Ақтөбе облысы,Мұғалжар ауданы,Қандыағаш қаласы №3 мектеп-гимназиясы,КММ. Мектепалды даярлық тәрбиешісі: Толекова Лайла Мукатаевна

Білім саласы: Денсаулық

Бөлімі: Дене шынықтыру

Ұ.О.Қ тақырыбы: Мултьфильмдер әлемі

Ұ.О.Қ мақсаты: Негізгі қимылдарды орындау дағдыларын біледі.Спорттық ойындар элементтерін орындай алады,нысанаға допты тигізе алады,допты басынан асыра екі қолымен лақтыра,жалғастыра алады.Жіп астымен еңбектеғп,еңкейіп өте алады.

Ресурстар: Доп,жіп,гимнастикалық кілемше

Саралау: Жұптық,топтық,командалық

Ұ.О.Қ барысы: (Сап түзел! Ысқырықпен юелгі беру)

Ынталандырушы сәт: Добым,добым домалақ,

Зуылдайды домалап.

Секіреді,тұрмайды,

Домалайды,зырлайды. (Доп) Қимылмен көрсетеді.

(Ысқырықпен белгі бойынша)

-Ретімен саналамыз, I- ші, II-ші

-Енді балалар, дамытушы жаттығулардан бастаймыз,қолымызды алдыға,жоғары,жанымызға,төмен түсіреміз. (қайталап жасайды)

-Өте жақсы,келесі жаттығу қолымызды белімізге қоямыз,белімізді алға қарай,артқа қарай айналдырамыз.

-Жарайсыңдар балалар,енді 10 рет отырып-тұрамыз.

-Жарайсыңдар,өте тамаша,енді денемізді қыздырамыз.Яғни алдымен бастапқы негізгі қалыпқа сапқа тұрамыз,оңға бұрыламыз. Алдымен менің соңымнан жәй жүреміз,адымдап жүреміз,жәй жүгіреміз,енді қатты жүгіреміз.Бір-бірімізді итермейміз,сапты бұзбаймыз.

-Өте жақсы балалар!

Миға шабуыл: (сыни тұрғыдан ойлау) Жұмбақ

-Балалар,мен қазір сендерге жұмбақ жасырамын

Тебесің сен бір,

Тебемін мен бір.

Өзі теңбіл

Ол не? (Доп)

-Дұрыс,жарайсыңдар балалар! Ендеше біз қазір осы допты қағып алу,лақтыру,нысанаға тигізу,жіп астынан еңбектеп өтуді үйренетін боламыз.

-Алдымен допты қағып алудан бастайық. Кеттік!

-Жарайсыңдар!Енді 2 топқа бөлінеміз,нысанаға доп тигізіп көрейік.Менің белгім бойынша бастаймыз.

-Өте тамаша,келесі тапсырма допты басымыздан асыра келесі балаға жалғастыру,яғни артымызға бұрылмай,қолымызды жоғары көтеріп допты жалғастыру.Кеттік!

-Жарайсыңдар,өте тамаша балалар!

-Енді жіп астынан еңбектеп,еңкейіп өтіп көрейік,менің берген белгіммен бастайсыңдар.

Қорытынды бөлім: Қимылдық ойын – «Үлкен-кіші»

-Қолымда бір үлкен,бір кішкентай доп бар,үлкен допты көтерсем тұрасыңдар,кішкентай допты көтерсем отырасыңдар.Кім шатасады,сол ойыннан шығады,түсінікті ме балалар? Кім жеңімпаз болады екен?

-Балалар,бүгінгі сабаққа өте жақсы қатыстыңдар,мен сендерге алғыс айтамын.Және сендерге бір сұрақ қойсам деймін,шешсеңдер сендерге сыйлығым бар.

-Өзі домалақ,түсі ақ,қолдан жасалатын қазақтың ұлттық тағамы.Ол не? (Құрт)

-Өте дұрыс,жарайсыңдар балалар!Сендерге құрт берейін,бүгінгі күніміз жақсы өтті деп ойлаймын.Рахмет!!!