , жүні ұзын әрі қалың.Олар сирек кездеседі, жасырын жүреді. Барыс мысыққа ұқсайды.Барыстың құйрығы ұзын. Барыс биік тауларда мекендейді.

Есік қағылады.Барыс кіреді.Барыспен сәлемдесу.

Бізге қонаққа барыс келіп қалыапты.

Тәрбиеші:Барыс мұнда қайдан жүрсің?

1-бала:

Барыс:Мен балалардан көмек сұрай келдім.Ормандағы өзенді тастармен бітеліп қалыпты.Содан аңдар су іше алмай, ағаштар, шөптер қурай бастады.Сол өзеннің көзін ашса, су ағады екен.

Тәрбиеші:Балалар барысқа көмек береміз бе?

(Балалар жауабы)

Ендеше барыс отырып дем алсын. Біз бұлақтың көзін ашайық. Мына тастар шынымен де ауыр екен. Мұнда не жазылған соны оқиық.

Қоржындағы тапсырманы оқу.

Тәрбиеші: Балалар біздерге тапсырма берілген соны орындауымыз керек екен .Тапсырманы орындасақ бұлақтың көзі ашылады екен.

Тәрбиеші: Тапсырманы орындауға дайынбызба, көмек беремізбе?

Балалардың жауабы:

Тәрбиеші: Екі топқа бөлінеміз

1-топ « БАРЫС» 2-топ «ТАС» сурет арқылы екі топқа бөлінеді.

1-тапсырма:

1. Жабайы жануарларды ата (аю,қоян,қасқыр,тиін)

Тәрбиеші: Орманды мекендеп өз бетімен тіршілік ететін аңдарды жабайы аңдар деп атаймыз. Жабайы аңдар азықтарын орманнан тауып жейді.Қыста қардың көп түсуіне байланысты аңдардың азық табуы қиынға соғады. Жабайы аңдарды тағы қайдан көруге болады?

-Иә, әрине аңдарды тағы теледидардан, хайунаттар бағынан көруге болады.

-Жарайсыңдар,балалар!

Тәрбиеші:-Балалар ормандағы аңдар қысқа қалай дайындалады?

1.1-бала:Аю-жыртқыш аң. Аю орманда мекендейді.Аюдың екі түрі болады ақ және сұр.Аюлар күзде май жинайды, ал қыс бойы апанда алақанын сорып ұйықтайды.Аю бал жақсы көреді.Аю жазда жеміс- жидектермен қоректенеді.

2-бала: Қоян-қорқақ аң,орманда мекендейді.

-Ал қоян үстіндегі сұр тонын аппақ тонға ауыстырады. Сөйтіп өзінің жауларынан қорғанады. Қыста жас ағаштардың сабағын жейді.Қояндар-қысқа азық жинамайды.Қоян-ағаштың қуысында қыстайды.

Қоян нені жақсы көреді? (Слайд)

3-бала:Тиін -орманда тіршілік ететін кішкентай ғана жануар.Ол ағаш қуысында тұрады, жаз бойы қуысына жаңғақтар, саңырауқұлақтар жинайды.Қыс болғанда жинаған азығымен қоретенеді.

4-бала:Қасқыр-жыртқыш аң.Тістері өткір,көздері қырағы жақсы көреді,сезімтал.Қыста жорытып жүріп азықтарын тауып жейді. Олар қыста ұйықтамайды. Орманда қасқыр үнгірде мекендейді.

Тапсырманы орындадық тастың біреуін алайық.

1-ші тасты алу

Тәрбиеші:Табиғат дегеніміз –бізді қоршаған орта:жан-жануарлар мен өсімдіктер.Жер мен ай.күн,аспандағы жұлдыздар осылардың барлығы да табиғат деген ұғымды білдіреді.

2- тапсырма: Табиғат нешеге бөлінеді?

Балалар жауабы: Табиғат екіге бөлінеді.Тірі және өлі.Тірі табиғатқа : ағаш ,шөп,гүл,адамдар ,аңдар,құстар жатады,олар өседі,демалады,көбейеді.Өлі табиғатқа: су,тас,құм, күн ,ауа жатады.

2-ші тасты алу

3-тапсырма.1-10 ға дейін тура және кері санау. Сандарды көрсету.

1.Дидактикалық ойын: «Қандай сан жоқ?» ойыны

2. Дидактикалық ойын: «Көршісін тап» ойыны.

Қане , балалар сандардың көршісін табайық (берілген суреттер бойынша сандардың көршісін табады)

Тапсырманы орындадық екінші тасты алайық.

4-тапсырма: Дидактикалық ойын «Аңдардың ізін тап»

Сызба арқылы сызу.

Дидактикалық ойын «Кімнің,ненің іздері»

Фонармен зерттеу

Тапсырманы орындадық үшінші тасты алайық.

4-ші тасты алу

Сергіту сәті: Би

5-тапсырма: Сөзді буынға бөліп, дыбыстық талдау жаса.

(БА-РЫС ТАС)

5-ші тасты алу

6-тапсырма: 1-ТОП «Қошқар мүйіз»-ою таспен безендіру

2-ТОП Қазақ оюды құрастыру.

6-ші тасты алу

Әрбір тапсырманы орындаған сайын ,тастар ашылады.

Тәрбиеші:Бұлақтың көзін аштық.Сусыз өмір жоқ.Су жаңбыр болып жауады.Бұлақ болып ағады. Жер-Ана бізді бұлағымен емізеді.Табиғат қандай тамаша!Барыс міне өзеннен су да ақты. Енді шөлдемейтін боласыңдар.

Барыс: Балалар, барлықтарыңа рахмет.Сондай өнерлі,білімді балалар екенсіздер. Менің көңілім көтеріліп қалды.

Рефлекция: «Бұлақ көрсең көзін аш» деген сөзді қалай түсіндік? Бүгінгі алған ақпарат туралы өз ойларыңмен бөлісіңдер. (Балалар жауабы)

Сау болыңдар.

Бексултан: Барыс-жыртқыш аң,жабайы жануар.Барыстың түсі көк сұр болады.Үстінде қара дақтары бар.Барыстың жүні ұзын, әрі қалың.

Барыс биік тауларда мекендейді.Олар сирек кездеседі,жасырынып жүреді.Барыс мысыққа ұқсайды.Барыстың құйрығы ұзын.

1. тапсырма Жабайы жануарларды ата (аю,қоян,қасқыр,тиін)

2тапсырма: Табиғат нешеге бөлінеді?

3- тапсырма: 1-10 ға дейін тура және кері санау.

1.Дидактикалық ойын: «Қандай сан жоқ?» ойыны

2. Дидактикалық ойын: «Көршісін тап» ойыны.

4-тапсырма: 1.Дидактикалық ойын «Аңдардың ізін тап»

Сызба арқылы сызу. 2.Дидактикалық ойын «Кімнің,ненің іздері»

(Фонармен зерттеу)

Тапсырманы орындадық үшінші тасты алайық.

5-тапсырма: Сөзді буынға бөл, дыбыстық талдау жаса.

ТАС, БҰ-ЛАҚ

6-тапсырма: 1-ТОП «Қошқар мүйіз»-ою таспен безендіру

2-ТОП Қазақ оюды безендіру.(Құрастыру)

«Атырау облысы білім беру басқарамасының Атырау қаласы білім бөлімінің №16»Дюймовочка» бөбекжай- бақшасы» коммуналдық мемлекеттік қазыналық кәсіпорны.

Педагогикалық шеберлік апталығына араналған

Ашық ұйымдастырылған іс-әрекет

«Бұлақ көрсең көзін аш»

»

Дайындап өткізген:

№6 «Тұлпар» Мектепалды тобының

педагог-модератор санатты

тәрбиешісі: М.С.Жумабаева

2025 ж