Сынып тәрбиешісі:

Иманова Гаухар

Күні:

19.09.2024ж

Сынып: 7«Б»

Қатысушылар саны: 25

Қатыспағандар саны:

Сабақтың тақырыбы: Эпиграфтар (тақырып мазмұнын ашатын)

«Буллингтен қорған!»

Сабақтың мақсаты:

 Оқушыларды өз құқығын қорғай білуге, қоғамда зорлықтың құрбаны болмауға, құқықтық білімін шыңдауға тәрбиелеу. Жасөспірімдер арасындағы қорлау, мазақтау, намысқа тию жағдайларын алдын алу.

Құндылықтарды дарыту.

Оқушыларды еңбекқорлыққа тәрбиелей отырып, «адамгершілік», «мейірімділік» құндылықтарын кеңейту.

Үлестірмелі материалдар

Нақыл сөздер, Сұрақ-жауап, әңгімелесу, түсіндіру.

Тақырыптық көрмелер мен ақпараттық стендтер

Презентация

Сабақтың барысы:

Сабақтың кезеңі / уақыт

Мұғалім әрекеті

Оқушы әрекеті

Ресурстар

Сабақтың техникалық құрал-жабдықтары

Ұйымдастыру кезеңі (5мин)

І.Ұйымдастыру кезеңі:

Оқушылармен сәлемдесу, түгендеу.

Психологиялық жағымды ахуал туғызу

Мақсаты:

Оқушылар мұғаліммен сәлемдесіп,түгенделеді. Сондай-ақ барлық оқушылардың қатыстырылуы арқылы сабаққа белсенділігі артады.

Тақырыпқа байланысты слайдтар, басқа пәндермен байланыстыру.

Сабақ басы (10 мин)

Апта дәйексөзі: Ақырын жүріп анық бас, еңбегің кетпес далаға! (Абай)

Bullying сөзі ағылшын тілінен аударғанда "қорқыту", "кемсіту", "мұқату" дегенді білдіреді. Буллинг - агрессия немесе күш көрсету арқылы адамның өзгені қорлауы, үстем екенін көрсетуі. Буллинг жасаушы мұны күшпен де, сөзбен кемсіту арқылы да жасайды әрі бұл әрекетін жиі қайталауы мүмкін.

Қоғамда «буллинг мектеп оқушылары арасында ғана болады» деген түсінік қалыптасқан. Шын мәнінде, кез келген жастағы адам үйде, көшеде, жұмыста оқу орнында, қысқасы, барлық жерде буллингпен ұшырасуы мүмкін.

Буллинг деп көп жағдайда бір адамның бір адамды қорқытып-үркіткенін, қудалауын атайды. Ал құрбанға топ болып әлімжеттік жасауды моббинг дейді.

Оқушылар өз ойларымен бөліп, сұрақтарға жауап береді

Слайд

ҚБ: Өз ойын дұрыс мағынада білдіріп, сабаққа белсенділікпен қатысқан оқушыға «Жарайсың!» деген мадақтау сөзімен ынталандыру.

Ортасы (20 мин)

Буллингтің негізгі төрт түрі бар. Олар: сөзбен қорқыту, күшпен қорқыту, реляцион түрі және кибернетикалық буллинг.

1.Буллингтің күш көрсету арқылы жүретін түрі адамның тәніне зиянын тигізеді, оның дүние-мүлкіне зардап әкеледі. Мәселен, иықпен қағып өту, ұру, төбелесу осы қатарда. Әдетте буллинг басқалай басталып, ақыр соңында күш көрсетуге алып келеді. Күш көрсету — өлімге апаруы мүмкін өте қауіпті буллинг түрі.

2. Сөз формасындағы буллингте адам ауызша айқаймен, дауыс көтеру арқылы және күліп, кекетіп-мұқату арқылы зорлық көрсетеді. Құрбанды қорлап, оның намысына тию, сыртынан ол туралы өтірік айту, өсек тарату, дөрекі сөйлеу, жәбірлеу сөз түріндегі буллингке кіреді.

3. Relational буллингті кейде әлеуметтік агрессия деп те атайды. Бұл – бір адаммен қарым-қатынас құру арқылы оған зиян келтіру, кемсіту. Сондай-ақ реляцион буллинг түсінігін бір адам басқа жанның репутациясына кір келтіргісі келген, оның қоғамдағы беделіне нұқсан келтіруді ойлап жасаған әрекетін сипаттағанда да қолданады. Relational буллинг сырт көзге жақын араласатын адамдар боп көрінетін ортада болуы мүмкін. Сондықтан ол ұзақ уақыт басқа адамдарға байқалмай, бірнеше жылға жалғаса береді.

4. қорқытудың кибербуллинг деп аталатын түрі жиі ұшырасады. Кибербуллинг — интернет, әлеуметтік желі, түрлі сайт арқылы қоқан-лоқы көрсету. Жәбірлеуші телефонмен хабарласып немесе әлеуметтік желіде жазып, адамды қорқыта алады. Кибербуллинг жасаушы ауызша немесе белгілі бір фото, видео жариялап, қорлауы мүмкін. Сонымен қатар құрбанға зиян тигізу мақсатында ойластырылған арнайы тапсырыс аясында кибербуллинг белгілері байқалуы мүмкін.

.

Интерактивті тақта

Соңы

(10 мин)

Қауіпсіздік сабағы.

«Цифрлық диета» Челленджі:гаджеттерден қысқа уақытқа бас тарту сізге қалай әсер етеді?

Сабақты қорытындылау.

1.Буллинг дегенді қалай түсінесіңдер?

2.Кибербуллинг дегеніміз не?

Үй тапсырмасы: Тақырыпқа байланысты бейнероликтер көру.

Оқушылар өз ойларымен бөліп, сұрақтарға жауап береді

https://youtu.be/jWklhxwlxmA?si=3s9JkNCOr7aJQIbk