Жетісу облысы Алакөл ауданы

«Қоңыр орта мектебі МЖДШО бар» кмм

Педагог-зерттеуші, биология пәні мұғалімі

Д.Мухаметжанова

Цифрлық білім беру ресурстары – биология сабағының сапасын арттыру құралы

Бүгінгі таңда білім беру үрдісінде цифрлық ресурстардың рөлі күннен-күнге артып келеді. Әзірленген пәндердің бірі – биология. Цифрлық білім беру ресурстары биология сабағының сапасын арттырудың тиімді құралы ретінде танылып отыр. Біздің тәжірибеміз осы бір шынайы өзгерістердің куәсі болды.

Негізгі бөлім

1. Цифрлық ресурстарды енгізу:

Сабақты өткізу барысында цифрлық білім беру ресурстарын, яғни интерактивті платформаларды, мультимедиялық контенттерді, виртуалды лабораторияларды және қосымшаларды пайдалануды еңгіздік. Мысалы, Quizlet және Kahoot платформаларында биология пәніне арналған ойындар мен тесттер дайындап, оқушылардың білімін тексеру үшін қолдандық.

2. Оқушылардың қызығушылығын арттыру:

Цифрлық ресурстардың арқасында сабақ өткізу әдістемеміз жаңартылды. Виртуалды экскурсиялар, 3D модельдер мен анимациялар арқылы оқушылардың қызығушылығы мен ынтасы артты. Бұл оларға теориялық және практикалық білім алуға мүмкіндік береді. Мәселен, өсімдіктер мен жануарлардың анатомиясын 3D модельдер арқылы көрсету, оқушылардың осы тақырыптарға деген қызығушылығын оятты.

3. Практикалық сабақтар:

Цифрлық құралдарды қолдану, әсіресе практикалық сабақтарда, оқу үрдісін жеңілдетті. Виртуалды лабораторияларда тәжірибе жүргізу, қоршаған ортаны зерттеу, өмір сүру циклдарын бақылау – мұның бәрі оқушылардың теориялық білімін нақты практикамен ұштастырады. Ол үшін Labster секілді платформаларды пайдаланып, биологиялық тәжірибелерді қауіпсіз жағдайда жасау мүмкіндігіне ие болдық.

Практикалық жетістіктер.

Цифрлық ресурстардың тиімділігін анықтау үшін, біз өткен оқу жылында білім алушылар арасында сауалнама өткіздік. Нәтижесінде:

- 85% оқушылар сабаққа қызығушылықтарының артқанын білдерсе,

- 90% оқушы цифрлық ресурстардың оқуға деген мотивациясын көтергенін айтты,

- 75% оқушы өз бетінше зерттеуге деген ынтасының артқанын жеткізді.

Оқушылардың сыныптағы белсенділігі мен артқан жетістіктері, бағалау көрсеткіштері оның дәлелі. Олардың білім деңгейлері айтарлықтай өсті, әр сабақтан кейін алған білімдерін күнделікті өмірде қолдана алатындықтарына көз жеткіздік.

Қорытынды

Цифрлық білім беру ресурстары биология сабағының сапасын арттыруда зор мүмкіндік беретін құрал болып табылады. Оқушылардың жаңа технологиялармен танысуы, ғылымның қызықты әлеміне кіруі, және білімін тереңдетуі – міне, осындай нәтижелер цифрлық ресурстарды оқытуда пайдаланудың нәтижесі. Алдағы уақытта да цифрлық білім беру формуласын жалғастыру, білім беру үрдісін одан әрі жаңарту маңыздылығын арттыра түседі.

Сабақты қызықты, интерактивті және заманауи ету үшін цифрлық ресурстарды тиімді пайдалану арқылы, біз жас ұрпақты болашаққа даярлай аламыз!