«Жамбыл облысы әкімдігінің білім басқармасы

Тараз қаласының білім бөлімінің №38 «Толағай» бөбекжай-бақшасы» МКҚК

«Дәрігер» сюжетті-рөлдік ойыны

№1 «Ботақан» кіші тобы

Тәрбиеші: К.Сыпатова

2023ж

Күні: 12.06.2023ж

Тақырыбы: «Дәрігер» (Сюжетті - рөлдік ойын)

Мақсаты: Баланың сөз қорын, тіл байлығын дамыту. Бір - біріне деген жағымды қарым – қатынас, көңіл - күй сезімдерін, ой - қиялын одан әрі дамыту; ойын арқылы балаларға қоршаған өмір жайлы кең білім қолдана отырып, тәрбиелеу. Ойын барысында ақ халатты абзал жандардың игілікті еңбегіне деген балалардың сүйіспеншілігін арттыру. Дәрігердің сезімталдығы мен кішіпейілдігі, қамқорлығы сияқты жақсы қасиеттерін жеткізе білу және тәрбиелеу.

Тәрбиеші: Дәрігер қайда жұмыс жасайды?

Балалар: Ауруханада, емханада.

Тәрбиеші: Олай болса, бүгін біз сендермен бірге «Емханадағы» «Дәрігер» ойынын ойнаймыз. Қане, балалар өздерің орындарыңа барып жайғаса қойыңдар. Балалар өздерінің орындарына барып жайғасады.(Алдын ала рөлдерге бөлінген балалар дәрігерлік сала бойынша «Емхана кабинеттерінде» отырады). Алғаш болып, балалар дәрігеріне бір ана қызымен келеді.

Ата - ана ( Назипа апа) Саламатсыз бе, менің қызымның іші ауырып тұр, тамаққа тәбеті жоқ.

Дәрігер: (Әміре бала) Саламатсыз бе, қане қызыңызды тексерейін. Аузыңды аша ғой, кеше қандай тамақ жедің?

Ата - ана: Кеше кешкісін көкөністерді көп жеп қойған.

Дәрігер: (тексеріп көреді де, қағазға рецепт жазып береді). Мына дәрілерді алып, күніне 2 мезгіл беріңіз.

Ата - ана: Рахмет дәрігер. Сау болыңыз! (Келесі кабинетте тіс дәрігері (Стоматолог) отырады. Бір ата - ана баласымен кіреді). Ата - ана:- Саламатсыз бе, дәрігер.

Тіс дәрігері: (Айым бала) - Саламатсыз бе, келіңіз.

Ата - ана: Менің қызымның тісі түнімен ауырып шықты. Көріп жіберіңізші.

Дәрігер:– Қане, аузыңды аша ғой. (Тексеріп көреді). Тісіңді құрт жеп қойыпты. Тәтті нәрсені көп жеме. Күніне 2 мезгіл тазалау керек. (Баланың тісін емдейді.) Ата - ана: – Рахмет сізге, дәрігер! Дәрігер: - 2 сағаттай еш нәрсе жемеңіздер, сау болыңыз!

(Ортада «Дәріхана» (Аптека) болады.)

Ата - ана:- Саламатсыз бе! Дәріханашы: (Жанель)– Саламатсыз бе! Ата – ана (Жанат апай):- Мына дәрілерді маған беріңізші. Дәріханашы: (Рецепт бойынша дәрілерді тауып береді). - Мінекей алыңыз. Ауырмаңыздар, сау болыңыз! Тәрбиеші: Балалар, жарайсыңдар. Ал енді, балалар, бізге бүгін қонақа біреу келе жатқан сияқты, тыныш қане тыңдайық. (Осы кезде есіктен балабақшаның медбикесі кіріп келеді.)

Медбике:- Саламатсыңдар ме, балалар! Қал - жағдайларың жақсы ма? Денсаулықтарың қалай? Бүгін барлығың аппақ болып, әдемі болып кетіпсіңдер. Ой жарайсыңдар, балалар, осылай ақылды бала болыңдар. Рахмет сендерге. Күнделікті жуынып, таза болып жүру керек.

Тәрбиеші: Саламатсыз бе, дәрігер. Біз бүгін «Дәрігер» ойынын ойнап, дәрігер рөлінде болдық. Рахмет сізге, дәрігер! Ал, балалар, осымен бүгінгі «Дәрігер» ойынымыз аяқталды. Ауырмайық, деніміз сау болсын!