Білім беру ұйымының атауы

«Қазақстан орта мектебі» КММ

Бөлім:

Ақпан – жасампаздық және жаңашылдық

Педагогтің тегі, аты, әкесінің аты (болған жағдайда)

Иманшалова Г.С.

Күні:

10.02.2025

Сынып:6 «А»

Қатысушылар саны:

Қатыспағандар саны:

Сынып сағатының тақырыбы

«Буллингке жол жоқ!»

Қауіпсіздік сабағы (10 минут) № 21-САБАҚ

6 –сыныптар: «Жедел қызмет нөмірлері»

Құндылықтарды дарыту

2-апта дәйексөзі: Шығармашыл бала – ойлы бала

Мақсаты

• Оқушыларға буллинг (әлімжеттік) ұғымын түсіндіру;

• Буллингтің түрлері мен салдарын талқылау;

• Бір-біріне құрметпен қарауға, мейірімді болуға тәрбиелеу.

Сабақтың кезеңі/ уақыт

Педагогтың әрекеті

Оқушының әрекеті

Бағалау

Ресурстар

Сабақтың басы

(5 минут)

Сәлемдесу:

Армысыздар, қымбатты оқушылар! Сіздерді көргеніме қуаныштымын!

Барлықтарыңыздың жүздеріңізден күлімсіреу көрініп тұр! Керемет!

«Буллинг» дегенді қалай түсінесіңдер?» деген сұрақ қою.

Оқушылар жұдырық түйістіру арқылы бір біріне достық ықыластарын білдіреді.

Мотивациялық сөздер

Көңілді әуен

Сабақтың ортасы

(25 минут)

1. Буллинг дегеніміз не? (5 минут)

Мұғалімнің сөзі:

«Буллинг – бұл біреуді әдейі ренжіту, қудалау немесе қорқыту. Буллинг әртүрлі түрде болуы мүмкін: физикалық, ауызша, әлеуметтік және кибербуллинг (интернет арқылы). Бүгін біз буллингтің қандай зиян тигізетінін және одан қалай қорғану керектігін талқылаймыз.»

Буллингтің түрлері туралы қысқаша ақпарат:

1. Физикалық: ұру, итеру, заттарын лақтыру.

2. Ауызша: мазақ ету, қорлау, жаман сөздер айту.

3. Әлеуметтік: басқа адамды топтан шеттету, беделін түсіру.

4. Кибербуллинг: интернет арқылы қорқыту, әдепсіз хабарламалар жіберу.

2. Ситуациялық талқылау (10 минут)

1. Бір оқушы сыныптастарының арасында жиі мазаққа ұшырайды. Ол не істеуі керек?

2. Досың әлеуметтік желіде қысымға ұшыраса, қандай әрекет етесің?

3. "Мейірімді жүрек" ойыны (10 минут)

Оқушылар шеңберге тұрып, бір-біріне жақсы сөздер айтады. Бұл олардың бір-біріне деген қарым-қатынасын нығайтуға көмектеседі.

Қорытынды ой:

Әрқайсымыз жылы сөз айтып, бір-бірімізді қолдай білсек, буллингке жол бермейміз!

Жағдай: «Саған интернетте біреу қорқынышты хабарлама жіберді. Сен қалай әрекет етесің?»

Дұрыс шешімдерді талқылау.

Практикалық бөлім :

Бір оқушы ренжіп тұрғанда, достары оған көмектеседі.

Біреуді мазақтауды тоқтату үшін достары оны қолдайды.

қарым-қатынас орнатып, мейірімді болудың маңыздылығын түсінеді.

Оқушылар сұрақтарға жауап береді.

Оқушылар өз жауаптарын ортаға салады

Бейнематериалдармен жұмыс жүргізеді.

Оқушыларға әртүрлі жағдаяттар беріліп, олар өз ойларын ортаға салады.

Рөлдік ойын

Топқа бөлініп, әртүрлі жағдайларды сахналау.

Оқушылар бірін -бірі бағалайды

Ақ қағаз, фломастерлер

Сабақтың соңы

5 мин

Қорытынды бөлім : Мұғалімнің сөзі:

«Буллинг – бұл үлкен мәселе, бірақ біз оны бірге шеше аламыз. Әрқайсымыз мейірімді болсақ, бір-бірімізге қолдау көрсетсек, буллингті жеңуге болады. Егер сіз немесе сіздің досыңыз осындай жағдайға тап болса, міндетті түрде көмек сұраңыз.»

Сұрақтар: «Сен буллинг жағдайында қалай әрекет етесің?»

«Бүгін не үйрендің?»

Үй тапсырмасы:

Өз айналаңда мейірімділік көрсетудің үш тәсілін ойлап, орында.

Оқушылар ақ қағазға өз ойларын қысқаша жазады

«Бас бармақ» әдісі арқылы бағалау

Сабаққа белсенді қатысқан оқушыларды мақтау. Әр топтың жұмысына баға беру.

Ақ қағаз

Қауіпсіздік сабағы

10 мин

"Қауіпсіздік – басты назарда!"

Сабақтың мақсатын түсіндіру.

Мақсаты:

Оқушыларға төтенше жағдайларда әрекет ету ережелерін үйрету.

Жедел қызмет нөмірлерін есте сақтау және дұрыс пайдалану дағдыларын қалыптастыру.

Қауіпсіздік шараларын сақтауға баулу.

Сабақтың барысы:

«Қауіпсіздік дегеніміз не?» деген сұрақ қою.

а) Жедел қызмет нөмірлері

101 – Өрт сөндіру қызметі

102 – Полиция

103 – Жедел жәрдем

104 – Газ қызметі

112 – Бірыңғай шұғыл қызмет (кез келген төтенше жағдай)

б) Жағдаяттық тапсырмалар

1. Үйде өрт шықты. Қандай әрекет жасайсың?

2. Көшеде бейтаныс адам күмәнді әрекет етсе, не істеу керек?

3. Ауру немесе жарақат алған адамды көрсең, қандай жедел қызметке хабарласасың?

3. Қорытынды

Қауіпсіздік ережелерін қайталау.

Мұғалім: «Қауіпсіздік – әр адамның жауапкершілігі!» деп сабақты қорытындылайды.

Қорытынды ой:

Кез келген жағдайға дайын болу – өзімізді және айналамыздағы адамдарды қорғаудың ең жақсы жолы!

Оқушылардың төтенше жағдайлар туралы білімін тексеру.

Балаларға негізгі шұғыл қызметтердің телефон нөмірлерін таныстыру:

Оқушыларға түрлі төтенше жағдайлар беріледі, олар қалай әрекет ету керектігін айтады.

Оқушыларға жедел қызмет нөмірлерін есте сақтау үшін карточкалар тарату.

Презента-ция

Қауіпсіздік ережелері жазылған парақша-лар.

Сабақтың соңы

Оқушылар біз бүгін сіздермен қоғамдасғы өте өзекті екі тақырыппен таныстық, ой бөлісіп, пікір алмастық. Бүгінгі сынып сағатынан алған білімдеріңіз өмірлік азық болады деп тілеймін .

Барлығы бүгінгі сабақта алған әсерлерімен бөліседі.

Бүгінгі сабаққа белсенді қатысқан оқушыларға алғыс білдіріп, мадақтау.