Дебат: "Қазақстан жастары қаншалықты патриот?" 6 сынып

Тақырыбы: «Қазақстан жастары қаншалықты патриот?»

Мақсаты:

• Оқушылардың еліміздегі патриоттық бағытта жүзеге асырылып жатқан игі істер мен айтулы шаралар, бағыттар туралы түсініктерін кеңейту;

• Екі жақты позицияда оқушылардың сөз жарасымдарына қатыстыру барысында оларды обьективтілік, пікір алуындағы елжандылық, принципшілдік қасиеттерге тәрбиелеу;

• Тақырыпқа байланысты әртүрлі деректер, материалдар, фактілер, статистикалық мәліметтерді саралау арқылы оқушылардың танымдық-эвристикалық қабілеттерін арттыру.

Сабақ әдісі: Пікір таластыру

Жаңа технология: Проблемалық полемика

Пәнаралық байланыс: Тарих, саясат, экономика, әлеуметтану

БАРЫСЫ:

Жүргізуші:

Армысыздар құрметті ұстаздар, оқушылар және бүгінгі дебатқа қатысушылар! «Қазақстанның жастары қаншалықты патриот?» атты дебатымызға қош келдіңіздер! Патриотизм дегеніміз – Отанға деген сүйіспеншілік, жеке адамның аман – саулығының қоғамдық – мемлекеттік қауіпсіздікке тікелей байланыстылығын сезіну, ал мемлекетті нығайту дегеніміз - жеке адамды күшейту екенін мойындау, қысқасын айтқанды, патриотизм мемлекет деген ұғымды жеке адаммен, яғни оның өткені мен бүгіні және болашағымен қарым-қатынасты білдіреді.

Олай болса, бүгінгі дебаттың мақсаты оқушыларға патриотизм туралы түсінік бере отырып отансүйгіштікке, ұлтжандылыққа тәрбиелеу.

Қатысушылар

«Парасат» тобы «Ақиқат» тобы

Жақтаушы Даттаушы

Мақсаты: барлық фактілік дәлелдерді ұсыну арқылы өз позициясына сәйкес реебатл (конфликтілік) жағдайын тудыру.

Міндеті: Әрбір спикердің сөйлеу уақытының шеңберден шықпауын, әдептілік этикасын сақтауын бақылауға алады.

«Парасат» тобы жақтаушы позицияны иеленді.

Бұл бағыт бойынша Қазақстан жастарына елжандылық, отансүйгіштік қасиеттер тән деген пікірді ұстанды.

«Ақиқат» тобы даттаушы позицияны иеленді.

Дәл осы көзқарасқа сәйкес қазіргі заманғы жастарға патриотизм тән емес деген оппозициялық бағытты ұстаушылар.

Қысқаша топтық резюме:

Екі топ та өздерінің ұстанған позицияларын айқын қорғап шығуға тиісті.

Жақтаушы топ өздерінің фактілерін ұсына отырып, нақты бір проблеманы көтеру арқылы оның:

1. Шығу себептерін

2. Шешу жолдарын

3. Туындау нәтижелерін айқын көрсетуге міндетті.

Даттаушы топ әрбір спикерлері өздерінің алдында қорғап сөйлеп кеткен әр жақтаушы спикері сөзінен кейін, ең әуелі оның кейсіне тойтарыс беріп, содан кейін өз дәйектемелерін ұсынуға міндетті.

Әрбір спикер 5 минут шегінде ой тарқатады.

Сөздерін түйіндейді.

Көрермендердің дауыстары саналады.

Бәрі түсінікті болса, спикерлеріміз ойларын жинақтап алғанша

оқушылардың үйден дайындап келген Қазақстан, туған жер туралы тақпақтарына кезек берейік.

Сегізбаева Аружан, Нажибова Гулмира, Шарханұлы Бекболат

Көп рахмет. Енді спикерлеріміз дайын болса, ең бірінші жақтаушы позициясын ұстанушы топтың спикеріне сөз береміз.

Сұрақтар қойып отырамыз.

(спикерлер өз ойларын ортаға салып, сөз таластырады)

«Тәуелсіз Қазақстан», «Қазақстан Республикасы» Неткен керемет, киелі ұғымдар! Бұл ұғымдардан, Отанымыздың тәуелсіз, еркін мемлекет екенін бірден аңғаруға болады. Бұл тәуелсіздікке біз қалай жеттік және кімдердің арқасында? Әрине, аға, әпкелеріміздің Отанымыздың патриоттарының арқасында жеттік. Ендеше сол тәуелсіздік үшін құрбан болған аға, апаларымызды еске түсірсек.

(Слайд қойылады)

Нұрсұлтан Әбішұлы Назарбаев: «Алдымызда асу-асу белдер бар, ұлт жолында ұйтқи соққан желдер бар. Бел де талар, жел де беттен қағар. Бәріне төзу керек, бәріне көну керек жас ұрпақ!» - деп айтқандай, сіздер, жас ұрпақ, тәуелсіздігімнің баянды болуы үшін жауапты екенімізді аға ұрпақ зор сеніп артып отырғанын түсінулеріңіз керек. Бүгінгі партада отырған оқушылар – ертеңгі азаматтар, ел патриоты өздеріңсіңдер.

Ал, құрметті көрермен егер Қазақстанның жастары патриот деп санасаңыздар көк түсті, ал Қазақстанның жастарына патриотизм тән емес дегендеріңіз қызыл түсті көтерсеңіздер.

Рахмет!

Ал, «Ақиқат» тобы өздеріңіз көріп тұрғандай көпшілік Қазақстан жастары патриот деген ойда. Осыдан кейін сіздердің ойларыңыз өзгерді ме?

Біз, Отанымызды, елімізді сүюіміз керек. Біз, Қазақстанның патриоты болуымыз керек!

Дебатымызды патриоттық әсем әнмен аяқтаймыз!

Марапаттау:

«Үздік топ» және «Үздік спикер» номинациялары бойынша марапатталады..

Қорытындылау.