Бөлім:

Педагогтің Т.А.Ә. (болған жағдайда)

Күні:

18.11.2024

Сынып: 8 сынып

Қатысушылар саны:

Қатыспағандар саны:

Тәрбие тақырыбы

Буллингтен қорған

Құндылықты дарыту

«Буллинг» сөзінің мағынасын ашу, таныту;

Жасөспірімдер арасындағы қорлау, мазақтау, намысқа тию жағдайларын алдын алу;

Сынып ұжымын сыйластыққа, бір-біріне қолдау көрсете білуге тәрбиелеу.

Қауіпсіздік сабағы

«ТӨТЕНШЕ ҚЫЗМЕТ НӨМІРЛЕРІ ЖӘНЕ СЕНІМ ТЕЛЕФОНДАРЫ»

Мақсаты

төтенше жағдай кезінде және қажет болған жағдайда жедел қызмет нөмірлері мен сенім телефондарын қалай дұрыс пайдалану керектігін үйрету.

Сабақтың кезені/ уақыт

Педагогтың әрекеті

Оқушының әрекеті

Бағалау

Ресурстар

Сабақтың басы

Сәлемдесу және оқушылардың назарын аудару.

Оқушыларға бүгінгі тәрбие сағатының тақырыбы мен мақсатын түсіндіру.

Оқушыларға «Буллинг» сөзімен таныстыру және оның мағынасын талдау.

Сұрақ: «Сендер буллинг деген сөзді естідіңдер ме? Оның не екенін білесіңдер ме?»

Түсіндіру: Буллинг — бір немесе бірнеше адамның басқа адамға психологиялық, физикалық немесе әлеуметтік қысым көрсетуі.

Топтық талқылау

Мақсаты: Буллингтің себептері мен салдарын түсіну.

Оқушыларды топтарға бөліп, әр топқа келесі сұрақтарды талқылауды тапсырыңыз:

Буллинг дегеніміз не?

Ол қандай түрлерге бөлінеді (физикалық, психологиялық, кибербуллинг)?

Оның құрбандарына қандай әсері бар?

Қалай алдын алуға болады?

Презентация

Сабақтың ортасы

Буллингтің түрлері:

Физикалық буллинг: ұрып-соғу, итеру, заттарын сындыру.

Психологиялық буллинг: қорлау, мазақтау, кемсіту, үрейлендіру.

Әлеуметтік буллинг: топтан шығару, жалғыз қалдыру, сырт айналу.

Кибербуллинг: интернет арқылы қорқыту, қоқан-лоққы көрсету.

Буллингтің себептері:

Әлеуметтік жағдай, өзін өзгелерден төмен не жоғары санау;

Эмоционалдық және психологиялық мәселелер;

Үлкендерден немесе қоғамнан көрген теріс үлгі.

Буллингтің зияны:

Физикалық зиян: денсаулығына нұқсан келтіру.

Психологиялық зиян: адамның өзін-өзі бағалауына, эмоциялық жағдайына әсер ету. Буллинг құрбыларының кейбірі күйзеліске ұшырайды, сабаққа деген қызығушылығы төмендейді.

Әлеуметтік зиян: қоғамнан алшақтау, достарының болмауы, қорқыныш пен сенімсіздік.

Оқушыларға сұрақтар:

«Буллингтен қалай қорғануға болады?»

«Егер сен буллинг көрсең немесе куәгер болсаң, не істеу керек?»

Оқушылардың пікірін тыңдау:

Әр оқушыға сөз беріп, өз ойларын ашық айтуға мүмкіндік беру.

Постер жасау

Тақырыбы:

• «Буллингке жол жоқ!»

• «Буллингтен қорғанудың 5 ережесі»

• «Достық – күшті қару»

Оқушылардан постерлерге суреттер мен қысқа ұрандарды қосып, сыныпта көрсетуін сұраңыз.

Интербелсенді тақта/ компьютер

Сабақтың соңы

1. Бейнеролик көрсету (қажет болса) немесе қысқа әңгіме (мысалы, буллингтен аман қалған бір адамның оқиғасы туралы).

2. Мақал-мәтелдер арқылы буллингтің алдын алу.

   • Мысалы: «Бірлік бар жерде тірлік бар», «Жақсылықпен жер көгерер, батамен ел көгерер».

Оқушыларға буллингтің зияны туралы ақпаратты жинақтап, әрқашан бір-біріне қолдау көрсету керектігін түсіндіру.

Әрқашан достық пен сыйластық қарым-қатынасты ұстану маңызды.

• Оқушылардан бүгінгі сабақтан қандай ой түйгендерін сұрау.

• Сабақ соңында әрбір оқушыға бір-біріне жылы сөздер айтқызып, достыққа шақыру.

Тақырыптық сұрақ-жауап ойыны

Мақсаты: Оқушылардың білімін бекіту.

• Буллинг туралы сұрақтарды викторина форматында өткізіңіз. Мысалы:

  • Буллинг құрбанына қалай көмектесуге болады?

  • Біреудің буллингке ұшырағанын қалай білуге болады?

Презентация

Қауіпсіздік сабағы

Сабақтың мақсаты: төтенше жағдай кезінде және қажет болған жағдайда жедел қызмет нөмірлері мен сенім телефондарын қалай дұрыс пайдалану керектігін үйрету.

Негізгі міндеттер:

• оқушылардың қауіпсіздікті қамтамасыз ету жүйесіне кіретін қызметтер және шұғыл қызметтердің телефон нөмірлері туралы түсініктерін бекіту;

• қоңырау шалу кезінде ақпаратты бекіту және туындаған қауіпті жағдай туралы шұғыл қызметтерге телефон арқылы қажетті көмек туралы ақпаратты дұрыс және нақты ұсынуға үйрету.

Сабақтың барысы

1. Кіріспе (2 минутқа дейін)

Қауіпсіздік қызметтерін шақыру ережелері

• Өрт сөндіру құтқару қызметіне қоңырау шалу үшін телефон нөмірін ғана емес, тағы не білу керек?

• Үйдің толық мекенжайы (қала, көше, үй, пәтер) және жағдай.

1. Негізгі бөлім (7 минутқа дейін)

Қаланың қауіпсіздік қызметінің диспетчері сіздің қоңырауыңыздың себебін тез түсініп, соған сүйене отырып әрекет етуі үшін сізге төнген қауіпті жағдай туралы телефон арқылы дұрыс және анық хабарлай білуіңіз керек. Қауіпті жағдай туралы телефон арқылы хабарлаудың жалпы ережелері:

Егер сіз телефон арқылы көмек сұрасаңыз, қысқаша хабарлаңыз:

• қоңыраудың себебі;

• аты-жөні;

• телефон нөмірі және мекенжайы;

• сөйлесудің соңына дейін тұтқаны қоймаңыз.

Қолданыстағы жедел қызмет нөмірлері мен сенім телефондарын қайталау, қажет болған жағдайда қайда және неге қоңырау шаламыз (презентацияда).

Қоңырау кезінде не хабарлаймыз, сөйлесуді қалай және қашан аяқтаймыз? Жалған қоңыраулар қандай?

Рольдік ойын

Оқушыларды жұптарға бөліп, «Қате қоңыраулар» ұғымын және олардан қалай аулақ болу керектігін талқылаңыз. Сондай-ақ, төтенше жағдайлар қызметі мен қоғамға жалған қоңыраулардың салдары туралы қысқаша талқылауды ұсыныңыз.

Өрт күзеті	101
Полиция	102
Жедел жәрдем	103
Төтенше газ қызметі	104,112
Бірыңғай құтқару қызметі	112
«111 жедел қызметі» байланыс орталығы балалар мен ересектер өздеріне көмек қажет екендігі туралы, тұрмыстық зорлық-зомбылық, балалардың құқықтарының бұзылуы туралы, баланың көшеде, үйде, көлікте жалғыз қалғаны туралы, өміріне және денсаулығына қауіп төнгенде хабарласу үшін ашылған. - «111» нөмірі – 24/7 байланыста	111
«111» нөмірі – құпиялылықты сақтайды «111» нөмірі – тәулік бойы ІІД және өңірлердің жедел топтарымен байланыста.

3. Қорытынды (2 минутқа дейін)

Сабақты қорытындылау

- Тыңдалған тақырып бойынша есептерді шешу. «Әзіл-қалжыңға» және жедел жәрдем менеджеріне қоңырау шалуға деген ұмтылыс көптеген адамдарда болуы мүмкін, бірақ мұны жасамас бұрын, мұндай «ләззат» пен көңілділік бірнеше сағатқа созылатынын және олар үшін бірнеше жыл төлеуге тура келетінін есте ұстаған жөн. Алайда жалған қоңыраудың бағасы тек ақшалай баламамен өлшенбейтінін ұмытпаңыз. Бұл, ең алдымен, адамдардың өмірі мен әл-ауқаты! Және бұл әрқайсымызға әсер етуі мүмкін. Дегенмен өрттің немесе басқа оқиғаның нақты қаупі болған кезде, әрқашан қажетті шұғыл қызмет нөмірін немесе 112 бірыңғай құтқару телефонын теріңіз, сонда көмек міндетті түрде келеді!

Алгоритмді тарату.

Пайдалы сілтеме:

https://drive.google.com/file/d/1f-XnfFNgrplQsC-G4-xKAt5m89kWbz85/view https://youtu.be/HBgZoMfOcIE?si=EZJu9AyOvXc6UNRO