«Бүлдіршін ару - 2022» сайысы.

1 – жүргізуші:

Армысыздар, абзал аналар, ақ жаулықты әжелер, көктем гүліндей жайнаған апайлар, аяулы қыздар. Сіздерді көгілдір көктемнің шуақты күнімен мерекелік көңіл – күй тілей отырып «Бүлдіршін ару - 2022» сайысын тамашалауға шақырамыз.

2-жүргізуші:

Той пердесін ашайық,

Жырдан шашу шашайық.

Аналарды құрметтеп,

Ән маржанын шашайық – деп ән жолдаймыз.

Ән:

1-жүргізуші:

Тіл байланып қалатындай көргенде

Сұлулықты соған ғана берген бе?

Кімде болса бас иеді мойындап

Қарсы алдына қазақ қызы келгенде, - дей келе бүгінгі сайысқа қатысушыларға сәттілік тілей отырып, қошеметтеп ортамызға шақырайық:

№ 1. Мақсұтхан Айжұлдыз

№ 2. Дәуітбек Айзат

№ 3. Жазылбекқызы Аяла

№ 4. Архатқызы Инабат

№ 5. Жақсылыққызы Айару

№ 6. Байжан Аяла

№7. Тілекқызы Әлия

№8. Берікқызы Айзере

№9. Серік Фируза

№10. Мәкен Алтын

2-жүргізуші:

Әділдікпен баға берер аруға

Әділдікпен қара қылды жаруға

Алқасын қазыларды біз сайлайық

Ақ аруды талдап бүгін алуға – деп бүгінгі сайысымыздың қазылар алқасымен таныстырайық:

Бастауыш сыны пән бірлестігінің жетекшісі: Итбаева Ардақ Жанарбекқызы

Директордың тәрбие жөніндегі орынбасары: Сейтказина Айнұр Ахметқызы.

Технология пәнінің мұғалімі: Төлеуханова Айымгүл Болатбекқызы.

Бүгінгі сайысқа бүлдіршіндеріміз мына бөлім шарттары бойынша сынға түседі:

І – бөлім. «Сәлемдесу». Бұл бөлімде бүлдіршіндер өзін – өзі таныстырады.

ІІ – бөлім. «Өз өнері». Бұл бөлімде бүлдіршіндер өнерлерін ортаға салады.

(ән айту, би билеу).

ІІІ – бөлім. «Сән үлгісі». Бұл бөлімде бүлдіршіндер сән үлгісін көрсетеді

ІҮ – бөлім. «Сұрақ - жауап». Билет алу арқылы сұрақтарға жауап береді..

1-жүргізуші:

Баурап алар бір-ақ ауыз сәлемі,

Қазақ қызы – әдепті де әдемі.

Қазақ қызы – ақылына көркі сай,

Тұнып тұрған сұлулықтың әлемі – дей отырып сайысымыздың бірінші бөлімі «Сәлемдесу» бойынша бүлдіршіндердің өзін – өзі таныстыруына рұқсат етейік. Қарсы алыңыздар!

Ән:

2-жүргізуші:

Өнері өрге жүзер талаптының,

Талантты талмай ұшар қанаттының.

Әлди әуен әлемі өнер аты,

Шарпып өтсін лебімен қанатының – деп бүлдіршіндердің өнерін тамашалауға шақырамыз. (бүлдіршіндер өнерін ортаға салады. Қазылар алқасы әділ бағасын береді.)

1 - жүргізуші:

ІІІ – бөлім. «Сән үлгісін» көрсету үшін бүлдіршіндерді ортаға шақырамыз.

2-жүргізуші:

ІҮ – бөлім. «Сұрақ - жауап». Бұл бөлімде бүлдіршіндер билет алу арқылы сұрақтарға жауап береді. Қазылар алқасы бағалайды.

Ән:

Би:

Жүргізуші:

Ұлтымыздың әр сөзі,

Асып жатыр кәдеге.

Қыздар сыны мінекей,

Келіп жетті мәреге.

Ән:

Би:

Марапаттау.

Жүргізуші.

Құрметті көрермендер! Бүгінгі «Бүлдіршін ару - 2022» сайысы өз мәресіне жетті. Әрқашан құшақтарыңыз гүлге, көңілдеріңіз шаттыққа толы болсын, - дей отырып бүгінгі кешімізді аяқтаймыз.

Абай облысы Ақсуат Ауданы

«Тоғас батыр атындағы орта мектебі» КММ.

Маселова Маржан Еркингазиновна.

Бастауыш сынып мұғалімі.