Ақмола облысының білім басқармасы

«№5 Агротехникалық колледжі» КММ

10 минуттық ақпарат

«Дәуір үні» радиосы

Тақырыбы:

2019 жылғы тағылымды тұлғалардың мерейлі жылдары.

Қазақ әдебиеті

Өткізетін: екінші санатты қазақ тілі және

әдебиет пәнінің оқытушысы А.С.Байзақ

Бозайғыр ауылы.

«Дәуір үні» радиосы.

Барысы: «Дәуір үні» радиосы, Музыка фонын қою. (00.18)

Жүргізіші: Танымы терең, талғамы таудай барша тыңдаушылар! Сәлеметсіздер ме? Қадірменді радио тыңдаушылар тікелей әуе толқынында «Дәуір үні» радиосынан сөйлеп тұрмыз. Микрофон алдында 2 курс студенті Сымбат Сұлтанова. Бүгін назарларыңызға қазақ әдебиетінің 2019 жылғы мерейтой иелері жазушы Әбіш Кекілбаев пен ақын Фариза Оңғарсынова туралы ақпараттарды ұсынамыз. (1 мин)

Заманымыздың заңғар тұлғасы, Кемеңгер тұлға, ірі қоғам қайраткері, аса дарынды жазушы Әбіш Кекілбаевтың туғанына 80 жыл.
Әбіш Кекілбаев 1939 жылы 6 желтоқсан күні Маңғыстау облысы, Маңғыстау ауданы, Оңды ауылының Мырзайыр деген жерінде туған.* Шығармашылығы:*Алғашқы өлеңдер жинағы «Алтын шуақ» 1962 жылы, «Бір шөкім бұлт» 1965 жылы жарық көрді. Ауыл өмірінен жазылған повесть, әңгімелер жинағы «Дала балладалары» - Әбіш Кекілбайұлының кең тынысты эпик, суреткерлік болашағын танытады. 

* Шандоз» «Аңыздың ақыры», «Үркер», «Елең-Алаң» романдары, «Бір шөкім бұлт», «Күй», «Бәйгеторы», «Шыңырау», «Бәсеке», «Ханша дария хикаясы», «Құс қанаты», «Бір шоқ жиде», «Шеткері үй» повестері жарық көрді. «Үркер», «Елең-алаң» романдары қазақ әдебиетінің үлкен табысы ретінде бағаланып, Қазақ КСРО Мемлекеттік сыйлығын алды. * Марапаттары: Қазақстанның Еңбек Ері, Отан ордені, Назарбаев ордені, ҚР тәуелсіздігіне 10 жыл медалі, ҚР Парламентіне 10 жыл медалі, Астана қаласына 10 жыл медалі, Құрмет белгісі ордені, Достастық ордені, Қазақстанның Мемлекеттік сыйлығының иегері, Елбасының бейбітшілік және рухани келісім сыйлығының иегері , Қазақстанның халық жазушысы, Маңғыстау облысының құрметті азаматы.

2.

Фариза!

Фаризажан, Фариза – қыз,

Өмірде ақындардың бәрі жалғыз.

Шыдай – шыдай ақыры жалығармыз,

Бірімізден біріміз арылармыз.

Біздерді де жоқтайтын жан болса егер,

Шаң басқан архивтерден табылармыз- деп Мұқағали Мақатаев жырлаған ПОЭЗИЯ ПАДИШАСЫ, ақын, Қазақстанның халық жазушысы, журналист, аудармашы Фариза Оңғарсынованың туғанына 80 жыл. Фариза Оңғарсынова 1939 жылы желтоқсанның 25-де Нарын құмында Иманғалиұлы Оңғарсынның отбасында дүниеге келген. Ақын қаламынан туған жер, Махаббат, әйелдер, достық туралы жалынды өлеңдері жарық көрді.

* Танымал шығармалары

1. «Маңғыстау маржандары», «Жүрек күнделігі», «Сұхбат»,«Жүректің төрт мезгілі», «О, туған жер», «Поэзия», «Махаббатсыз, сезімсіз көңіл жетім» тб.

*МАРАПАТТАРЫ

*Қазақ КСР Жоғарғы Кеңесінің Құрмет Грамоталарымен, "Құрмет Белгісі", "Парасат" ордендерімен марапатталған.

*Республика мәдени-ағарту ісіне еңбегі сіңген қызметкер.

*Қазақстан Республикасы Парламенті Мәжілісінің депутаты болған.

*ҚазКСР Мемлекеттік сыйлығының лауреаты (1979). (4 мин)

Көркем сөз: Фариза ақынның бірнеше өлеңдеріне арқау болған тақырып- асқар тау әке мен аяулы ана тақырыбы.

1. «Әке-ана» өлеңі.- (компьютерден қою) (00:55)

3. «Анаңның бетінен сүй» өлеңі.- (компьютерден қою) (1 мин)

Қазақтың қайсар қызы, өлеңді өмірге айналдырған, шындықты сүйген сұлу жырдың иесі Фариза Оңғарсынова қазақ әдебиетінде өшпес мұра қалдырған тұлға.

Ән: Тыңдарман қауым, Қуандық Рахымның орындауындағы «Мен қазақпын» атты рухты әнді қабыл алыңыздар! (03:43)

Жүргізуші: Құрметті радио тындаушы қауым! Сіздер қазақ әдебиетінің 2019 жылғы мерейтой иелері Әбіш Кекілбаев пен Фариза Оңғарсынова туралы ақпарат тыңдаңыздар. Жастар, әсіресе өзімнің қатарластарыма қазақ әдебиетін оқуға,көркем сөзді тыңдаңыздар деген Ұран тастағымыз келеді. Фариза ақын өз жазбасында кітап оқу туралы былай деп үн қатқан еді: «Кітап оқымаған адам – тамырсыз қаңбақ. Өркениетті мемлекет болу үшін жеке пенделерді ғана байытып отырған материалдық байлық емес, ол мемлекетке адамдардың рухани байлығы керек. Кітап – сол рухани байлықтың негізгі бөлімі»-деген екен.

Әрдайым «Дәуір үні» радиосымен бірге болыңыздар! Сіздер үшін бүгінгі бағдарламаны жүргізген 2 курс студенті Сымбат Сұлтанова. Мен сіздермен ертең сағат 11:40-та «Дәуір үні» радиосының тікелей әуе толқынында қайта қауышатын боламын. Сондықтан «Дәуір үні» радиосының тікелей әуе толқынынан алыстамаңыздар!

Музыка фонын қою. (00.18)