Cеминар-тренинг

Семинар-тренинг барысы

Жоспарланған кезеңдер,

уақыт

Жоспарланған іс-әрекеттер

Ұйымдастыру кезеңі

5 мин

1.Сәлемдесу. Семинар-тренингке қатысушылармен сәлемдесу, осы тренингтің тақырыбы мен мақсатымен таныстыру.

2. Бейнежазба «Рухани жаңғыру».

Елбасымыздың «Болашаққа бағдар: рухани жаңғыру» бағдарламасының таяу жылдардағы міндеттерінде ең бірінші қазақ тілін біртіндеп латын әліпбиіне көшіру жұмыстарын бастау туралы нақты айтылғаны белгілі.Онда біз қазір латын әліпбиін қолданып, бүгінгі сабағымыздың эпиграфын оқып көрейік:

«Sabaq bery′ - u′i′rens′ikti jai′ g′ana na′rse emes, ol jan′adan jan′any tabatyn o′ner» J.Ai′may′ytov.

Жүсіпбек Аймауытовтың осы ұлағатты сөзінде көрсетілгендей

оқытудың парадигмасы өзгеріп, білім берудің мазмұны жаңарып, жаңаша бағалау: критериалды бағалау жүйесі енгізілді. Критериалды бағалау кезінде оқушылардың үлгерімі алдын ала белгіленген критерийлердің нақты жиынтығымен өлшенеді. Бұл бағалау жүйесінің артықшылығы, баланың ойлау қабілетін дамытып, ғылыммен айналысуына ықыласын туғызады. Оқушылардың бойына өмірдің барлық салаларында табысты болу үшін, қажетті дағдыларды дарыту үшін, мұғалімдер шеберлікті шыңдап, үздіксіз ізденіп, жаңашылдықты игеріп ,озық тәжірибелерді меңгеріп, тынымсыз еңбектену керектігі анық. 

Ынтымақтас-

қан орта құру

5 мин

3.«Досыңа бөлінген уақыт» әдісі. Мұғалімдер сағат суретіне әріптесінің есімін жазады.Досыңа бөлінген уақыт тапсырмаларын орындайды.

Топтарға бөлу

3 мин

4.«Санамақ» әдісі. Тренингке қатысушылар 1,2,3,.. орысша, ағылшынша санау арқылы екі топқа бөлініп отырады.

1-топ: «Қалыптастыру бағалау » тобы

2-топ: «Жиынтық бағалау » тобы

1-один, 2-тю,3-три, 4-фо, 5-пять, 6-сикс, 7-семь, 8-эйт, 9-девять, 10-тен, 11-одинадцать, 12-туелф, 13-тринадцать, 14-фотин, 15-пятнадцать, 16-сикстин, 17-семнадцать, 18-эйтин, 19-двеятнадцать, 20-туенти.

Ой шақыру

5 мин

5. Бейнежазба «Опять двойка». Сұрақ: Бұл бейнежазба соңы немен аяқталуы мүмкін? (қатысушылар өз ойларын айтады)

Мұғалімдерге Ф.П. Решетниковтың «Тағы да екілік» суреті

ұсынылады.

Мына суретке мұқият қараңыздаршы, ондағы отбасы мүшелерінің әрқайсының көңіл-күйі қандай? Мектептен үйіне тағы да «екілік» бағасын арқалап қайтқан оқушы өзін қалай сезініп тұр? Тағы да екілік! Кеше де, бүгін де, ертең де... Оған кім кінәлі, мұғалім бе, оқушы ма? Әріптестер, қалай ойлайсыздар, бұл баланың өз бағасын жақсартуға мүмкіндігі бар ма? Бүгінгі сабақта біз сіздермен қазіргі заманда білім саласындағы нағыз саясатқа айналған проблеманың бірі – бағалау мәселесіне тоқталамыз. Өйткені оқушының білімін бағалау – оның оқуға деген ынтасының мүлдем жоғалуына немесе қызығушылығының оянуына бірден-бір себеп болып табылады. Мұғалімнің басты міндеті – оқушының өзіне деген, өз күшіне деген сенімінің жоғалуына жол бермеу.

Ой қозғау

5 мин

«Домино» ойыны. Топтық жұмыс. Берілген сөздерлен домино құрастырады, қорытынды жасайды.

«Бағалау» - (латын сөзінен шыққан «жақын отыру» дегенді білдіреді) мұғалімдер
балалардың оқуға деген ынтасы мен қызығушылығын оята алатын пәрменді тетік.

Дейін –кейін стратегиясы

5 мин

«Дейін»: алдымен мұғалімдерге критериалды бағалау , бағалау критерийі, дескриптор туралы өз түсініктерін жазуды сұраймын. Әр топ ақылдаса отырып, өз ойларын кестеге жазады, таныстырады.

Мағынаны тану

15 мин

1.Қатысушылар критериалды бағалау жүйесі және қалыптастырушы,жиынтық бағалау үдерісі мазмұнымен танысады (парақтар үлестіріледі)

2. Бейнежазба «Критериалды бағалау»

3. «Фрайер» моделі. Әр топқа тапсырма беріледі. Топ мүшелері бір-бірімен ақылдасып , модельді толықтырады.Әр топ өз модельлерін ортада қорғайды (анықтамасы, ерекшеліктері, тиімді жақтары, тиімсіз жақтары).

Сергіту

2 мин

Суреттерді мақал-мәтелдер арқылы сөйлетейік.

Топтық жұмыс

Тапсырма 1.

5 мин

Топтарға есеп шешуді ұсынамын Орындалған жұмысты өзара тексереді, бағалайды.

Есепті шешіңіз:

Көрермендер залында 360 орын бар.42 адамнан тұратын 8 топ өз орындарына отырғаннан кейін неше орын бос қалады?

Неге дәл осы бағаны қойғанын түсіндіреді..

Қалыптастырушы бағалау тапсырмаларын құрастыру алгоритмі қандай? Сұрағына жауап берер болсақ,слайдты көрсету арқылы : оқу мақсаттарына шолу, ойлау деңгейлерін сәйкестендіру, Блум таксономиясының негізінде бағалау

критерийлерін анықтау, бағалау критерийлеріне сәйкес тапсырмалар құрастыру, тапсырмаларға дескрипторлар құрастыру, қалыптастыру бағалау үдерісін өткізу, нәтижелерді талдау, оқушыларға кері байланыс беру.

Бір-біріңіздің жұмысыңызды бағалау критерийлері бойынша тағы да бағалап көріңіздер.

Енді критерийлерді бергенге дейінгі және бергеннен кейінгі бағалауды салыстырыңыздар. Айырмашылық бар ма? Критерий бойынша қойылған бағамен келісесіз бе? Бұл тапсырмаға пайдаланылған екі түрлі бағалаудан қандай қорытынды шығарасыз? Нені түсіндіңіз? ҰМЫТПАҢЫЗ: оқушыларға тапсырманы берердің алдында оларға бағалау критерийі мен дескрипторды ұсыныңыз, сонда оқушы алдын-ала өзінің не үшін бағаланатынын біледі де, тапсырманы дұрыс орындайды. Тапсырмаларда қолданылатын дескрипторлар анық, нақты болуы қажет. Дескрипторлар білім алушыларда тапсырманы орындаудың қай кезеңінде қиындықтар туындағанын анықтауға мүмкіндік береді. Бұл білім алушыларға кері байланыс беруге мүмкіндік туғызады. Оқушыларға бірін-бірі бағалауға, өзін-өзі бағалауға мүмкіндік беріңіз.

Ой жинақтау

5 мин

Топтық жұмыс. Кестедегі бос орынды толтырыңыз.Кестеге қандай тақырып қоюға болады? Төмендегі сөздер кімдерге арналған? Қорытындыны қалай жасар едіңіз?

Дейін-кейін стратегиясы

5 мин

«Кейін»: мұғалімдерге тағы да критериалды бағалау, бағалау критерийі, дескриптор туралы тағы де не білгендіктерін толықтырып жазады. Мұғалімдер осы сұрақ бойынша «Дейін» не білгендерін және «Кейін» не біліп шыққандарын салыстырады, қорытынды шығарады.

Қорытынды

1 мин

Қорытынды сөз. Критериалды бағалау - сапалы оқу кепілі екеніне тағы да көз жеткіздік . Критериалды бағалау жүйесінде ең маңызды нәрсе – оқушы өзін-өзі бағалауды үйреніп, өз білімінің артықшылықтары мен кемшіліктерін көріп, әрі қарай қалай даму керектігін түсінеді.Ұлы ағартушы Ахмет Байтұрсынұлының "Білім - біліктілікке жеткізер баспалдақ, ал біліктілік сол білімді іске асыра білу дағдысы“ тұжырымында көрсеткендей мұғалімдер   өз тәзірибесінде қалыптастырушы және жиынтық бағалауды пайдаланғанда,  бағалау  оқудағы аса пайдалы  құралға  айналады.
Өз тәжірибесінде критериалды бағалауды дұрыс түсініп, тиімді қолдана білген мұғалімнің кәсіби шеберлігінің артуына, әрі қарай дамуына, жаңа идеяларға ұмтылуына серпіліс береді және білім сапасын арттыруға зор үлес қосады.Құрметті ұстаздар сіздерге алдағы уақытта істеріңізге сәттілік, жұмыстарыңызға шығармашылық табыс тілеймін!

Кері байланыс

3 мин